قرر الأب إذا نجحوا كل عايلته يوديهم في الصيف لفرنسا... انبسطت عمشاا
مرة لما سمعت هالخبر... لأنه صار لهم زمان ما سافروا... من أربع سنين
أو خمس... المهم شدت البنت حيلها في المذاكرة وأخوانها زيها... وجت
نهاية السنة
ونجحوا كلهم
وسافر بهم أبوهم مثل ما واعدهم. >>اهم شي اللي مستانس
كانت عمشا متشققه (( متقطعه فرحآ وسرور ))
بس ......
فيه شي منكد عليها كل السفرة... ومخلي الأخلاق في النازل... أبوها شرط
عليها ما تشيل العباية. .. يا عباية يا ما فيه سفر. .. رضت عمشاا لأبوها
راحت بالعباية والطرحة محجبة بس (يحمد ربه بعد)... البنية أول مرة
تسافر بعد ما كبرت... كانت ماخذة راحتها أول... لكن الحين خلاص (البنت
كبرت)... تمشوا وراحوا وجو وما خلوا قرنة في باريس ما اندعسوا فيها. ..
المهم العيال شبوا على أبوهم يبون شاطئ يسبحون... ونزلت الطامة الكبرى
على عمشاا!!!... وشلون تروح لشاطئ بعبايتها؟!... كيف تشوف أخوانها
يسبحون وهي لأ؟!!.. . طبعا ما لها إلا تستسلم وتطس معهم... الزبدة راحت
خويتنا وهي مطنقرة... وبينما العيال يسبحون ويمرحون (الله يفكهم من شر
عينها) راحت هي على جنب وقعدت لحالها من زين الأخلاق (خبركم راكبتها أم
العبيد)... وقامت تمقل بخلق الله... وبينما هي كذلك>> لاحظو انها فجاه قلبت عربي
لمحت ذاك الشاب الفرنسي اللي يجننننننننننننن...
طوييييل...
ووسيييييم...
وجسمه عضلااات... ولونه برونز (لابس مايوه)
وشعره متروس جل... ولابس ذيك النظارة الشمسية الماركة>>لاحظو انهfull option.. .
طالعها هو
وابتسم... بغى يغمى عليها يوم شافت صفت اسنانه... ابتسمت هي الاخرى...
قام ومن باب الميانة قرب قرب قرب لين ارتز جنبها... هي تسالون عن حالها
مسيكينة... منسبهة... متنحة... وفي نفس الوقت مستحية... وكمان متوهقة
خايفة يشوفها أبوها تحاكي ذا الاطخم يقوم يسفرها لديرتها دايركت (حرام
عليه أبوها ما يكفي ركز دميجته وحكرها بالعباية يقوم يتفلسف)... التفت
عليها أبو الشباب وانفلت بالحكي... طبعا هي ثور الله في برسيمه ما تدبر
وش هو قاعد يرطن.. . هو شافها توزع هالابتسامات عرف إن ما عندها دبرة...
قام سألها:
do you speak English? ...
هو سأل ولا ما سأل بغت تحب راسه البنية...
على طول يييييس... << والله من الدلاخه ياعموش
ودار بينهما الحوار التالي:
أبو الشباب: أنتي من وين شكلك مو فرنسية>> لاحظو أنواع المجاملة اجل هذا شكل
فرنسية تتشمس بعبايتها؟
عمشاا: أنا من المملكة العربية السعودية (مكبرة م. .. بالخلاقين) طبعا
لاحظو إن كل هالبربرة بالانقلش.
أبو الشباب: (وهو متحمس) كيف وصلتو
هنا؟
عمشاا: وصلنا من كم يوم عادي.!
أبو الشباب: بس كيف عبرتو البحر؟
عمشاا: أي بحر ما مرينا على أي بحر رحلتنا كانت دايركت الدمام الرياض باريس.
أبو الشباب: (مستغرب) يعني ما جيتو على بعارين؟؟!!
عمشاا: (كن احد مدغدغها) أي بعارين انت تمزح جايين بطيارة لا
بالجديدة بعد أم شاشات (يا شين السرج على البقر) << عمشا وعلى طياره لفقوهاا هههه
أبو الشباب: عندكم طيارات؟؟
عمشااا: إيه عندنا ليه وش مفكرناا؟؟
ابوالشباب: أنا اللي اعرف عن السعودية إنها صحراء(( قاحلة)) والناس
يتنقلون فيها بجمال والحريم يركبون وهو متغطين على الجمال والرجال
وراهم شايلين براميل البترول...!!! الخ>>لاحظو الطبيعه الخلابه اللي حنا عايشين فيها
عمشاا: وين يا عمي وش ذا إحنا عندنا كل وسائل التكنولوجيا في
ديرتنا... سيارات وطيارات وكمبيوترات وموبايلات(عاد أهم شي) وانترنت
والشوارع متطورة وترى عندنا فيصلية ومملكة << ياخي الطعوس مشكله << لا طالع منها
- أبو الشباب: اجل آسف أنا فاهم شي الواقع طلع شي أخر، بس أنتي ليه ما
عمشاا: مقدر اسبح لأني محجبة
ابو الشباب: اشوا انتي مو منهم؟
عمشاا: من مين؟؟
أبو الشباب: اللي متشوهين
عمشاا: أي متشوهين؟؟؟؟!!!!
