لماذ الناس معصبون في الحر

[المبصر]

سالني صديقي ما سبب فلتان الاعصاب في الطرقات حيث انني اتفاجاء باناس مظاهرهم طيبه ورزينه ومع ذلك يلعنون ويشتمون في الطرقات ؟

قلت له السبب يا عزيزي
خر شديد يطبخ الدماغ فيغلي معه المزاج ويتكدر
وغبار كثيف يدخل من الانف ويخرج من الاذنين
فيجتمع حر وغبار فيحركان القوه الغضبيه فتصطك الاسنان وينعقد الجنان ويصبح الانسان مستوفزا مستعدا للقتال
هذا بالاضافه الى حماقات السائرين في الطرقات من الهمج الذين لايتقيدون بنظام وليس عندهم اخلاق بالاضافه لسوء الطرقات بالحفر المفاجئه والمطبات الجبيله فاذا جعلت مع هذا زوجه موذيه حنانه زنانه انانه وطفل مشاكس يقفز من مرتبه الى مرتبه هنالك اجارك الله يصبح الانسان بركان يستعد للانفجار ولغم من يقرب حوله يثور في وجهه فليست القضيه مظهر اومخبر بل شعب مطحون ببئيه الماديه والاجتماعيه ولكم تحياتي

[الفتى السمنسي]

هالحين الشعب السعودي من اتعس شعوب الأرض خصوصا في السنوات العشر الأخيره .
(حر وغباروانتحار وفقر وجريمه وسرقات وبطاله وضياع حقوق عيني عينك وبنيه تحتيه تعبانه ) .
اتوقع بعد كم سنه تبي تسقط علينا (تشاد) بالتطور الاجتماعي والتعليمي وغيره.
لاتشرهون على السعوديين حاليا.. لو تلقى واحد يمشي جطل (مصلوخ) بالشارع فلا تستغرب .
صدق الله حينما قال (وتلك الأيام نداولها بين الناس).
والله السعيد ذالحين اللي يموت على عمل صالح ..ياسعده بعد.

[بنت العاصي]

يبقى ذلك السعودي متمسكآ بزمجرته وعسارة مزاجه
بكل فصول الكون الاربعه !
وحتى بتلك الاجواء المطيره لاتمطر آفاقه الا التعكر والتعكير
ظلموا الابل واسندوا الاعذار على ظهرها
هودجأ لصفاقة انفعالاتهم !
لاعزاء للرجل السوداني الشهير برباطة جأشه
رغم خط استواء جمع رطوبة مقرفه وزمهرير صحاري !

[لحن المشاعر]

والله عادي عندي الحمد لله

مافرقت معي الجو

لكن اذا صار غيم وامطار وبراد

احسن واحسن بآلف مره

وصار لي موقف مره بآبها

سويت حادث بسيط الظهر

وجاء العسكري وهو فالن امه ضحك ووناسه

اول مره اشوف مثله

قلت يمكن جوهم له دور

[نسمة ايمان]

ارهااااق و إنخفاض الضغط
وقلة النشــاط " الكســل "

[نبض قلب]

اذا انت حرّان وطفشان
,, العالم وش دخلها !!

[نـدى الـورد]

آآآهـ

لاتجيب طاري الحر فــ جسدي اجمعه مشتعل

فــ أنا اخترق الربع الخالي يومياً روحه وعوده

والشمس متوهجه لاترحم المريض والعادي

وطبيعي تكون الأنفس ضيقه والخلق تعبان

والمزااج مقفل

فــ محيطنا لايشجع والله بنا رحيم

,

[pepsi]

اخخخخخخ مااحب الحر يتعكر مزاجي والاعصاب

تتلف وتفور اذا انا في هذا الشتاء فاتحه التكييف ع

البارديكفخ علي وجهي اول سنه اسويها كيف

بيعدي هاالحر علينا

يالله سترك استغفرالله ياالله التوبه

[منبع الحكمة]

أشكرك أخوي على طرحك ..

وأعذرني سأخالفك وبقوة حول هذه النقطة ...

النرفزة وضيقة الصدر وقلة الصبر هي من داخلنا وليس من خارجنا

تربينا على أن البيئة الخارجية هي التي تتحكم بنا ،، بينما لو تأملت قليلا بأن هذا لو كان حقيقياً لكان ظلم لنا

فالله جعل التحكم داخلي وليس العكس

أدري أن الموضوع صعب تطبيقه ولكنه ليس بمستحيل ....

وبالنسبة للأخت اللي تقول أنا أتضايق من الحر أقول لها ماهي إلا حيلة نفسية نستطيع التخلص منها بالتدرب وإستحضار الفكرة ...
وهكذا نجحت مع زوجتي بأقناعها بهذا مع أنها من النوع اللي يمووووووووووت بالمكيف ولكن إذا ما حصل المكيف لسبب أو آخر تحط حرته بنا أو بالبزارين .. ولما فهمّتها الحل فهمت وأستقرت مع أنها ذابحها الحر ..

