محبوبتي مدينتي الشامخه
بأميريها النبيلان
بأهلها الكرام
وبتاريخها المجيد
وبحضارتها الزاهيه
عاصمة منطقة القصيم
قلب نجد النابض
في جسد المملكه العربيه السعوديه
مهما حاولت فلن استطيع ان ابدي كل قدرها في قلبي
ولدت بها وعشت بها
بخيرها العميم نعمت .....
هي موطن حبي الاول
(بريده) معشوقتي هي محاوله فارجو ان تحوز رضاك ايتها الشامخه والرافله بالعز
(بريده)
باصدق شعوري جيت بيدي قصيده..
يا تاج راسي والحلل والقلايد.
يا نبض قلبي و إرتعاشة وريده ..
يا دار عزي والفخر ل القصايد.
(سلة غذاء المملكه) هي (بريده)..
مبطي وهي تنقال والوقت عايد.
هي (عاصمة) حب (القصيم) المجيده..
هي منطلق كل الفرج ل الشدايد.
دار الرجال الاولين العتيده..
دار العقول الحاضرات السدايد.
إدروعها ( فيصل ) و( فيصل ) عضيده ..
سيفينها والنخل طول وفرايد .
عز المبادئ والشرف مع عقيده ..
في نهج دوله خيرها اليوم سايد.
من تحت ( ابومتعب ) وفي كف ايده ..
طيب البراد وحر نار الوقايد .
ان جاك للملهوف يبشر اب عيده ..
وان قام للعدوان عظلٍ وكايد.
كل القلوب البائسه به سعيده ..
يبري جروح الشعب بالعطف زايد.
واصدق شعوري هاض يكتب قصيده..
وعن حبها ما أتوب ولاني محايد.
خالد الحجي (خالدها)
العرض الشجري