###اللي غشيم بالسرقه يجي لحي الاسكان يتدرب###

[الراي]

السلا عليكم ,,,,,,,,,,,,,,,,,,

طبعاً ,,,الموضوع ماهو غريب عليكم ...

ولو كتبت حي الاسكان 3 فقط لعرفتم ان بالموضوع سرقه ..........

طلعت اليوم الصبح كالعاده الساعه السابعه صباحا ...ركبت السياره احمي ..السياره فورت ماهي كالعاده

لقيت السياره ما تلام..شافت شي يفور الماء ...وانا فار الدم ..سياره ولد جارنا الهايلوكس على بلك ...

+ العفريته...والولد واقف عنده يناظره وما يدري وشي يسوي المسكين...نظره واحد مغبون ...لافيه جهه

تبي تسويله شي ولاهو قادر على شي ...يعني الله يستر بس ..لايندعس تحت السياره ويبعد البلك

يعني انتحار ...................................

من تقع عليه المسؤليه...الدوريات مافيه فايده ..مشغوله بالتفاتيش يشوفون منهو اللي ما جدد الرخصه

او الاستماره..وتجميع الفلوس ....هذه التفاتيش اهم من السرقه ...معليش المواطن يخسر ..والدوريات

او المرور تجمع المال ...

انا اقترحت لواحد بالحاره ...ان يكتبو جماعه المسجد خطاب للطيب بخصوص السرقات التي تزيد كل عام

في حي 3 ومنذ ثمان سنوات والسرقات في ازدياد والدوريات الامنيه ليس لها وجود ..(وناسين وش لون الخط

احمر ..اخضر ..اصفر..) وقلت له انا اوديه وادخلبه على الطيب يعني (الباقي على الله ثم على)..........

الحقيقه اشاد بالاقتراح واثنى عليه لكن ..نسي الموضوع ....

على العموم ...اللي غشيم ولا يعرف بالسرقه ..يجي لحي الاسكان 3 ويتدرب وهو مرتاح..وبعدين ينتقل

لحي راقي ولو فيه خمسين دوريه .........

ماادري نبي نبتل على هالحال ...وإلا يبوننا الدوريات ننام بالشوارع ومعنا عصينا لنحرس سياراتنا ...

وكل يوم على جار .....بس حنا يالعائله سرقت اربع سيارات ...وفيه سياره واحده منها فتحت اكثر من سبع مرات

ياجماعه والله الوضع مزري ...وش رايكم ...ليش الدوريات ما تبدا تدور في الاحياء من الساعه الثانيه عشر من منتصف

الليل والى بعد صلا ه الفجر ..بس ..يعني نقطه التفتيش الفجائيه فيها ثلاث دوريات ياخذون دوريه وحده ويحطونه

بالاسكان ...انا اتوقع بعدين واذا استمر الحال على كذا ...نبي نطبق المقوله ## خذ حقك بذراعك ###

نبي نرجع مثل اول اذا دخل واحد غريب نوقفه ونقول من وين انت ومن اي حاره وبطاقتك لو سمحت ..ولعاد نشوفك

مره ثانيه..وناخذ رقم اللوحه ..واذا كان رجال يجي ..وتقل الحي لأبونا ..ومعنا صكه...

شكلهم الدوريات يبوننا نسوي كذا ...وكأن ماعندنا دوله تحمينا وتحمي ممتلكاتنا ..الحكومه ماقصرت وتصرف من

الميزانيات..وتعطي بسخاء لكن الاجهزه الامنيع فيها قصور واضح..في بريده ..............

وتركيزها على ألا اولويه..مع الاسف ......................


تحياتي للجميع ..متمنياً ان يخلو العام القادم الجديد من شلل الاطفال عفوناً من السرقات....

وايجاد حل ودراسه هذه الظاهره ..وتطبيقها عمليا ..لا نظريا..

