نســـاء يحــمــلــن لــقــب (هــب بــلا لــب) !!!!

[الفتى السمنسي]

المتابع لوضع المرأة السعودية في السنوات الأخيرة يجدها قد تفرغت كليا لملاحقة الموضة وعمليات التجميل مهملة في الوقت نفسه ملاحقة تطوير الذات والفكر والعقل من خلال التمسك بمعطيات دينها وثقافتها الإسلامية بفروعها (العلمية والأدبية والإجتماعية) ونتيجة لذلك اصبحت المرأة السعودية في الغالب لقمة سائغة للعابثين نتيجة خوائها الثقافي والفكري .
تجدها من برى (الله الله) ومن جوا (يخلف الله) بالرغم من حصول أغلبهن على الشهادات الجامعية إلا أننا نجد مثلا (العمالة) في الأسواق وهم جهلة علميا يستغلونها ماديا وأخلاقيا نتيجة إهمالها تطوير قدراتها العقلية والتفرغ لتطوير مظهرها الخارجي مما أدى إلى إستنزافها ماديا وصحيا .
تجدهن بكثرة في (المشاغل وعيادات التجميل ) بينما لاتجدهن في المكتبات العلمية والأدبية وإن وجدتها فهن بعدد أصابع اليد .
لن ينهض مجتمعنا مادامت (مدرسته وجامعته ) متخلفه فكريا وثقافيا .
خرج لنا جيل مائع سلك مسلك أمه بالإهتمام بمظهره وأناقته فأصبح ينافس أخته بالنعومة وخرج لنا فتيات لسن كفؤا لتحمل المسؤولية فقط جل وقتها لمتابعة الموضة والمسلسلات الماجنة والولوج لعالم النت بالساعات وليته على فائده بل قتل للوقت ومعاكسات وتميلح ودردشه والنتيجة في النهاية تصبح (زوجة فاشلة) مستقبلا مع مرتبة الشرف.
إلى متى ووضعنا هكذا ؟؟
حتى العجائز وخصوصا (الخمسينيات) إنهبلن يلبسن بناطيل وعمليات شد للوجه وصبغ للشعر وينافسن بناتهن على الموضات غير عابئات بتجاعيد الوجه والشعر الأبيض .
اتذكر عجائز زمان تلقى وجه الوحده منهن ابيض من الطاعه ونشيطه وتجدها سعيده وتسعد من حولها لأنها إحترمت ذاتها وتفرغت لعبادة ربها عندما اصبحت كبيرة فهي (القدوة) لبناتها .

أفتوني في أمري هذا ولكم مني الشكر

[╝◄ ساندرا ►╚]

للأسف في هذا الزمان الماسك على دينه كالقابض على جمر ومن يلتزم باللباس المحشوم
يسمى متخلف وماعنده ذوق وماشابه لايعلمون أن هم المتخلفون عقولهم فارغه صغيره
مايفكرون لقدام تفكيرهم دايم تحت رجلينهم
الحمدلله الذي عافنا بما ابلاهم

اسأل الله الهدايه لنا ولهم
قوله تعالى: (وَلْتَكُنْ مِنْكُمْ أُمَّةٌ يَدْعُونَ إِلَى الْخَيْرِ وَيَأْمُرُونَ بِالْمَعْرُوفِ وَيَنْهَوْنَ عَنِ الْمُنْكَرِ وَأُولَئِكَ هُمُ الْمُفْلِحُونَ)

وجزاك الله خير على حرصك جعلك الله ممن يدعون الى المعروف

[صاحـــي لكـ]

ماقد شفت حرمه ملتزمه

ظروري تخربها وقت من الاوقات
هع

[دِيم]

.
.




استغفر الله ..

الحين ماصدقنا يتنظف المجلس من هيك مواضيع ..

تجي تحييهن ..

أنا مستعدة أكتب لك ردودك سلفاً .. من كثر ماملينا ترديدهن ..


