... يا زيـــــــن الـبــزاريـــــــــن ..!!

[البكيراوي]

مساكم الله بكل خير ووناسة ..

وحيا الله المستانسين والمسفهلين ... واللي ضايقة صدروهم يوخروووووون

لان ضيقة الصدر مرض معدي ..

وحنا اليوووووووم الاربعاء ..يعني بداية weekend

ونبي نسفهل ونستانس .


.اييييييييييييييه الاربعاء

اليوم هذا هو اجمل ايام الاسبووووووع

لانه فيه الجمعات والوناااسة وجمعه الاخوان والاخوات ...

يعني قهوة المغرب ما تفووووووت .. خاصة اذا صارن البنات مدهرات ومزينات ذاك الحلا

ويا زين البزراااااارين اذا بدو يلعبوووون بالحوش يا ملحهم ....

وإلا البنات الصغار ...وهن يلعبن دوووووووور


عاد تصدقووون يالربع ...إني عندي ولد اخت .. ما اظن بالعالم .. فيه بزر مثله !!!

ياخذ العقل بعلومه وسواليفه وذهانته ..... >>>اكيد طالع على خاله

اذا جيت اناديه ادلعه .. اقوله

هشام ..هشومي .. الهمشه ..

عاد يرد علي ويقول

خالوا ..خلخولي .. خلخل ..

واحيانا يتميلح زود .. ويقولي خالوا علولي ..



عاد هالبزر اللي ما يجي طول رجلي ..

فيه عصبية .. ونزعة قومية .. غير عادية

لدرجة انه ياكل التمر ..ويصوع العبس يعني يحلتهن ..

ويقول هذي قرطاسة حلاو القصيم


عاد على طاري التعصب الاقليمي ..

هذي بنت صغيرة بالمدرسة يمكن انه برابع او بثالث إبتدائي

جت المُـدرسة ( المعلمة ) سألتهم ..

يا بنات .. من فيكم ما هي سعودية ؟

ومير ترفع اصبعـه وتقول بأعلى صوته

انا انا يا ابله ...

قالت له الابله هاه يا شاطرة انتي من وين ؟

قالت انا قصيمية ...


عاد وش رايكم بالهبنت هذا التعصب وإلا بلااااش


عالعموم هذا اللي عندي واتمنى اني اسعدتكم بهذه المشاركة ..

وانتظر منكم ... قصص وطرائف .. بس عن البزارين فقط ..

لكم التحية

[الناقد البصير]

اهلا وسهلا ,,,

فعلا البزران ملح ها العالم

بس معليش ودي اسالك سوال لو انه بجيح شوي

ولد خالك اسمه هشام صح

ابي اعرف وش عاجبكم بسم هشام؟

تحياتي ,,

[بنت الشرقيه]

الفاضل البكيراوي

مافيه مثل فصول البزارين وحركاتهم
ولو تبي اسولف لك عن عيال العائله كلها ماخلصت السواليف
بس من جد براءه فيهم

اقولك امه رافعه فوق الدولاب صمغ صغير جدا وقوي جدا اعتقد انكم تعرفونه
الولد اخذه ولعب فيه وجاء لم امه خايف اصابعه تلصقت في بعضها
قالت له امه من وين جبت الصمغ قال لها انا كنت مار جمب الدولاب وطاح علي

تخيل الام ماقدرت تقول شي كتمت ضحكتها وحاولت تخلصه من الصمغ



سالفه ثانيه هذي بنت مملوحه عمرها 5 سنوات
شافت خالتها تضرب ولدها الصغير
جت لمها تهاوشها تقول ياخاله حرام تضربين ولدك الصغير واحنا في العيد السعيد
واحنا فعلا كنا في عيد الضحيه
وصارت هالخاله كل ماكلمت ام البنت وردت عليها البنت تقول لها ياخاله لاتكونين تضربين ولدك


هذا ولد عمره 3سنوات كل ماقامت امه الصبح معه توجهه نحو التلفزيون وطلع البلي ستيشن
يقولها oban
يعني شغلي البلي ستيشن وهذا كله بسبب غيرته من اخوه الاكبر لانه يكون في المدرسه ويفضى له الجوا

هذه بعض مايحضرني

اكيييد راجعه

[البكيراوي]

هلا وغلا وفوقه مرحبا

حيا الله اخوي الناقد البصييييير

شرفت المشاركة يا الحبيب ...