أبو الشباب: الحريم اللي يغطون وجيههم عندكم متشوهين صح؟
عمشاا: لا طبعا أي متشوهين الموضوع مو تغطية بس ديننا هو اللي فرض
علينا كذا درءاً للفتن (أبو الفلسفة) أنا هناك أغطي وجهي مثلا أنت
شايفني مشوهة؟
ابوالشباب: لا أبدا أنتي جميلة ولونك حلو، بس مو حرام جميلات زيكم
يضطهدون؟
عمشاا: ليه يطصدو... يظهدون... يظطهون...المهم اللي هي من قال إن
إحنا كذا؟؟؟ <<< واهاهاهاااااي
أبو الشباب: مثلا ممنوعين من السواقة
عمشاا : مين قال لك إن إحنا أصلا نبي نسوق الله يخلي لنا تماسيحنا بالخدمه << رد ديموقراطي << وبتتمغطين عليه
كل حرمة وبنت لها سواقها
الخاص نسوق ليه >>لاحظو المغروره مو محتاجه انها تسوق
أبو الشباب: طيب ما يقبلونكم بأي وظيفة بس مدرسة صح؟
عمشاا: الدولة الله يعزه ما توظف بناتها إلا في وظايف تناسب قدراتها
بس موبس تدريس البنت السعودية طبيبة وصيدلانية وسيدة أعمال وموظفة
حكومية بس الأغلب في قطاع التربية لأنه هو الأقرب لطبيعتنا البنات ماتدري انت وخشتك اني ادرس ادارة اعمال .. << هذي اللي بتمغط وساقطه سنتين بعد
ابوالشباب: بس مانعينكم عن المناصب الكبيرة مخلينها للرجاجيل بس هذا
لا تقولين لا
عمشاا: ( أخذتها العزة بالإثم وقامت تألف) من قال كذا أصلا أنت ماخذ
فكرة مرة سيئة عنا المراة تتقلد مناصب كبيرة حتى أنا بالامارة خالتي
وزيرة. >>لاحظو انها فجاه استحدثت خاله في العائله
أبو الشباب: متأكدة؟ أنا اعرف إن السعودية ما فيها حريم في حكومتها
عمشاا: كل معلوماتك غلط قلت لك خالتي وزيرة << اتعب اناا عالنصب والاحتيال
أبو الشباب: شكرا على تصحيحك لمعلوماتي وبهالمناسبة أنا عازمك الليلة
على خروجة (قلط أبو
الشباب)
عمشاا: وين عازمني؟(متشققة)
أبو الشباب: فيه بار جنب بيتنا أمرك ونروح له >>>>>يحسبنا مثل تيوسهم_حريمهم_
عمشاا: ويييييين إحنا ما عندنا هالشغلات إحنا مالنا بهالخرابيط ديننا
محرم علينا الشرب والرقص والاختلاط والتبرج أولا وبعدين حرام اطلع أنا
وانت لوحدنا هذي تسمى خلوة
أبو الشباب: يعني ايش خلوة؟؟
عمشاا: يعني بنت وولد ما يعرفون بعض ولا محرم لها يجلسون في مكان
لوحدهم <<لاحظو الللي فجأة صارت ممتازة في الفقه
ابوالشباب: طيب وأنتي الحين قاعدة معي هذي مهي خلوة؟
عمشاا: لا هذا مكان عام ما فيه حواجز ومليان ناس
ابوالشباب: عالعموم أنا اكرر عزيمتي
عمشاا: وأنا اكرر رفضي
أبو الشباب: ترى إذا قمت ما فيه تغيرين رأيك
عمشاا: لا ابد
قام أبو الشباب ومشى خطوتين وبعدين رجع لعمشاا وهي على جلستها وانحنى
عليها ونزل نظارته على طرف خشمه وطالعها بعيونه وقالها
بالسعودي:
اجل خالتك وزيرة هاااه؟؟؟!!! لكل بنت سواق وعديتها لك بمزاجي.. لكن خالتك وزيره هذي قوييية... <<<<<اكفففففففففش وبالاخير طلع سعودي
ههههههههههـ والله مسكيييينه هالعمشاااا:::
^
^
^
^
ياشينكم لا تطورتوا وطلعتووا من المملكه حدكم الشرقيه و مكه <<<موب انا اللي قايله هالهرج
والله منقوووووووووووووووووووووول
نمووووووووووووووووووووووووووووووله
العرض العادي