/


تضرب منك لهيك موضوع ..

[╝◄ ساندرا ►╚]

888
وش مضايقك لانه يبي يصلح ويبحث عن حل لحال بعض النساء الي كل ماله يدهور ؟؟

يعني وش تبين مواضيع
يالله عطينا

[الفتى السمنسي]

اقتباس:  المشاركة الأصلية كتبت بواسطة ܔ ســـاندرا ܔ     للأسف في هذا الزمان الماسك على دينه كالقابض على جمر ومن يلتزم باللباس المحشوم يسمى متخلف وماعنده ذوق وماشابه لايعلمون أن هم المتخلفون عقولهم فارغه صغيره مايفكرون لقدام تفكيرهم دايم تحت رجلينهم الحمدلله الذي عافنا بما ابلاهم اسأل الله الهدايه لنا ولهم قوله تعالى: (وَلْتَكُنْ مِنْكُمْ أُمَّةٌ يَدْعُونَ إِلَى الْخَيْرِ وَيَأْمُرُونَ بِالْمَعْرُوفِ وَيَنْهَوْنَ عَنِ الْمُنْكَرِ وَأُولَئِكَ هُمُ الْمُفْلِحُونَ) وجزاك الله خير على حرصك جعلك الله ممن يدعون الى المعروف

شكرا لتلك العقلية الراقية أولا .
ثانيا مرحبا بلقبهم الذي يطلقونه على المرأة المحتشمة وهو (المتخلفه والخبوبية) فهي وسيلة إبليس للضغط على العقول الفشفاشية الضعيفة دينيا .
المرأة الواثقة من نفسها والمتمسكة بتعاليم دينها لايضرها هذا النباح الصادر من تلك الأفواه الميته دينيا .
تحيتي لك

[الفتى السمنسي]

اقتباس:  المشاركة الأصلية كتبت بواسطة صاحـــي لكـ     ماقد شفت حرمه ملتزمه ظروري تخربها وقت من الاوقات هع

أحسن الظن ياخلفهم وفيه نساء وفتيات يرفعن الرؤوس ولكن أنا أوجه كلامي لمن خدعوهن بغال بنو علمان بتلك التفاهات وتلك الثقافة التغريبية المستورده من الصليبيين ومع الأسف إنخدعت المرأة المسلمة وخصوصا السعودية بها وإنساقت خلفها مهملة في الوقت نفسه تطوير عقلها وهو الأهم .
تحيتي لك

[الفتى السمنسي]

اقتباس:  المشاركة الأصلية كتبت بواسطة دِيم     . . استغفر الله .. الحين ماصدقنا يتنظف المجلس من هيك مواضيع .. تجي تحييهن .. أنا مستعدة أكتب لك ردودك سلفاً .. من كثر ماملينا ترديدهن .. / تضرب منك لهيك موضوع ..

حسنا في المرة القادمة سأطرح موضوعا عن قصائد (نزار قباني) وموضوع آخر عن (آخر الروايات الغربية المترجمة الماجنة) .
شرفتي

[قـتـالـه]

ياحيي انتم اللي حديتوهن على تسذا
تزيغ عيونكم على السطحيات راعيات الحمر والخضر والتصرفات الهوجاء
والمشكله انكم تشوفون قل سنعهن خف دم وحركات هه
ياحيي اللي ربي رزقه بأم عيال وزنها ذهب
راح استبدلها بمخروشه ماتعرف تركب كلمتين على بعض!

.
.
احس الرجال يخافون من ذوات الفكر آكلات الكتب
يخافون من وهبت ملكة الولوج الى الاعماق ونبش الدواخل !
تميلون للهشه اللي ماعندها وقت حتى تركز حبتين بخيانات حولها
ويرضيها جهاز آيفون وزرقة خميس وجمعه للعارض تكفيراً لغلطة مست جوارح
.
.
ايتها السحا لاضير من القليل من الهشاشه والكثير من السطحيه
واياك وعدو الانوثه الكتاب !
ومحاور الجد ,,
وليكن همنا غمس انوثتنا بخدر اقنعة الاجساد بمباركة باريس قاليري وطقتهم

[ShmOoOo5]

المرأه السعوديه والمرأه السعوديه ووو.........