ولا تغلط على الهمشه ..

ويكفي ان اسمه هشام بن عبد الملك..

تحياتي لك

[البكيراوي]

الرائعه والفاضلة

بنت الشرقية

نورتي الطرائف يا مشرفتنا

وسلمي لي على البنت الحنونة ..

اجل العيد السيعد

لكن تراي حاولت بذل قصار جهدي

وتشـغيل جميع محركات عقلي

علشان افهم وش قصده بـoban

لكن ! ما فهمت

لك التحية على الاضاافة الرائعه ..

[شقرديه]

قصة وحدة وبطلع

وحدة بزرة كلها ملح

اوريها صور واعلمها وشي الصور

عمرها سنتين

واقول قلم ترد وراي دلم

باب تقول باب

بيت تقول بيت

حصان تقول حيثان

جمل تقول دمل

كلب (اعزكم الله) قالت لا حلو

تحسبني اشتمة

تحتح

[جلوي العتيبي]

حلوووووووووو يازين سواليف الصغيرين

تذكرت واحد من الشباب اول ماتعين درس اول ابتدائي

فيقول اني قاعد ادور بالفصل واكلم الطلاب وواحد من الطلاب صغير يدور وراي أحاول اقعده مافيش هههههههههه

ويقول قعد على هالحال اسبوع الى ماركد وهداه الله


مشكووووووور على الموضوع الحلو وسلملي على هشومي ياحبيله وانا ماشفته

[سماءنجد]

أخوي البكيراوي ....أوعلي ..أو ابو محمد .. أختر الي تبي..موضوعك رااااااااااااااااااااائع ياليت الكل يتفاعل
أناراح أكتب الي أذكره
* بنت أختي ماتعرف تنام إلا ماسكه طرف إذنها ؟!!!
المهم مره جت إختي لقتها نايمه ..وماسكه طرف إذن إختها الي نايمه بجنبها....هههههه
*كمان بنت عمي أول مافتحن المدارس ( قديما) كان الورق حق الأختبار كل واحد هو يجيبه ..المهم ..قالتلهم الأبلى بكره كل وحده تجي ومعاها فرخ(ورق الأختبار) المهم من زود الشطاره البنت من أول ماجت من المدرسه وهي تصيح تبغى فرخ دجاجه للمعلمه ..وحاولوا يفهمونها للكن رفضت( شاطره يحاول مهب بناتنا الله يخلف سنه حتى تتذكر) بعدين مع الدموع والنحيب جابو لها فرخ دجاج وورق..وقالها أخوها الصبح إدخلي بالدجاج وأنا أستناك ‘ذا كان مهب هو أعطيك الورق ...البنت دخلت ولا على بالها تعتقد أنها الصح المهم في المدرسه هات ضحك من القلب وأقتنعت ورجعت لأخوها تاخذ الورق
(تصوروها ماسكه الفرخ وتكتب عليه)
*ومره ثانيه قالو لها لازم تجيبين جزء عم ..فراحت لعمها وقالت له ..عمي الأبلى تبغي جزئك؟!!!!
*وهذي قصه قريتها بأحد المنتديات
مره وأنا صغير عورني سني شافني أبوي
أصيح قال وش فيك قلت سني يعورني قال لأختي روحي جيبي لأخوك
مسمار(عويدي) ( قرنفل )وأختي ها الخبله راحت وجابت لي مسمار حديد مصدي من
الشارع وأنا يا الضعيف حطيته في سني يوم جاء أبوي وشاف طرف المسمار طالع
من فمي قال وش أنت مسوي قلت جابت أختي لي ها المسمار قام أبوي
واغشى عليه من الضحك
معجون صلصال
عندي اخواتي وحده منهم بالمدرسه والثانيه صغيره بعدها ماتروح للمدرسة مره راحت
هذي اللي بالمدرسه لابوي وقالت له يبه اشتر لي معجون صلصال قال لها حاضر
وجات الصغيره وقالت وانا بعد اشتر لي المهم ابوي ما عطاها وجه قامت اختها
الكبيره تضحك عليها شمتانه قالت لاتضحكين ولاتفرحين ترى ماهو لك لحالك حتى
انا بفرش به أسناني