والسلام عليكم ,,,,,,,,,,,,,,,,,,,,,,,,,,,,,,,,,,,,,,,,

[العنتبلي]

حي الاسكان 3 بالقصيمي دردبيس وبالبنقالي خلي يولي ماشفت حدايق الحي اللي صايرتن مزابل ومجمع للمراهقين المطفرين زين جت على السيارات ماتجي لك يوم وتلقاه مفحج بالصاله المشكله الشرطه بجنبهم لكن مهيب مشكله انت اكتب المعروض ورح للطيب وقله من طرف العنتبلي اللي خواله مصريين ولايحب المنطل وابشر باللي يوسع صدرك ويضيق صدر الحرامية

[حايمتن تسبده]

انا احد من انكوى بنار حي 3 وسرقت سيارتي 3 مرااااااات لالالالا استغفر الله استغفر الله مرتين بس

مشكلتنا اخي تكمن بعدم اللامبالاه من رجال الامن ... وتركوا الدرعى ترعى وفعلا كل واحد ياخذ حقه بذراعه

بس اخاف اروح اخذ حقي بذراعي يطلع لي واحد جثه همن يدبغن دبغه اعض الارض <---- خلهم يسرقون بس انا اسلم

الغريب بالامر اخي في احدى تلك السرقات التي حصلت لي انني نسيت جوالي بالسيارة وسرقوووه وعند اتصالي

بالاتصالات السعودية لايقاف الخدمه لانه كان شغال تدري ايش كان رد المتخلف اللي بالاتصالات ؟؟؟

يقول انت تتصل الان من تليفون بأسمك ؟؟ قلت له لأ انا اتصل من تليفون بأسم اخوي

قال لي اسف ما اقدر اسوي لك شئ .. رح دور لك على تليفون بأسمك وكلمنا منه

قلت له يابن الحلال انا مالي شهر جاي من برا السعودية بعد غربة والاهل ما قصروا رتبوا لي البيت عشان لما اجي الاقي كل شئ جاهز

قال : آسف اخوي ما اقدر اسوي شئ

قلت وجوالي اللي اخذه الفاتورة على من ؟؟؟ قال الله يعينك ... والله وتجي فاتورتي 3000 ريال ابن الايه لاعب في حسبتي

وبعدها سمعت ان المربع اللي انا ساكن فيه هو اكثر منطقة امان للسارق فهو مربع ملتوي ولا تدري شلون تدخل ولا تطلع وعشان كذا ياخذون راحتهم بالسرقة

قمت وتركت لهم الحي كله ونقلت لا بارك الله فيهم

تبي اقول لك شئ يبط الكبد على قولة اخواننا الكويتيين ؟؟

اقسم بالله مره من المرات وقفت سيارتي عند باب فندق السلام بشارع الخبيب ونزلت لبنك الرياض لانهاء معاملة لدي

رجعت لقيت سيارتي مكسور زجاجها قدام الله وخلقة والناس رايحه وجاية ونافضينها نفض

دمت بعافية

[شطوب]

الله يخلف على هالمسكين وان شالله يلقاه قدااااام ما فيه شي يضيع كل شي مكتوب وبالنسبة للدوريات حاطين لحي البشر والاسكان والريان والراشد دورية وحدة يعني ما فيه امل يطيح في احد يسرق الله يصلح الحااااااااااااااااااال .

[هين هين]

اخي الراي مشكلة السرقات اصبحت ظاهرة
والدوريات الامنية ليس لديها حل
وان حضرو على طول يسئلك سؤال غبي تشك بااحد وتجاوب لا
اذآ السارق منكم وبكم وتحفض الشكوا ضد (مجهول) وينتهي دوره؟؟؟
لايوجد تحري
تحياتي

[عيون الصقر]

هين هين مانشك ان الجهات الامنية مهتمه بالامر لكنها بحاجة الى تنظيم اكثر وبذل جهد اكبر وخصوصا الجهد العقلي والتنظيمي بوضع قاعدة بيانات للخارجين عن القانون من اللصوص والهجامين وحصر الاحياء التي تكثر فيها الاعتداءات وبحث اسبابها ووضع الكمائن التي تعجل في ايقاع المنحرفين.

