ويش راح يكون حاااله

[اميرة الابتسامه]

السلام عليكم ورحمة الله وبركاته

امس وانا قاعده اكلم خويتي قالت لي تعرفين فلانه اللي معنا بالكليه تراه تبي تتزوج
انا فرحت له وقلت ماشاءالله البركه والله انه تستاهل كل خير
المهم البنت اللي تبي تتزوج اعرفه معرفت زماله وبيننا سلام وميانه
المهم انا كلمت البنت وباركت له

عاد حسيت من نبرة صوته انه مومبسوطه بالحيل يعني تقدرون تقولون انه به ضيقه

انا سئلته قلت سلامات يافلانه عسى مابك شي لاتكونيين مغصوبه قالت لاوالله اهلي مايغصبونن على شي ماابيه والرجل طيب وحبوب وجميل وولد عائله محترمه ولاعليه كلام عشان كذا وافقت ولالي عذر ارفضه

قلت اجل وش بك قالت انا احب شخص غيره ومتعلقه بذاك الشخص بالحيل
وخايفه مااسعد الرجل اللي بتزوجه ولااتوفق معه

قلت له لاتخافين ترا الحب الحقيقي بعد الزواج يعني حبك لذاك الشخص نزوه وتزوووول

الزبده:ابيكم تقولون لي كيف راح تعيش هي مع ذاك الشخص وهل راح تنسى حبه لذاك

وابيكم تنصحونن وش اقوله!!

[نجداوي]

وهالشخص هذاك وش السبب مايتزوجها دامه يحبها ؟

اذا فعلا يبيها يتتزوجها عادي

واذا العكس المفروض ماتحط ببالها هالامور

لانه اليوم او بكرى يسحب عليها وانتهى الوضع

وممهمآ طول معها وغرقو بالحب اذا مآفيه زواج

الوضع كله مامنه فايده

مجرد تفريغ وقت لااكثر

شكرآ لك اخت بنوته مليحه .

[أمير الشباب]

يامليحة اسعد الله اوقاتك بكل فرح وسرور ،،،

الحب درجات وانواع تتفوات من شخص لآخر فهناك حب مصلحة متى حصلت المصلحة انتهى ، وهناك حب فراغ عاطفي ...... وغيرة ،.


لكن يبقى الزواج قسمة ونصيب .، وبما ان اهلها راضين فيه وهي كذلك مقتنعة فيجب عليها ان تنسى الاول وتبدا حب جديد سعيد فعسى ان يكون خيرا من الأول .

تحيتي لك

[التنين الصيني]

يمكن .... معجبة فقط

بس .... قولي لها يقول التنين : " الفرصة تجي مرة , والرجال شويين "

[فديكا التميمي]

قوليله اعقلي وتعوذي من ابليس وبعد العرس بتنسين
جد جده وبتحسفين على الوقت اللي فكرتي به ,,
لان شكل حبه الله والعالم من طرف واحد والا وينه عنها
هاللي ميتتن به ...

[قـتـالـه]

فديتهن بناتنا الأطؤطات
الميانه لك عليها واول مارفعتي السماعه تباركين قالتلتس تراي احب
الهي القم بنات جنسي ماالقمته عبادك الشهبان من صبر عند النوازل وصر للعلم بصرار
محكم الرباط
ياعين امي انتي ابخص بخويتتس وكان ودي اعرف عمرها ؟
قوليلها على لساني تسان اللي توجسينه للحبيب حب حقيقي
مو حب لعب ومزوح ولاهو لعب طعشات ..
تراتس مانتي ناسيته وهو الحاجز بينتس وبين الزوج المتعوس
وبتتخيلينه بكل زوايا بيت الزوج
ويمكن مايزها بعينك هالزوج التعيس تبين تشابيه الغلا وضحكته وطوله وعيونه !
لاتتزوجين حتى تشفين وشفاء حقيقي ,,
رفقاء بمن مسط دم قلبه علشان يتزوج سحاة تكون معه قلباً وقالباً

[رمز الحياة]

اتوقع راح يعيشون ببيت مستأجر بحي الخبيب

[عاشق ديرتي بريده]

قولي له انثبري بس وش الخرابيط ذي

وش اللي قاعد يصير ببناتنا

الله يستر بس

[غسق الدجى]

قوليلها تتوكل على الله
ولا تفكر في واحد ماجاب خبرها
اسأل الله لها التوفيق

[نقوووشهـ]

والله انا من رايي وانا اختتس قولي له تستخير
وتشوف وشو به الخيره
وعسى الله يسخر له

[بريداويهـ]

وت ؟
حب !!!

