[align=center]
سبحان الله .. من آخر حادث حصل لي قبل 10 سنين .. وحتى آخر حادث قبل يومين
والمرور هو .. هو ماتغير..!!! اللهم كم جهاز كمبيوتر .. واماكن بعض المكاتب..!!
رحت للمرور امس عشان اطلع ورقة اصلاح.. ولقيت الناس بقسم الحوادث اكثر من الي ببنك التسليف
حوادث من نصف رمضان.. وعركة وزحمة .. والمكتب 4 في 4 ومافيه نقطة فاضية
الي قهرني كثير يوم صار الحادث احاول اقنع الضابط اتي انقل سيارتي على طول للورشة
ماله داعي تروح لحجز المرور بالقرعا.. خاصة وانا والطرف الثاني متفاهمين وموجودة ورقة التامين
ورفض رفضا قاطعا.. يقول النظام متغير..!!
ويوم رحت للمرور ويهاوشني الضابط ومساعد المدير... ليش توديها للحجز؟؟؟
واثاري المسالة عشان ينفعون بعض ربعهم حقين السطحات..
بيشيلها للحجز بـ100 ريال.. واذا بغيت اطلعها بيرجعها للورشة ثاني مرة بـ100 ريال
واذا فيها تشليح .. ياخذون عمولة من اصحاب التشليح..!!!
والله قعدت مع هالزحمة والناس اصلح ورقة اخراجها للحجز...
ولازم اعني للحجز بطريق المطار.. عشان اسوي لها ورقة خروج
وعاد الي هناك اللهم ياكافي على التعامل..!!! مايطلع الواحد منهم من المكتب
وانت رح دور سيارتك.. وخل السطحة تنقلها...!!
زبدة هالكلام....
باي حق يصر الضابط الي باشر الحادث ينقل السيارة للحجز؟؟ رغم وجود تامين..؟
حتى لو قدر الله وصار فيه ناس بالمستشفى.. التامين يغطي.. رغم انه مافيه ناس بالمستشفى..؟؟
وباي حق يبهذلوننا ويغربلوننا لاقصى الشمال.. عشان ودهم يحدمون ربعهم ومعارفهم...؟؟
ولو كان الضابط صريح وقتها وقال عط راعي السطحة 200 ريال ونوديها لك للورشة
كان ارحم من اني اتبهذل بتطليع ورقة اخراج السيارة واعني لاقصى الشمال..!!
اكتب هالكلام على امل ان المسؤولين في المرور يتداركون المشكلة وينبهون المباشرين للحادث
بترك الحرية للشخص.. وعدم التدخل بغية خدمة اطراف اخرى..!!!!!![/align]
العرض الشجري