تحايلت على ابوي وصار لي كم يوم (اشحذه)لانه هو محتاج بعد لاحصل على مبلغ مائتي ريال رسوم الدورة التي اعلن عنها معهد الطاقة الفكرية والخاصة باعطاء معلومات عن الاستعداد لاختبار القدرات وعند الاتصال بهم وضعوا لي الشمس بيد والقمر بيد ومدحوا المدربة واقدمنا يدفعنا الطموح والمستقبل المشرق والقناعة باهمية الاستعداد لاختبار مهم يحدد مصير طموحاتنا ولكن اليكم ما حصل:
&اخبرونا ان الدورة تبدأ في الساعةالرابعة وتاخروا في البدء نصف ساعة (مدفوعة الثمن)ربما لنضطر للشراء من البوفيه ذو الاسعار المضاعفةجدا.
&وزعوا علينا مذكرة لا يرتقى مستوى محتواها لطالبات في الصف الثالث الثانوي تتضمن عناوين رئيسية لا يمكن وصفها الا بالتافهه.
& المدربة مصرية الجنسية ونحن في وادي وهي في وادي واحلف انها اول مره تشوف اختبار قياس وما تدري وش السالفة وتحسب ما فيه احد بالسعودية يوصل لعلمها واضاعت ربع ساعة (تسكت) البنات ونصف ساعة تمدح نفسها وانها الاولى والافضل كعادة المصريين دائماونصف ساعة تشرح لنا كيف نطمس الدائرة التي تدل على الاجابة الصحيحة؟؟؟ياربيه دخت من البياخه ونصف ساعة ضاعت تقنعنا ان السؤال السهل يجب ان ياخذ دقيقة والسؤال الصعب ياخذ دقيقة ونص ؟؟!!!!
واللي خلاني فعلا اقول خسارة الميتين ريال انها بدت تتكلم عن التغذية والجو الاسري واهميتها في حل اختبار القياس !!!! يا ربيه اختبار قياس عالي المستوى وطالبات همهن اجتيازه والدليل حضورهن تكلمهن عن اهميته وليتها فاهمه احس انها متلخبطه.
&اللي ف انكتم وودي اطلع اخذ قريشات الوالد يوم بدت بالجزء الخاص بشراء محاية كويسة وقلم رصاص كويس وبراية كويسه..حررررررررام هالاستهتار بعقولنا.
الصراحة يا بنات يا طالبات ياللي تحترمن انفسكن هاذي نصيحة من اخت لكن واسالن جميع الحاضرات..دورة فاشلة بكل ما تعنيه الكلمة وبدون هدف ولا مضمون
ولكن لي طلب من اصحاب المركز
اعيدوا المال الذي اخذتموه بغير تخطيط ولا اعداد جيد واغريتونا بالدعايه الرنانه واستغليتو خوفنا وقلقنا من الاختبار وحاجتنا للمساعدة
اعيدوا لنا ولو نصف المبلغ
سوف ترفضون وهذا اسلوب اي مكان تجاري لا يخضع للرقابة
حسبي الله عليكم خصوصا ان البنات ما لهن دخل وهذي فلوس اهلهن ويا عالم يمكن كانو بيشترون فيهن اغراض او ملابس او يسددون فواتير[/size]
العرض الشجري