[البرحيه]

هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههه


8
8

يعنى تراى ضحكت على بزارينكم ليييييييييييييييييين قلت وحيلاااااااااااااااااااه
كل بزر اطلق من الثانى





شكرا

[كرباج]

هههههههههههههههههههههه

الله يرجك يالبكيراوي والله يرجكم يالباقين

هذا ولد اختي الصغير يسمع اخوه اللي يدرس اذا جاء لم ابوه يطلب منه حاجات للمدرسه يبه الاستاذ احمد يقول جيبوا دفتر ابو اربعين عاد يجيبله ابوه ثمن يقول يبه الاستاذ احمد يقول جيبوا تشكيله عاد يجيبله ابوه مره الصغير جاء عند ابوه يوم قال بابا يقول الاستاذ احمد جيبوا عسكريم ههههههههههههههههههههههههه

تشااااااااااااااو

[البكيراوي]

شقردية + الزعيم

حيا الله مشرفينا الكباااار ..

ابو شهد

اجل نشبة قعد يلاحقه ...ذكرتن بـ برز اول ما دخل المدرسة

نشب بحلق مدرس .. يقول انت مثل ابووووووي .. وما غير ماسك ايده ..

شقرقر ... سملي لي على الصعنطوطة .. اللي كله ملح

هيك الادب وإلا بلااااش

[البكيراوي]

الرائعة .. سماء نجد ..

بصراحة كل موقف ..أطرف من الثاني ..

يعطيك العافية .. على الاضافة ..

اما الفرخ

خوذي هالسالفة طيب ..

معلمة قالت لطالباته لا تجي وحده منكم إلا امه محفظته الانشوده

البنت .. رجعت تقول لامه الابله تقول لازم نلبس حفاظات

سماء نجد .. تحية لك ولإضافاتك الرائعه ..

[البكيراوي]

السكرية ..

قصدي البرحية ..

لو داري انك تبين تضحكين لما تقولين واحيلااااااااه

كان كتبت الموضوع منذ مبطي ..

لكن المشكلة اني كتبت الموضوع الاربعاء

ورديت يوم السبت .. وشتان بين هذين اليومين !!

الاربعاء ما عندك احسن منه ... اوقات رهيبه وتمشي بسرعه

يعني تجلس العصر وانت رايق وتقرا جرايد .. ما تدري إلا اذن المغرب ..

وبدت الجمعه وسعة الصدر .......

لكن السبت .. تقوم من صبح الله .. وترووووووووح للدوام ..

والوقت ياله يمشي السبت يا طوووووووووله ...

تشوف الساعه .. تلقاه 10 الصبح ..وتقعد ساعتين همن تشوفه تلقاه 10 ونص

الوقت ياله يمشي ......

عالعموم تحياتي .. يا البرحية ..

[البكيراوي]

ماجدولين

يا هلا ومسهلا

الله يرجك انتي وجارتكم ..

بس من وين تكلميننا اذا هذي جارتكم

تحياتي .. يا ماجدولين

ووجودك زاد الموضوع جمال

[البكيراوي]

كربااااااااااااج

يا ابو محمد ..

الله يرجك انت ولد اختك

يوم قريته سدحت راسي على الكيبورد ......

ما راح بعييييييد طالع على خاله .....

ذيب .. ما شاء الله عليه ..

تحياتي يا المزيووووووون