واحد عيد اضحى وصلحوا

[كــفـايــة]

[read]
أهلين

عيد الاضحى مسكين مو مثل عيد رمضان ماحد يدري هل هو بكرا ابو بعد بكرا يعني يجي بمفاجأة

بس العيد هذا دارين انه يوم الثلاثاء من كم يوم والغريب انه يسمّى عند اخواننا المصريين بالعيد ( الكبير)

عموما

صارت اعيادنا مقلقة لحدّ ما والسبب هي التكاليف اللي نستقبل به هذه الاعياد وصارت وكأنها مأتم الكل أو البعض لايتمنى قربها !!

فلو عدنا لزمن أول وعشنا العيد بشوي تكلفة وابتسامة أكثر لاستقبلنا العيد برحابة صدر وانشراح نفس وحياكم الله على قلّ الكلافة

بس ربعنا لازم تسويله يادهينة لاتنكتين والا والله ان يبرطم ويزعل ولاعاد تشوف رقعة وجهه !

ياجماعة

تعايدوا بشيء من الحب والانس واتركوا عنكم البهرجة وترى على فكرة الملصق يطيح يعني لو تلصقون من اليوم لبكرا مارايح تزودون شعرة ماغير تخسرون قيمة التلصيق والوقت اللي جلستوا تلصقوووون فيه ,


وياعيد مدخلك شـــرّ
[/read]

[بسومة بريده]

بالعكس عيد الاضحى اكثر روحانيه من عيد الفطر بالنسبة لي...

لما فيه من عبادة محسوسه وهي الذبح...

ناهيك عن التجمع المبسط دون تكلف يوم النحر...

بعدكذا تجي المعايدات الرسميه سواء مساءيوم العيد او ثاني ايامه ...

وبالعادة تكون اقل تكلفة من عيد الفطر...

كل عام وانتم بخيروعساكم من عواده...

[رمز الحياة]

عندي عيد الاضحى افضل من عيد الفطر
على الاقل بعيد الاضحى الواحد يلقى شيء يتسلى فيه اذا جاء من صلاة العيد

[سعودم]

عيد الأضحى المبارك وعيد الفطر المبارك كلاهما عيدان يجب علينا

إظهار الفرح والسعادة فيهما وهذا هو الواقع ولله الحمد فمازال الناس

يتقربون العيد بشغف ...

اقتباس: وكأنها مأتم الكل أو البعض لايتمنى قربها !!

لا الكل ولا البعض بل القلة إن لم يكن العدم.

وكل عام وأنتم بخير ,,,,.

[أبيض غامق]

اقتباس:  المشاركة الأصلية كتبت بواسطة رمز الحياة     عندي عيد الاضحى افضل من عيد الفطر على الاقل بعيد الاضحى الواحد يلقى شيء يتسلى فيه اذا جاء من صلاة العيد

8888
نفس الحكاية

[أحلى ابضايه]

اقتباس:  المشاركة الأصلية كتبت بواسطة كــفـايــة     [read] أهلين وياعيد مدخلك شـــرّ [/read]

والله ياعليك زباريق عجزت اقتبس هرجك
وكل هالحوسه عشان اقولك تراه مادخلك وليست مدخلك
والفرق بينهن كبير
وبالمره نقولك عيدك مبارك ومن العايدين من غير تكاليف

[قـتـالـه]

عندي ليلة عرفه ونهارها روحانيه اكثر من العيد نفسه
كل سنه زي هالوقت ماابرح صالتنا اتابع الحجاج بس لو يوخرون هالمذيع اليابس ويخلون الكميرا على الحجاج بس ..!

اقتباس:  المشاركة الأصلية كتبت بواسطة بسومة بريده     لما فيه من عبادة محسوسه وهي الذبح... ...

