مرهف احساس الحين.. مو مرهف احساس
إحساس مرهف..... ماهو الاولاني ..!!
من كثر ماصاحت من اعماقي ..اجراس
قسيت .. وصرت انسان.. واحساس ثاني ..!!
ومن كثر ماطاحوا .. من عيوني الناس
أخاف .. مايبقالي .. الا .... اخوانـــي ..!!
ومن كثر ماشافت .. عيوني من اجناس
مثل ( قليل الخاتمه) ... والانانـــــي ..!!
والصاحب اللي صحبته .. مالها ساس
عادي يبيع اللي شراه.. بثوانـــي ..!!
والحب... لاشفته مع الناس ينداس
كلمة ( أحبك ) مثل داني .. لادانــي ..!!
(سهله) نقول : (احبك) .. بدون مقياس
نقولها حتى .. لاشفنا... الغوآني ..!!
بحب راس الحـب .. وآقول : لآآآ بـاس
أصبر ياشايبنا العزيز .. المٌهانــي ..!!
ماعاد لك (لمــعه) مثل لمـــعة الماس
ولا عاد لك هيبه .. وحــرص.. وتفاني ..!!
الحب صاير عندنا ( بين الاقواس )
تزييف .. كذب .. وعود .. شهوة .. أماني ..!!
بنك .. المشاعر .. (صكّ ) من بعد الافلاس
وفتح بداله (راجحي) .. ( وبْرِيطاني) ..!!
وياشايبي ياللي حنى الوقت لك راس
أرقد .. مادام اهل الهوى .. ماتعانـــي ..!!
لا جاء الاكل .. شف كيف تضرب بالاخماس
وتنام .. ولا تصحى بصوت الاذانـــي ..!!
قلتـه وانا ماني مجّــرد من النـــاس
انا بشر .. واللي بلاهـــم .. بلانـــي ..!!
ولا ضاعت امانيك يا ((مرهـف احســاس))
يمكن تلاقيها .........((( بمرسى الامانــي )))..!!