قولي له تخلي عنه الخراط الفاضي
ماخبرت الحب الا ويجي بعد العرس

تراه هالحب الي هي فيه زي السراب
يعني هي عطشانه
وبصحراء
وتتخيل واحه قدامه
ومتى ماوصلت المكان اختفت هالواحه
او بعدت والاكيد بعد ماتاصل بتلقى شمس ورمال حاره
ومتى ماصار الليل بتصير عرضه للذيابه


والزوج هو جنه
تزرعه بيدينه وتقطف ثماره
واهم من كل هذا عايشه بامان


كانهي ما استخارت خليها تستخير
وتتوكل على الله وتتزوج

وتخلي عنه تصديق زنت ابليس فوق راسه ...


تحياتي

[امرؤ القيس]

اقتباس: انا احب واحد واخاف ماحبه وش تنصحونن اقولها

كلام مضحك وفيه مسخرة وعدم حيااء صراحة


عموما كلامك فيه تناقض واضح


انت قلت :

اقتباس: تتزوج اعرفه معرفت زماله

ثم قلتِ

اقتباس: وبيننا سلام وميانه

ثم قلتِ

اقتباس: المهم انا كلمت البنت وباركت له

اعتقد أن الزمالة غير الميانة فالميانة لاتأتي الا للصديقة فقط ثم قلتِ اتصلت عليها يعني انك تعرفينها

ماعلينا من الكلام هذا كلووو بس ليه تلفين وتدورين بحبك القصة او علشان انها تحب واحد غيراللي تبي تعرس عليه كان قلتيه من الاول واحنا نفهم على طوول ونعطيك الجواب السنع

[قروي فاهم]

المفروض قبل ما تتزوج تعرض على صاحبها الاول فكرة الزواج وتشوف اذا هو جاد ويحبها ولا حاطها فسحه !! <قديمه الفسحه
اذا هو يبيها ويحبها صدق بيتزوجها !
واذا هو مايبيها ولايحبها يعني السالفه فسحه فااعتقد انه مبسوط انها بتتزوج لانه يفكر في اشياء ثانيه ويعتقد ان زواجها قد يساعده على مآرب اخرى .
مرحلة المراهقه ومرحلة ماقبل الزواج قد تكون مرحله وانتهت .
لكن الاهم هو المستقبل والاستقرار والاهم هو الســـــتر .
قولي لها توكلي على الله وتزوجي واتركي عنك حب وخرابيط بكرا يضيع مستقبلك والضحيه انتي .
تتوقعين صاحبها الاول بيتزوجها لو انه فكر يتزوج وبراسه وحده غيرها ؟ هل سيطبق "
مالحب الا للحبييب الاول " الا على طاري هالقصه الىالآن الناس يحبون ؟؟!!

[اميرة الابتسامه]

المشاركة الأصلية كتبت بواسطة نجداوي



وهالشخص هذاك وش السبب مايتزوجها دامه يحبها ؟

اذا فعلا يبيها يتتزوجها عادي

واذا العكس المفروض ماتحط ببالها هالامور

لانه اليوم او بكرى يسحب عليها وانتهى الوضع

وممهمآ طول معها وغرقو بالحب اذا مآفيه زواج

الوضع كله مامنه فايده

مجرد تفريغ وقت لااكثر

شكرآ لك اخت بنوته مليحه .










اي بس هي ماتتواصل معه ولاشي عشان تقول مجرد تفريغ ويسحب عليها
هي تحبوه من يوم كانو صغار وكبرت وكبر حبه
لانه يقرب له
وهي الحين ماتدري هو يحبه ولالا
خبره به يوم هم صغار

والله يعطيك العافيه عالحضور الرائع نجداوي

[اميرة الابتسامه]

المشاركة الأصلية كتبت بواسطة أمير الشباب



يامليحة اسعد الله اوقاتك بكل فرح وسرور ،،،

الحب درجات وانواع تتفوات من شخص لآخر فهناك حب مصلحة متى حصلت المصلحة انتهى ، وهناك حب فراغ عاطفي ...... وغيرة ،.


لكن يبقى الزواج قسمة ونصيب .، وبما ان اهلها راضين فيه وهي كذلك مقتنعة فيجب عليها ان تنسى الاول وتبدا حب جديد سعيد فعسى ان يكون خيرا من الأول .

تحيتي لك







اي انا قلت له كذا
والله يوفقهااا بالخير

مشكور على حضورك ياامير الشباب