قصدتس تسبدة الصبح ؟
هذاي سردادي مردادي على ضحيتنا بالحوش اوخر البزران عنه
اخاف تنفت تسبده من غثاهم قبل الصبح

[كــفـايــة]

اقتباس:  المشاركة الأصلية كتبت بواسطة بسومة بريده     بالعكس عيد الاضحى اكثر روحانيه من عيد الفطر بالنسبة لي... لما فيه من عبادة محسوسه وهي الذبح... ناهيك عن التجمع المبسط دون تكلف يوم النحر... بعدكذا تجي المعايدات الرسميه سواء مساءيوم العيد او ثاني ايامه ... وبالعادة تكون اقل تكلفة من عيد الفطر... كل عام وانتم بخيروعساكم من عواده...

مرحبا بسومة وانت بخير


الحمدلله اني قلت بعضهم لاني حاس اني فيه ناس يبسطّـون الشيء

والله يجمعكم على خير

[كــفـايــة]

اقتباس:  المشاركة الأصلية كتبت بواسطة رمز الحياة     عندي عيد الاضحى افضل من عيد الفطر على الاقل بعيد الاضحى الواحد يلقى شيء يتسلى فيه اذا جاء من صلاة العيد

أهلين

يعني لو ماتلقى شيء تتسلى فيه كان نفس العيد اللي قبله

عندي لك راي

ليش ماتذبح حتى بالعيد الاول قصدي الصغير

[محمد الدحيم]

بالعكس عيد الضحيه احسن من عيد الفطر بمئه مره ذبايح ووناسه وكل لحم وشوي موب مثل عيد الفطر مشخصين ومرتزين كل واحد يناظر الثاني

[كــفـايــة]

اقتباس:  المشاركة الأصلية كتبت بواسطة سكاكي     عيد الأضحى المبارك وعيد الفطر المبارك كلاهما عيدان يجب علينا إظهار الفرح والسعادة فيهما وهذا هو الواقع ولله الحمد فمازال الناس يتقربون العيد بشغف ... لا الكل ولا البعض بل القلة إن لم يكن العدم. وكل عام وأنتم بخير ,,,,.

انت بخير سكاكي

والله انا اشوف الاكثر بس يبدو انك طيب بزيادة وتشوف الدنيا غير

[كــفـايــة]

اقتباس:  المشاركة الأصلية كتبت بواسطة أبيض غامق     8888 نفس الحكاية

ونفس الرد اللي قلناه لها نقوله لك

[كــفـايــة]

اقتباس:  المشاركة الأصلية كتبت بواسطة أحلى ابضايه     والله ياعليك زباريق عجزت اقتبس هرجك وكل هالحوسه عشان اقولك تراه مادخلك وليست مدخلك والفرق بينهن كبير وبالمره نقولك عيدك مبارك ومن العايدين من غير تكاليف

وكل ها لحوسه عشان تصححين

هي ( مدخلك ) وليست ( مادخلك) لآن الشوام ينطقونها بسرعه مو مثلنا يالخبوبيين نقولها بفم مليان وتشويه نطق ( مـــــادخـــلك )

خلوكم اتيكيت لو مرة تكفووون

وخصوصا نقولك وانت بخيرررر وصحة بلا رتوش ولا نقووش

[كــفـايــة]

اقتباس:  المشاركة الأصلية كتبت بواسطة قـتـالـه     عندي ليلة عرفه ونهارها روحانيه اكثر من العيد نفسه كل سنه زي هالوقت ماابرح صالتنا اتابع الحجاج بس لو يوخرون هالمذيع اليابس ويخلون الكميرا على الحجاج بس ..! قصدتس تسبدة الصبح ؟ هذاي سردادي مردادي على ضحيتنا بالحوش اوخر البزران عنه اخاف تنفت تسبده من غثاهم قبل الصبح

أهلين

خلاص نقولهم يوخرون المذيع عشان تزيد روحانيتك اللهم لارياء

وكل سنة وانت روحانية اكتر

[كــفـايــة]

اقتباس:  المشاركة الأصلية كتبت بواسطة محمد الدحيم     بالعكس عيد الضحيه احسن من عيد الفطر بمئه مره ذبايح ووناسه وكل لحم وشوي موب مثل عيد الفطر مشخصين ومرتزين كل واحد يناظر الثاني

يعني انت هامك بطنك

ياخي خف عليه شوي قسم بالله صرت انت تقل عمارة اربع ادوار خخخ