[طموحة بلا حدود]

اقتباس:  المشاركة الأصلية كتبت بواسطة مستشار أسري     أشكرك أخوي على طرحك .. وأعذرني سأخالفك وبقوة حول هذه النقطة ... النرفزة وضيقة الصدر وقلة الصبر هي من داخلنا وليس من خارجنا تربينا على أن البيئة الخارجية هي التي تتحكم بنا ،، بينما لو تأملت قليلا بأن هذا لو كان حقيقياً لكان ظلم لنا فالله جعل التحكم داخلي وليس العكس أدري أن الموضوع صعب تطبيقه ولكنه ليس بمستحيل .... وبالنسبة للأخت اللي تقول أنا أتضايق من الحر أقول لها ماهي إلا حيلة نفسية نستطيع التخلص منها بالتدرب وإستحضار الفكرة ... وهكذا نجحت مع زوجتي بأقناعها بهذا مع أنها من النوع اللي يمووووووووووت بالمكيف ولكن إذا ما حصل المكيف لسبب أو آخر تحط حرته بنا أو بالبزارين .. ولما فهمّتها الحل فهمت وأستقرت مع أنها ذابحها الحر ..

أخي مستشار كلامك صحيح بس وين اللي يطبق وانا أولهم

بالحر الواحد ينسى نفسه مايقدر يتحكم باعصابه ويكملونه شركه

الكهرب الله وناسه هههههههههه كل يوم طافي علينا حر وتبين

أضحك كثر منه ههههه ,,,,,

حلوة بزر حركي طيب وذا صارو اثنين حركيين وش السوات وحر

كملت عز الله ماضحكنا هههههه الله يعين ويهدينا وتشرح صدورنا

[آبو بتال]

مع الاسف العض مايصبر
كثير لو قدر الله مصيبه يلعن
المفروض الواحد يوسع صدره شوي والحمدلله

[أنا لها]

اقتباس:  المشاركة الأصلية كتبت بواسطة نـدى الـورد     آآآهـ لاتجيب طاري الحر فــ جسدي اجمعه مشتعل فــ أنا اخترق الربع الخالي يومياً روحه وعوده والشمس متوهجه لاترحم المريض والعادي وطبيعي تكون الأنفس ضيقه والخلق تعبان والمزااج مقفل فــ محيطنا لايشجع والله بنا رحيم ,

*معـقولة الآخـت عسكري بـ حرس الحدود .. !!



** والله صدق البرآد يفتح النفس . وتبدأ توزع إبتسآمآت ..

بعكس الحر ..
موب زين تصير معصب ولآ لكـ خلق آي شئ ..




تـشـكــــــــرآآتـ....

[قـتـالـه]

الاربعاء الماضي تأخرت علي السياره ربع ساعه
كنت انتظر برا المبنى
وصعبه ارجع ادراجي وانا محمله اكياس وكراتين واغراض

بعد العشر الدقايق الاولى
حسيت اني ذبت وتلاشيت وتحولت لعصير بنكهة قتاله
ولد البواب الصغينون جا يحبرش باغراضي بغيت ارفع رجلي
وازقفوه واثروه بسطح المبنى من الحمقه !
مصريه جنبي تقولي وكمان شايله يابنتي بالقوو ده
الواحد موش طايئ هدوموا
وتجي ذييك التهيضه اللي تمشي مليون
حسيت اني يحول .. ومظلومه .. وياحياة الشقا وياعسى مادوام
وابوي الطنايا من اصلوه وشوله يدرسن
تسان فصلن من السادسه
ماضر الحريم :|

الا السياره تقبل
وكني اشوف ملاك مو سياره
صرت اشوفها موكب كيت
واشوف البواب الاشهب ابو شظاف بوسامة وليام
بس هو صدتز ابروح لبيتنا

اجل وراهم يعصبون بالحر ..!

[عازفة ألحان الليل]

اقتباس: لماذ الناس معصبون في الحر

لأنه حر
لكن عن نفسي اتضايق ويرتفع ضغطي من الحر لاكن ما اعصب على الي حولي وش دخلهم اعصب عليهم من حري !

اقتباس: زوجه موذيه حنانه زنانه انانه

وزوج معصب من الحر يصب غضبه في زوجته واولادة.

[باسم الثغر]

الجو عندنا له محاسن علينا
لو تحط الرجال بأي مكان بالعالم حار أو بارد عنده استعداد يعيش بحياة طبيعية

لو نجيب أهل الديار الباردة عندنا
كان تقاضبوا الشوش بكل عاير


أنا كل يوم والثاني
يزود اعجابي بالرجل السعودي
وسائل الحياة تكبس عليه كبس
وقوة التحمل عنده بازدياد
لو غيره كان ماعدى عمره الثلاثين