شوفوا الإهانات لطالبات الرفيعه في المدرسة

[طيف الأمل]

[align=center]راح أقولكم بعض الأهانات التي تواجهنا في المدرسة الرفيعه من المعلمات والمديرات الشريرات ..{ اللي حتى أهالينا وصلهم بالتهزئ ؟؟} يالله يارب تعطيهم اللي يستحقونه هالشريرااااااات..

ملاحضه :ـ مدرستنا مجمع ثانوي ومتوسط


أنا أبي رايكم ؟!!!! مثل ما أنتم عارفين

شخصية المعلمة في المدرسة .. تتطلب بروتوكولات معينه .. برستيج معين .. شويه ترفع .. غرور .. نفخه .. عنطزه .. وأنتِ يا بنت جلسي .. وأنتِ يا اللي هناك ليه ما سويتي الواجب .. وأنتِ وين سرحانه .. وأنتِ يا زفته ..
كلمات ومصطلحات تخرج أحياناً من افواه بعض المعلمات في لحضه غضب وعدم رضا ..
وأنا راح أقولكم هذي الكلمات وتعتبر أهانات !!!!!!!

* معلمة تقول القافلة تسير والكلاب تنبح " المشكلة أنه معلمة دين " .

* معلمة تقول مثل الحمار يحمل أسفارا " بسبب أنه سئلت البنات سؤال تعجيزي
ولا جاوبوا " .

* معلمة تقول لطالبة لمسح وجهك بالأرض " شكيت أني في مدرسه عيال ".

* فيه معلمة لا زعلت على الطالبات لأنهن دافعن عن أنفسهن ماتصححلهن ولا تعترف في البنات " واقفة عاد تحسبه رجله " .

* فيه معلمات لا بغن يشرحن بشينه نفس تقل محلوف عليهن ما يدرن أن كل شهر يستلمن الراتب .

* معلمة تقول لطالبة إذا كان أخلاقك كذا أكيد أمك وأبوك أردى منك " يمكن الطالبة ترضى على نفسه بس ما ترضى على والديها .. مفروض تراعيها هي في عمر المراهقة " .

* وبعض المعلمات يحطمن الطالبات تحطيم خاصة ثالث ثانوي وهذا يؤثر على مستواهم .

* ومعلمة تقول لطالبات يا أغبياء عشان جاوبوا خطاء .

* ومعلمة ثانية تقول يا غنم يا بهايم يا حيوانات عشان أشياء تافهة " وهذه الألفاظ لا تخرج من معلم متعلم "


وبعدين المعلمات يعاقبونا على أشياء ماتسوى لما ننسى دفاتر يوقفونا اخر الصف واذا نسينا الواجب المفروض بس ينقصونا درجات مو روحوا ورا آخر الصف فتحو اياديكم عشان نكفخكم .

ممنوع طلعه من الفصل ممنوع تتكلمون ممنوع الضحك ممنوع ممنوع ....
والله أني أحقد على هذول المعلمات المتوحشات قاهريني قهر حتى ماعرف شقول تدرون أني بديت أكره المدرسة ... بسبب اجواء المدرسة تقليدية بحتة ...

والمعلمات تقليديات مرره والأدارة ماشي مرونة ..
والمستوى اللتعليمي الراقي اللي أحنا فيه
واسلوب التدريس اللي يخبل الواحد
ايش في احسن من احفضي < اختبري < انسي
هذي حالتنا !!!

مافي ارتقاء ،، مافي تطور وإذا والله فيها الاستاذة خير فكرت تجيب معاها وسائل تعليمية مخزنتها عندها من ايام جدتي ....

والله الواحد يدرس وهو كاره عمره والقوانين حقت المدرسه تلوع الكبد ودايم حاكرينا بالفصل ممنوع نطلع وحتى بالفسحة حابسينا ....