احب اقولك انه احنا احسن منكم يامعشر الرجال السعوديين

يكفي اننا مانشرب زقاير ومعنا شهادات بكالوريس ترفع الراس وبناخذ الدكتوراه بإذن

واحد احد

وبنعيش حياتنا بالطريقه اللي تسعدنا بحدود شريعتنا الاسلاميه .. ولاراح تهمنا لا انت ولا

اشكالك اللي مشغل نفسه بالتهجم على المرأه السعوديه الشامخه .. وناسي نفسه.. يارب لك الحمد بس على هالعقليات

[مرااام]

المراءه والمراءه حاطين حيلهم فيها <<<اسالك بالله رجال هالوقت مثل اول ابدا وربي همهم استراحه وطلعه وروحه بس

وياخي لاتقيس على الناس اللي حولك

واذا راحت للسوق واذا اهتمت بالموضه < ابدا ما ينزل من قدرها وقيمتها

والمراءة بطبيعتها تحب الزينه

بعدين لا تعمم بكلامك يعني وحده مو سنعه الكل يكون مثلها ابدا

[دِيم]

اقتباس:  المشاركة الأصلية كتبت بواسطة الفتى السمنسي     حسنا في المرة القادمة سأطرح موضوعا عن قصائد (نزار قباني) وموضوع آخر عن (آخر الروايات الغربية المترجمة الماجنة) . شرفتي

أهم شي الماجنة ..

[هنري]

عمومية الموضوع تجبرنا على قبوله شكلاً وموضوعاً،

فالأمر لايخطو كونه تحذير من واقع " بعضهن "الذي يستفحل ومناشدة مبطنة للعاقلات والمقبلات على التمسك والعودة لجيل قديم ،
رغم إختلافي مع كيفية النداء والأسلوب.

شكراً عزيزي،

[قـتـالـه]

اقتباس:  المشاركة الأصلية كتبت بواسطة مرااام     المراءه والمراءه حاطين حيلهم فيها <<<اسالك بالله رجال هالوقت مثل اول ابدا وربي همهم استراحه وطلعه وروحه بس

عاد تبون الصراحه ؟
ترا الاولين رجال علوم ومغانم وتحمل اسفار الواحد تقول قرنديزر هه
بس للعائله شينين
مايدلعون الحريم ولايسمونهن باساميهن
وبهم صلافة الخشب
ورجال الاولين مايلمسون وغدانهم ويدلعونهم ويغاغون لهم بعكس رجال
الحين ماغير شاقلين عيالهم ويلعبون ويوكلون واحياناً يروشون ياغربالي :/
رجال الاولين مابهم صبر على المره الله من كف وكف اكلنها بنات الاجواد
علشان دله صايده او مرقوق حار
الحين دني له الترمس وكيسة الصامولي وقوطي الجبن وياكل وهو يضحك:/
الحمدلله اللي ماامكنت الاولين تسان تسنخ وتسنيخ انا ناااااار وهو شراااار
رجال الاولين ينسلون من العيال وماعليهم منهم لايشرون للي بثاني ثانوي الهلي
ولا للبنت جوال ولا يسوقون رواتب لخدامات

.
.
< فحمت من التفطن وعد مناقب رجال الحين
عاد انسوا وقفة قتاله يالقنافذ

[ناقه فسفوريه]

الحريم والحريم والحريم والحريم والحريم ...........الخ

صارن شغلكم الشاغل هالحريم

ودي مره أدخل موضوع مابه طاري حريم حتى لو صار موضوع ماله دخل بهن فجأه وبقدرة قادر

ينقلب الموضوع الى الحريم والحريم