الدراسات الكثيرة في علم الجريمة وعلم الاجتماع الجنائي وعلم النفس الجنائي وايكيولوجية المدن كلها تؤكد ان مثل هذه الاعمال تشيع في الاحياء المتخلفه ونادراً ماتنتقل بتركيز وشيوع في الاحياء الغير متخلفه ولو طبقت الامر على حي الاسكان 3 ونوعية الجريمة التي تحدث فيه تجد التفسير في المصطلح الايكيولوجي (الحي المغزو) اي تعرض الحي للغزو من سكان اخرين ويعني هذا المصطلح الارتقاء التسلسلي في المستوى الاجتماعي مثلا حي الصفراء انتقل اهله لاحياء جديدة راقيه وذات مستوى اجتماعي ارفع وحل مكانهم ناس اقل بالمستوى الاجتماعي وهذه العمليه تسمى الغزو من سكان كانوا في احياء تكون متخلفه بالغالب او اقل مستوى اجتماعي وهكذا الاسكان حي رقم ثلاثه انتقل اهله لاحياء جديدة راقيه وحل محلهم قادمين جدد وهؤلاء القادمين لاينتقلون باجسادهم فقط بل يحملون افكار وقيم اجتماعية وسلوك يتناسب مع الاحياء القادمين منها لايخلو بعضه من الانحراف وله مظاهر ممكن للانسان العادي مشاهدتها في التجمعات للمراهقين الفاشلين دراسياً والخارجين من اسرر مفككه منخفضة المستوى الاقتصادي والمتخلفين عن الصلاة والفحطجيه وبهذا اجهزة الامن المتخصصة بالتحري والمتابعة قادرة على حصر تجمعات المراهقين ومراقبتهم ووضع الكمائن والوصول الى نتائج سريعة للقضاء على المشكلة ، ولذلك اخوي هين هين لاتستغرب لما ينقال لك ان الجاني منكم وبكم فهذا هو الاقرب.

[د . سداح]

[align=center]شغل الخطابات ولى ياخووووي .. الحين بيتك ينسرق و تروح تبلغ يقولك الضابط الفرنسي ( أبك من تشك فيه

و رح دور المجرم و جبه نحقق معه ) .. باقي نضيف حراميه ببيوتنا علشان خاطر عيون العمشان ..

صارت الشعب في خدمة الشرطة أو بالعربي كلن يفسر كمومه و يعض على ثوبه و يقول نفسي نفسي ..

أنا شخصياً انسرقت كثييييييير و اذا دخلت القسم قالوا وش مسروق منك هالمره << معاناة

حسبي الله و نعم الوكييييييييييييييييل

و أقول لكل من إنلطش مراتن عده <<< عده يعني كثير مو زراديه و مفك

يسمع لأغنية فنان العرب و العندليب بشير عبده اللي يقوووول فيهااااا

ياااااااااااااااليل مطووووووووووووولك





و الله يكووون في عووون الجميع ..[/align]

[هين هين]

اخي عيون الصقر انا مع طرحك ومع تحليلك الواقعي والاسباب التي ذكرتها
لاكن هذا حال جنود وافراد الدوريات الامنية ومراكز الشرطة عندنا اقصد الذين يعملون باالميدان لايتمتعون باالتعليم
الكافي لديهم دورات عسكرية لمدة ثلاثة اشهر عن امور عسكرية وانظباط فقط
اما الضباط المتعلمين اوكلت لهم اعمال مكتبية وتحقيق داخل المكاتب
لايوجد معاهد متخصصة لمكافحة الجريمة للجنود او الافراد كاالتي في مصر او بلدان اخرى
تخرج امناء شرطة متخصصين في مكافحة الجريمة والسرقات
او اجهزه متطورة لكشف الجريمة
يعني جنود وافراد عاديين يعملن على البركة والخبرة الشخصية بدون تعليم
لك تحياتي

[الراي]

اشكر كم ...على التفاعل ...

ومروركم محل تقدير ....

لكن الى متى ...على هذا الحال ......ياعين الصقر .. ولا يهونون البقيه...وكلامك انا مقتنع فيه ...لكن مازال فيه

سرقه...لا يوجد معالجه ...لا توجد آليه ...الى متى والعسكري (الفرد) يكون جاهلا لايعرف يتعامل مع الحدث

وعمله بدائي ...المفروض ان اي جندي لا يعمل ميداني إلا وهو حاصل على دورات تؤهله ...

والله ان الافراد اللي بلغو في الخدمه اكثر من ثلاثه عشر سنه لديهم اخطاء فادحه ومخجله ...وكأنهم على عهد الاباء

والاجداد.لايعرفون التغيير والتطور ولايحبون ان يتغيرو او يغيرو.....ومن يعرف جنديا فاهم..ومثقف ويعرف الانظمه

العسكريه خلوه يقول لكم القصص اللى تفشل...


لكن الله يصبرنا على مصايبنا ....


تحياتي وتقديري ..........للجميع