وحنا ملينــــــــــــــــــــــــــــــــــــــــــــــ ــــا ملينــــــــــــــــــــــــــــــــــــــــــــــ ـــــــا من اللأقاء والتلقين والشرح الممل

وهذا ما ينتج إلا من عدم الوعي الفكري للأداره التعليميه ثم المعلمات لم يحاولوا الرقي بإنفسهم لأستيعاب الماده وأعطائها حقها بالوسائل وأوراق العمل بالطرق الحديثه ..



أخيراً ،،،،،،،،،،

هذي قصيده مطلعتها من أنياط قلبي
لـــــــــي قصتــــــن فـيـهـــــــا تغـنيـــت
ابي يسمعهــا الحــي والميت
ويفهــــم مـعـنــــــى كـــــــــــل بــــــيت
ويصــحح ألـي فيـه أخطيــت
مــــــــن الـدراســـة أنــــــــــــا مليــــت
ابلــتنـا مـثــل الثعبـان الميـت
تـــــدخل وتصـــــك الـــبـــــــــــــــــاب
وتـقــول طـلعــوا الكـتـــــاب
مــــــــن الحصـــــة أنــــــــــــا هجيــت
ومـع الـدرج بسرعـة نطيـت
لاجــــت الـفسـحـــة تــشـهــــــويـــــــت
كــل الــلي بالمقصـف شريت
وبكل صبح من عند المديره لمني مريت
طلعــــت لســــاني وصديـت
ومن كثــر ادوران المراقبــات احوليــت
وكـــــــل ماشفتهـن اختـبـيـت
وبالتـوبيــس مــــن الشـمـــــس احتميـت
والغـــــدا يبــــــرد ولا تغديت
ومــن تــوقـيـــــف الابـــــلى انشـليــــت
وللطلعــه دايــــــم تحــريـــت
وبالنــــوم بــس افــزز ماتـهـنـيــــــــــت
وبالدراسه افكر وبجيت البيت



ملاحظة داخله عرض شوووي :ـ

مع العلم أن جوال الكاميرا ممنوع والمعلمات يجيبوا جوال كاميرا والعجب في الملاحظة هذي أنه يجبنه وهو ممنوع ؟!!! الله يهديهن .



وهذا يحدث في كل المدارس مو في مدرستنا بس [/align]

[ابو ريما الخالدي]

يااااااااااااااااااااااااااساااااااااااااااااااااا ااااااااااااتر
كان الله في عونكم
هذي مومدرسة
هذي
السجون اللي في المسلسلات المصريه متسوي كذا هو تمثيل
هذولي مو معلمات هذولي بالطجياااااااااااااااااااااااات

[تـرانيم]

[align=center] السلام عليكم ورحمة الله وبركاته

وضع مزري حقا

و لكن هناك نقاط استفهام كثيره

هل الطالبات ملائكه ....
لا طبعا ...
لست هنا لادافع عن المعلمات

ولكن حتما ايضا للطالبات هفوات

و الحل الامثل هنا
ان يجتمعن عدد من الطالبات بشجاعه
و اخبار مديرة المدرسه بكل ما يجري من قبل المعلمات


و ان كانت المديره غير مكترثه
فهناك مكتب التوجيه
فلا اظن ان ادارة التعليم بالمنطقه جميعها سئيه
حتما هناك نقاط بيضاء ....

همسه اخيره
عزيزتي ...
اذا لم تاخذي من المعلمه ما تستفيدي منه
و اوله حسن التعامل
لقنيها انت بالترفع عن ما تقوله ...

اسفه جدا على الاطاله
تحيتي[/align]

[قماشه بنت شكسبير]

