لايعني هذا اني ...................

[ساهرر]

بسم الله الرحمن الرحيم


كل عام وانتم بخير ,,,,تقبل الله منا ومنكم صالح الاعمال .


اعزتي واحبتي لايكون اختلافنا ببعض الامور سبب كرهنا او حقدنا على بعض فالخلاف يحل وينتهي.

اذكر الوالد رحمه الله يقول عن جدي.

كانوا يتطالبوا بالمحاكم من اجل ارض, او نخلة, واذا خرجوا من المحكمة جلسوا جميعا

يتقهون ويضحكون كان لم يكن شي بينهم .

وانا اقول مهما بلغ خلافي مع احد وربي ا ني اتمنى له الخير ,,,الا من كان خلافي معه في العقيدة .


دمتم بخير اخوكم هلاوين

[قـتـالـه]

الله يرحم ابوك بس
مدري والله وش اللي خلاه يوديك بداهيه بهالنصايح
المهم انتبه تقهوي واحد انت وياه متطالبين بالمحكمه !

[pepsi]

كلامك عيييييين العقل بارك فيك
وكل عام وانت بالف خير هلاووين

[فانتازيا إعلامي]

وأنت بخير وصحة وسلامة
والله يا ساهرر العقل يقول لو ضحكهم وقهوتهم من قلب صافي كان ما تنازعوا ...
وبعدين مهب لازم الضحك والقهوة المهم لا يتعدى احد على حق احد ..

[عاشق الخير]

جميل أن نختلف
لكن الأهم أن نحدد نقاط الخلاف و نحاول تقريب وجهاتنا
فان لم نستطع تركنا خلافاتنا خلفنا
وجمعتنا الامور الاخرى التي نتفق و ننجذب كلانا لها ..
الخلاف يفسد للود قضيه
اذا اصبح هو محور علاقتنا

[نـدى الـورد]

منور هلاويين

وكل عام وانت بخير

[ساهرر]

اقتباس:  المشاركة الأصلية كتبت بواسطة قـتـالـه     الله يرحم ابوك بس مدري والله وش اللي خلاه يوديك بداهيه بهالنصايح المهم انتبه تقهوي واحد انت وياه متطالبين بالمحكمه !

امين ويغفر لك وجميع المسلمين


عاد مات الله يرحمه ماقدر اناقشه بالموضوع ,,, لا ماعليك حبيب على طول انسلح قبل تصل لمحاكم ومشاكل


تشرفت بك قتاله

[ساهرر]

اقتباس:  المشاركة الأصلية كتبت بواسطة بيبسي     كلامك عيييييين العقل بارك فيك وكل عام وانت بالف خير هلاووين

ربي يسعدك تشرفت بوجود ياراعية القهوه

[ساهرر]

اقتباس:  المشاركة الأصلية كتبت بواسطة فانتازيا إعلامي     وأنت بخير وصحة وسلامة والله يا ساهرر العقل يقول لو ضحكهم وقهوتهم من قلب صافي كان ما تنازعوا ... وبعدين مهب لازم الضحك والقهوة المهم لا يتعدى احد على حق احد ..

الاختلاف لابد منه ربما ينتج من اجتهاد

وشاهد ذلك بالتاريخ الاسلامي كثير ة

فقد اختلف ادم مع موسى عليه السلام .

وختلف ابو بكر مع عمر رضي الله عنهم

واختلف اصحاب علي مع اصحاب معاوية رضي الله عنهم ومع ذلك دام حبهم وودهم

يقال انهم يتقاتلون بالنهار بالليل يسمرون جميعا


تشرفت بك فانتازيا

[المنغره]

-


والجميع بصحه وعافيه .. والله يقبل منا ومنك

اقتباس: لايكون اختلافنا ببعض الامور سبب كرهنا او حقدنا على بعض فالخلاف يحل وينتهي.

بالفعل وكما يقال الإختلاف لايفسد للود قضيه..
~

[ساهرر]

اقتباس:  المشاركة الأصلية كتبت بواسطة عاشق الخير     جميل أن نختلف لكن الأهم أن نحدد نقاط الخلاف و نحاول تقريب وجهاتنا فان لم نستطع تركنا خلافاتنا خلفنا وجمعتنا الامور الاخرى التي نتفق و ننجذب كلانا لها .. الخلاف يفسد للود قضيه اذا اصبح هو محور علاقتنا

جميل ماطرحت ربي يوفقك


تشرفت بك عاشق

[ساهرر]

اقتباس:  المشاركة الأصلية كتبت بواسطة نـدى الـورد     منور هلاويين وكل عام وانت بخير

من نورك ربي يسعدك

تشرفت بك ندى

[oldman]

السلام عليكم


رغم الحمدلله إني متسامح كثير مع اللي اختلف معهم
إللا أن هناك فرق بين الأختلافات اللي تصير
بعض الخلاف يكون هنا بالأنترنت حتسي إذا طلعت من الصفحة يروح الخلاف وانساه ولايكون ببالي اللي اختلفت معه لأنه شيء عارض وانتهى .
أما الخلاف اللي يكون أستهزاء او أستنقاص من الدين وشعائره والعقيده أو شي قريب منه أو أغتصاب شيء مهوب له أو أحدث حدثاً وفعل فعلاً لاأحبذه ألخ ألخ مما لاتطيقه التسبد ....
فهذا يبتل ببالي وتلقاني متشوش طول اليوم علشانه وتسبدي تصبصب دمامين لمين انول اللي ابيه .
أُما اقعد اتقهوا واضحك معه هذي تبيلها أطلع للصمان لحالي ثلاث شهور لتنمسح الذاكره علشان استسيغه او ارجع المياه لمجاريها وبشرط لاشفته بعد الأنمساح لايسوي حركة تذكرني باللي صار قبل . ويكفي إني سلمت عليه وسامحته أُما جلسه وضحكه ما أظن نفسي تطيعني .
فرجائن لاأحد يخطرفلي

[عازفة ألحان الليل]

احس ان الي يزعل بسرعه من وجهات النظر هو انسان حساس جدا
وجهات النظر والإختلاف فيها لايعني ابدا اننا نكره بعض
والبعض حول وجهات النظر الى غالب ومغلوب <<إذا شفت الحوار كذا انسحب تحوم سبدي

[shahd2007]

وانت بخير هلاوين

اوما يطلعون من المحكمه ويتقههون مع بعض قويه
من باب اولى مايتنازعون ع نخله او اثله 😍

اوما انا اللي تقولي كحلتس اليوم ماضبط تبتل بقلبي وماحلله واكره الى يوم الدين 😂
وبالنسبه لاختلاف النت خبري بهم اذا سويت تسجيل خروج