|
واحد عيد اضحى وصلحوا
[read]
أهلين عيد الاضحى مسكين مو مثل عيد رمضان ماحد يدري هل هو بكرا ابو بعد بكرا يعني يجي بمفاجأة بس العيد هذا دارين انه يوم الثلاثاء من كم يوم والغريب انه يسمّى عند اخواننا المصريين بالعيد ( الكبير) عموما صارت اعيادنا مقلقة لحدّ ما والسبب هي التكاليف اللي نستقبل به هذه الاعياد وصارت وكأنها مأتم الكل أو البعض لايتمنى قربها !! فلو عدنا لزمن أول وعشنا العيد بشوي تكلفة وابتسامة أكثر لاستقبلنا العيد برحابة صدر وانشراح نفس وحياكم الله على قلّ الكلافة بس ربعنا لازم تسويله يادهينة لاتنكتين والا والله ان يبرطم ويزعل ولاعاد تشوف رقعة وجهه ! ياجماعة تعايدوا بشيء من الحب والانس واتركوا عنكم البهرجة وترى على فكرة الملصق يطيح يعني لو تلصقون من اليوم لبكرا مارايح تزودون شعرة ماغير تخسرون قيمة التلصيق والوقت اللي جلستوا تلصقوووون فيه , وياعيد مدخلك شـــرّ [/read] |
بالعكس عيد الاضحى اكثر روحانيه من عيد الفطر بالنسبة لي...
لما فيه من عبادة محسوسه وهي الذبح... ناهيك عن التجمع المبسط دون تكلف يوم النحر... بعدكذا تجي المعايدات الرسميه سواء مساءيوم العيد او ثاني ايامه ... وبالعادة تكون اقل تكلفة من عيد الفطر... كل عام وانتم بخيروعساكم من عواده... |
عندي عيد الاضحى افضل من عيد الفطر
على الاقل بعيد الاضحى الواحد يلقى شيء يتسلى فيه اذا جاء من صلاة العيد |
عيد الأضحى المبارك وعيد الفطر المبارك كلاهما عيدان يجب علينا
إظهار الفرح والسعادة فيهما وهذا هو الواقع ولله الحمد فمازال الناس يتقربون العيد بشغف ... اقتباس:
وكل عام وأنتم بخير ,,,,. |
اقتباس:
نفس الحكاية |
اقتباس:
والله ياعليك زباريق عجزت اقتبس هرجك وكل هالحوسه عشان اقولك تراه مادخلك وليست مدخلك والفرق بينهن كبير :( وبالمره نقولك عيدك مبارك ومن العايدين من غير تكاليف |
عندي ليلة عرفه ونهارها روحانيه اكثر من العيد نفسه كل سنه زي هالوقت ماابرح صالتنا اتابع الحجاج بس لو يوخرون هالمذيع اليابس ويخلون الكميرا على الحجاج بس ..! اقتباس:
قصدتس تسبدة الصبح ؟ هذاي سردادي مردادي على ضحيتنا بالحوش اوخر البزران عنه اخاف تنفت تسبده من غثاهم قبل الصبح :( |
اقتباس:
مرحبا بسومة وانت بخير الحمدلله اني قلت بعضهم لاني حاس اني فيه ناس يبسطّـون الشيء والله يجمعكم على خير |
اقتباس:
يعني لو ماتلقى شيء تتسلى فيه كان نفس العيد اللي قبله عندي لك راي ليش ماتذبح حتى بالعيد الاول قصدي الصغير |
بالعكس عيد الضحيه احسن من عيد الفطر بمئه مره ذبايح ووناسه وكل لحم وشوي موب مثل عيد الفطر مشخصين ومرتزين كل واحد يناظر الثاني
|
اقتباس:
انت بخير سكاكي والله انا اشوف الاكثر بس يبدو انك طيب بزيادة وتشوف الدنيا غير |
اقتباس:
ونفس الرد اللي قلناه لها نقوله لك |
اقتباس:
وكل ها لحوسه عشان تصححين هي ( مدخلك ) وليست ( مادخلك) لآن الشوام ينطقونها بسرعه مو مثلنا يالخبوبيين نقولها بفم مليان وتشويه نطق ( مـــــادخـــلك ) خلوكم اتيكيت لو مرة تكفووون وخصوصا نقولك وانت بخيرررر وصحة بلا رتوش ولا نقووش |
اقتباس:
أهلين خلاص نقولهم يوخرون المذيع عشان تزيد روحانيتك اللهم لارياء وكل سنة وانت روحانية اكتر |
اقتباس:
يعني انت هامك بطنك ياخي خف عليه شوي قسم بالله صرت انت تقل عمارة اربع ادوار خخخ |
| الساعة الآن 10:37 pm. |
Powered by vBulletin® Version 3.8.8 Alpha 1
Copyright ©2000 - 2025, vBulletin Solutions, Inc. Trans by
موقع بريدة