ايه صح وأنا أشهد لاني انا في مدرسة الرفيعه (مجمع متوسط وثانوي )
بس ان كانه على هذي الكلمات يا طيف الامل مايخاف بس فيه شئ أعظم من هذا !!!!!!!؟؟؟؟؟؟؟؟
مثل /بعض المعلمات(هداهن الله) يتقبلن الاعجاب من الطالبات (وهذا الشئ مُعروف انه حرام ) ولا يمكنه حرام على الطالبه تقبل الاعجاب من طالبه اما المعلمه تقبل الا عجاب من الطالبه حلال (حلال عليهم وحرام علينا) ولا احد يفهم قصدي خطاء
فيه مثال ثاني/ المعلمة تدخل الفصل ومعها علك وتقعد طقطق لا بعد لم تعلك الطالبه تهوشه تقول طلعي العلك اللي بثتس (بثمك) يامن السوس (اه اه اه اه اه يالقهر )
.......... وهذي قصة أرويها لكم وبكل حسرة ..........
عندنا مساعده مجرمه هي منقهره على ثالث لأن طالبه أزعجتها من أجل ها الطالبة شوفوا وش سوت ... ثالث ثانوي عندهم اختبار تاريخ وثلث المنهج معهم والأختبار الحصة الثانية جت لمهم الحصة الأولى وختبرتهم في ربع ساعة وغير ذالك أنه جالسه تصارخ عليهم يعني مايقدروا يركزوا ولا يحلوا زين ، إذا كانت المساعدة لها سلطه على الطالبات تسوي كذا يجب وضح حد لهذه وأشكالها .
أمحق يا مربيات الاجيال ؟؟؟؟؟؟!!!!!!!!!

بس ما أقوووووووووووووول ************************
ياليت الدنيا بدون الدراسه بس ياليت
كم من عذاب الدراسه شليت
يوم سألوني انا وش تمنيت
قلت ماامتحن واتم فالبيت
من القهر بسبب الدراسه بكيت
ومن هالمرض بعدي ماشفيت
ومن كره الدراسه انا شـبيت
ومن الحزن انا جنـّيت
وعلى باب التعب انا مريت
ومن البراشيم انا اخفيت
ولصداقه وربي وفيت
ولمساعده بنت فالمتحان والله إيدي مديت
ولشغب الله اصريت
ولكم ابله والله عنهم صديت
ولراي عن حذف الدراسه والله افتيت
بالامتحان فالبدايه سميت
وبقول الصراحه لبعض الابلات فقلبي سبيت
ولنجاح وربي سعيت
ولسهر لجل الدراسه انا خاويت
ولدرب الصح انا مشيت
ولكم معلومه انا نسيت
وبعد منهم نفيت
ولبعض الاسئله انا اخطيت
وتخيلون كتاب التاريخ وربي صمّيت
ومن كثر الحفظ والله شعري شديت
خلاص كفايه دراسه وعذاب والله والله انا مليت
يوم وصلتني الشهاده وظهرت التاسعه وربي لشعري فليت
وهموم الدراسه فريـت
وينك ياللإجازه بذمتي انا لك ناديت

[ريداوي 2006]

الله يكوووووووووووووووووووووون بعـــــــــــــونكــــــــــــم


وأتمنى ان تصل الرساااااااااااااااااالة لصوت قوي من ادراة تعليم البنات

[فارس الميدان]

السلام عليكم ورحمة الله وبركاته
بسم الله الرحمن الرحيم
اعتقد ان التعليق في هذه المواضيع لا يفيد
والمفيد في مثل هذه الاشياء ان يصل الكلام الى ادارة الاشراف التربوي لكي تعالج هذه المشاكل
وبحكم عملي سابقاً في ادارة التعليم اعتقد اني اطلعت على تعاميم كثيره مثل :
1 - عدم تهزء الطالب لكي لا تكون لديه صدمة نفسيه فيكره المدرسه
2 - عدم اخراج الطالب من الفصل مهما كانت اسائته لانه قد يعبث او ماشبه هذا في الخارج
3 - عدم الضرب او التوبيخ او التلفض على الطال فليس للمعلم سوا الدرجات والخصم في حالت الغضب على اي طالب
واشياء كثيره من صالح الطالب فلذالك
اريد ان افيدكم بأني لدي علاقه بالمشرفات في ادارة التعليم وفي الاداره بالكامل
ولاكن اريد من الكاتب مراسلتي عن طريق الايميل لاخباري باسماء المعلمات حتى اتمكن من ايصال الخبر بدقة وشكراً
فارس faris6866hotmail.com

[بنت بريده اصل وفص]

