[align=center].
.
هص ..![/align]
[poem=font="Simplified Arabic,6,darkblue,bold,normal" bkcolor="transparent" bkimage="" border="double,4,darkblue" type=2 line=1 align=center use=ex num="0,black"]
هـُصْ / ابستنزل تلبسني مع المغرب لبوس=قربوا بحر الرجز / تفعيلته واجراسها
قلت ابعمل لي عمل / واحط لي شـَرْطة وقوس=لو تجيب ابليس يبطي / ما يفك اقواسها
والعروس اللي غدت بالشيخ زفوها عروس=دونها خشم المعوكف / وارتخوا حرَّاسها
حَمْـلها راس الشهر / وعيالها من دون روس=تزرط اللقمة زراط / ولا تنوش اضراسها
عرّضت لي تقصر خطاها / وانا بين الطروس=قلت ابقرا ما تيسَّر / واجتنب خنـّاسها
ما دريت إن المساري / عذرها حِرْش الحبوس=لو سقيته رغوة الفنجال / تشرب كاسها
البلا ما هو بلاها / البلا ضيق النفوس=وإن تردَّت من نسب خاله / ترد لساسها
علموا سود الشوارب / واللـّحى / وام الدسوس=ما حسبت حساب / شفرات الوبش وامواسها
والله ان حدَّت / لاسرّيها على الوجه العبوس=لين ترسي وانشدوا / بنت الفَرَس وافراسها
صيرمي(ن) لا تلا / تسمع مفاريد الضروس=جَرْشها مثل العتول / اللي تطق بفاسها
وصلوني عند دار اللي / لها بالقلب خوس=لا طرت لي قمت / اصك اخماسها باخماسها
عينها عين أشهب الجنحان والجيد مغموس=لا تجلـّت أعلنت / شمس الشموس افلاسها
ريقها لا خالط ارياها / على قَرْع الكؤوس=تسكر اطراف الشفايا / ما يموت احساسها
والنحر نار(ن) تضرَّم / يوم شبّوها المجوس=يا زمردها / ويا ياقوتها / والماسها
والنواهد لا زهت / وقـَّاف والباقي جلوس=كنـّها طلع الكمثرا / سمّها في راسها
لا تثنـَّى ردفها / بين المحازم والتروس=هيَّضت راع الولع / وازرى عليه قياسها
هـُص ابستنزل غلا / والبس مع المغرب لبوس=اختبص عقلي ولا اسمع / غير قـَرْع اجراسها[/poem]
[/IMG][/img][/img]
العرض العادي