والله انك صاااادقه
ولاهانه عندنا وعنكم خير ولله الحمد
اهانه في الطابور من المحترمه المديره
اهانه في الدرس الاول من الي جايه غصب وتشرح من غير نفس

اهانه في تفتيشهم لغراضنا وتطنزهم به

بس مانقول الاالله يعين ويسهل لنا التخرج

[عيون الصقر]

الانحدار يبدأ من القمة

مافيه وزارة تعيد النظر بالمناهج وتشدد الرقابة على مكاتب الاشراف

مكاتب الاشراف كم وحده نايمه واذا اجتهدت حضرت درس لمعلمه

وظيفة المعلم والمعلمه وظيفة من لا وظيفة له

مافيه شروط لمن يشغل وظيفة من يقدم المعرفة كل اهل العقد والكلاكيع والفاشلين نفسياً واجتماعياً يشغلون وظيفة معلم او معلمه

مافكر مكتب الاشراف اذا جاله شكوى من احد المعلمات المريضات انه يحتال ويخلي وحده من الطالبات تقوم بتسجيل صوتي لاحد حصصها ونقاشها مع الطالبات والقبض عليها بالجرم المشهود علمياً وتشويتها مع اوسع باب للمدرسة.

[طيف الأمل]

الى كل من يقرأ الموضوع نحن بحاجه الى حلول



ولدي سؤال : المعلمه لا بد أن تكون قدوه في تعاملتها مع الاخرين سواءً كان مع
الطالبات أو المعلمات ....... فما هي وجهة نظركم لتعاملات العلمات وأسلوبهن؟؟



ويا أخوي يا فارس 119689
ذكرت تعاميم وأسئلك هل هي معمول بها ؟؟



وذكرت في موضوعي ملاحظة عن جوال الكاميرا
هل هو مسموح للمعلمات في المدارس وما طلع تعميم في هذا الأمر
أنا شفت معلمات معهن >>>>>>> لها الدرجه واثقين فيهن

[نحت الغلا]

طالبات الامس غير طالبات اليوم انتن تبن تكون المدرسة على كيفكن كل شي تبون تعملونه بالمدرسة من دون حسيب ولارقيب واذا حسبتكم الادارة زعلتن وجيتن تشتكن ......... خواتي والله لو اهتميتن بدروسكن وتركتن عنكن التدلع لاكان اجبرتو كل مدرسة ومديرة على احترامكم ............
وهذي واقعه وقعت امس السبت 8-4-1427 بمدرسة المتوسطة 34 لايمكن السكوت عليها من طالبات اثرنا الشغب وتدخلن بامور خارج نطاق العق وهو قيامهن بحمل اعلام فريق سعودي وشرايط تحمل الوان ذاك الفريق وغنا ورقص باسم الفريق ولام يردعهن سو ى الادارة ووالله لو تغاضت ادراة المدارس عن مايفعلنه الطالبات لشفنا العجب العجاب.......................
اللهم احمي شباب وبنات المسلمين من كل شر

[ALI 9]

السلام عليكم ورحمة الله وبركاته

والله الي أشوفه بصراحة إن طريقة المعلمات فيها تعدي للحدود في بعض الأفاظ

يعني تقولي أكيد امك وابوك ماتربوا >>>>>>>> المعلمة الله العالم تدخن ومعه ددسن

يعني فيه كلمات مقبولة وكلمات غير مقبولة من معلمة


بعدين عقاب البنت كيف بيكون إلا بالكلام والتوقيف وهذا شي طبيعي

إلا إذا تبن تجربن الضرب

=====

ومسألة الجوال وبعض المخالفات تبلغ إدارة التعليم بها >>>> أو أنتم رئاسة

=======

بعدين فيه نت وفيه حركات
والله لخرش المدرسة الي تتعدى حدوده بورقة صغيرة ترا بنشر اسمك بالنت وافضح طريقتك بالمدرسة ومن التهديد الي لا ينفذ >>>> يعني تخويف بس >>>>>> أحب الشر

بعدين البنات لهن أولياء أمور يتصل على المدرسة ويطلب المعلمة أو زوج المعلمة إن قدر يوصل لرقم الزوج ويكلمه عن زوجته الي تعلك ولاي تسب أهالي البنات

=======
على فكرة ترا الي يعلمون الدين عموما عند البنات وعند العيال مهب دليل إنهم دينين بس آخذين القسم لأنه سهل
=======
ومافيه مثل الرسائل للمعلمات بدون ماتدري من المرسل


=======
تحياتي للجميع أخوكم
المطنون

[السعلوووه]

الحديث من طرف واحد لايجدي ونحن لانعلم ماهي تصرفات تلك الطالبات وربما مستهترات لااخرحد ......
انا لااقف بجانب المعلمه لانها مهما كان مستوى الاخلاقي لطالبتها يجب ان تتعامل برقي لانها قدوه ولكن اتوقع كثير من الطالبات يهولن المواقف ويخططن للايقاع بالمعلمات ,,,,, ولقد مررت بالمرحله ,,,, والان اندم على بعض الاشياء التي لها دور كبير باخراج المعلمه من طورها ..... اذكر المعلمه الراقيه نعتبرها ماعندك احد ... والى فارضه شخصيتها بقوه وصارخ نتصيد المواقف لها ... تسيب هروب من الحصص حركات صامته اثناء الحصه لكنها قاتله ومستفززه....

ام بالنسبه للمعلمات البعض منهن هداهن الله.. تحسبها تعامل عيال مو بنات تتلفظ الفاظ ربما تعامل اهلها معها وتأتي تطبقها هنا لاتعلم ان تلك الاموار تقودها للاسواء ...اسلوب خشن يحمل جما الغضب بالفاظها ...

والبعض منهن يغرقن في بحر الغرام مع الطالبه وتهذي بحمى الاعجاب مع الطالبات مما يهز شخصية تلك المعلمه حتى لو قابلت من تلك الطالبات نظرات الموده ...

البعض من المعلمات شخصيه متزنه تكسب احترام الجميع دون مقابل وتلك الفئه قله ....

البعض منعدمه الشخصيه تدخل عليها الفصل كأنك داخل على حراج من الضحك والاكل والسوالف والمعلمه في وادي والطالبات في وديان ...

العلاج يجب ان يكون مشترك بين الطالبات والمعلمات ,,,

ولو كانت كل طالبه في الدرس تحترم معلمتها زي اول والله كان ماوصل التعامل بينهم للمواصيل الى يجبر اشخاص على التعامل بطريقه سيئه...


ربما اسهبت بكلامي وشرحت... لكن حبيت اوضح الصوره ان الخطاء مشترك والوضع خطير لان ربما طالبات مميزات يذهبن ضحية طالبات همهن الاول والاخير الترويح عن النفس واللعب ومعلمات لايقدرن ذالك ....والشر يعم..


اختي طيف الامل جربو انتي وزميلاتك بالفصل بتغير سلوككم معهم والتحدث بشأن ذلك مع المعلمات الى ترتحون لهن ويسمعون لكم خططو لتغير لمده معينه تلتزمون فيها بهدوء والتزام بالدروس ...واصدقو النيه وانا متأكده ان المعلمات راح يحسون بالمسؤليه اتجاهكم وربما كان درس خلقي لهن لانكم بالسلوك تتبعون خلق الرسول عليه السلام .. جربو فربما حليتو مشاكل كثيره وعدلتو مدرسه بحاله وتكسبون الاجر ..


وااسف على الاطاله..

الله يوفق الجميع

[خـــــــــــــــالـــــــــد]

اختي الكريمه طيف الامل



عفوا قبل ان ابداء بمداخلتي اسمحي بوقفه مع كلمة ظريفه تبسمت عندما قراءتها ... ( الشريرات ) احسست كاني اشاهد فلم كرتوني السنافر او فله و الاقزام السبعه .



بعض المدارس الاجواء تكون فيها مشاكسه و الببنات بصراحه متفرعنات و متمردات


خاصه وان هذه سن مراهقه يكون بتصور المراهق ان اثبات الذات والشخصيه بالمشاكسه ولفت الانظار اليه



ففي ظل هذه الظروف و صعوبه السيطره على البنات ماذا نتوقع من المعلمه ان تظل محتفظه بهدوء اعصابها !


انا هنا لا اعطي الحق للمعلمه بان تسيء للطالبه


و لا ان تقابل عناد بعنف


و لكن حتى لانرسم صوره للطالبات انهن ملائكه ذنبهن الوحيد انهن (( بس ما يحفظن الدرس ومايحلن الواجب ))





و تاكدي اختي الكريمه ان الشخص المحترم لنفسه يجبر الاخرين على احترامه وتقديره


اما شخص يهين نفسه بالتمرد و اتخاذ الاسلوب الضعيف لفرض الشخصيه او التهاون بالواجبات المدرسيه فماذا نتوقع ان يقابل به !!


بالحنان والتبسم و الشكر !


اختي الكريمه قبل ما تلقن باللائمه على معلمة او مديره


عليكن البدء بانفسكن و البعد عن المشاكسه التي تنقل صورة سيئه عن بيئه الطالبه .


و اكرر لا يعني هذا ان ذلك مبرر للمعلمه او المديره او المساعده بهانه او القسوة او الاساءه للطالبه


ففي مرحلة المراهقه يجب على المعلمة احتواء الطالبات بحنان و قسوة في نفس الوقت.

[فارس الميدان]

السلام عليكم ورحمة الله وبركاته
بسم الله الرحمن الرحيم
الاخت / طيـــــــــــــــــــف الامل
لتعقيب على ماورد ، التعاميم التي ذكرت مطبقه ومن شدة التطبيق يوجد رقابه على ما ذكرت من الاشراف التربوي
لتطبيقها
وبالنسبه للجوال الكاميرا ( فأني متأكد من منعه في المدارس وحتى في الاشراف نفسه حتى اذكر قبل حوالي اسبوعين ماخذين تعهد على مشرفة بسبب جوال الكاميرا )

فارس ( faris6866@hotmail.com )
للاحاطه / كتبت الاميل خطاء من العجله في الرد السابق

[قماشه بنت شكسبير]

... لوكان هناك نظام يحكم الجميع .. وضمير يحاسب نفسه لما كان هذي الاهانات لطالبات ؟؟؟
من يحاسب المديره والمعلمات إذا أخطأت ؟؟؟؟
من يحاسب ويوقف المديرة إذا تجاوزت؟؟؟
من ...ومن .. ومن ..
من يوقظ العقول النير إذا نامت ؟؟؟
من يوقظ الهمة إذا ضاعت ؟؟؟
متى يكون النظام الحق هو الفيصل في كل إداراتنا بدون أستثناء لاأحد ولا قريب ولابعيد ؟
ولكن لو تعلم المديرات والمعلمات )لولا الله ثم والطالبات
لما وجدو ..
ولو يتيقن المديرات والمعلمات لولا الله ثم الطالبات لما كانوا في هذا المكان ..
الله ...الله .... الله ياكبر الأمانة التى حملتم بها يامن تظلمون وأنتم لاتعلمون ؟؟
الهدر في التعليم .. مسؤولية كبير .. لاأنه يتبعة عواقب إما حسنة أو سيئة على الحركة التعليمية في بلادنا إذا لم يتحمل كل شخص المسؤولية الحقة ......
هناك الكثير والكثير والكثير ...
فقط أقول الله يعين كل من حمل الأمانة وراعاها بحق ... وضمير حي ..
(((((((((((((( لوكان هناك ظابط وقانون يحكم المديره ويحاسب المعلمات)))))))))
لما كان هناك ظلم على أحد ..
والحمد الله على نعمة الأمن والصحة .. والحمد الله على من نام وضميره حي وراضي عن نفسة أنه لم يظلم أحد .....


**********************************
مااااااااااااااااااااااابي أداوم

يضيق صدري لاطروا ليلة السبت

ليت الليالي كلبوها ربوعي