أختـــك,أخــوك ,من الرضـــــــاعة.. هل يفتشون لك/هل تفتشين لهم..!!

[أنوار المنتدى]

[align=center]





وبعد..

بنت عمتي المصون حفظها الله ..لديها أخــــــــــــوان وأخـــــــــــــوات من الرضاعة..مالله به عليم(من كثرهم ماشاء الله)
هذي نورة بنت عمتي منيرة.. أمه(اللي هي عمتي منيرة)مرضعته عمتي الكبيرة هيلة مع ولدهـ(أخت مرضعة أخته)
وماشاء الله عمتي الكبيرة هيلة:.. له عيال وبنات ماشاء الله كثارين ,وعيال بنات ,وبنات بنات ,وعيال عيال ,وبنات عيال تبـــــــــارك الرحمن ..الله يصلحهم كلهم وعيال المسلمين

وأيضاً:
عمتي منيرة :مرضعته زوجة عمي(يعني مرضعته زوجة أخوهـ:113ماشاء الله..وعمي عبدالله له حريم كثاار ماشاء الله..اللي بذمته ..واللي جايبه منه عيال ومطلقه.. واللي جايبه عيال ومتوفيه..
واللي.. .واللي...الخ ..تبارك الرحمن..يعني عمي عبد الله له(عيال وبنات ماشاء الله كثارين ,وعيال بنات ,وبنات بنات ,وعيال عيال ,وبنات عيال)

عمتي منيرة :يصيرون هذولا عيال أخوه وهذولاك يصيرون عيال أخته..وبنفس الوقت يصيرون أخوانه:017:
يعني نستنتج أن بنت عمتي :نورة..ماتغطى من هذولا
مع ذلك..وفوق ذلك...وكل ذلك..تغطى عنــــــــــهم ولا كد شافتهم ولا كد شافهم
(قســـــــــــــــم بالله أنه تشب التسبد وتقهر)

المشكله عيال عمي وعمتي كل بتله عندنا وحنا ننحجر بالغرفه..(كالعادهـ لاشيء جديد)
وبنت عمتي المصون تنحجر معنا..تقول أستحي أطلع فشيـــــــــــــــــــــــله (مهب تقهر)

المهم هذي فقط مقدمه لما سأقوله
والذي سأقوله هو مجرد سؤال عابـــــــــــــــر:
س1/هل لك أخت أو أخ من الرضاعه؟؟
-إذا كنتم أولاد ولديكم أخوات من الرضاعه هل تسلّم عليها؟ ولا تستحي منها؟ ولا هي ماتفتش لك؟؟
-إذا كنتن بنات ولديكن أخوان من الرضاعه هل تسلّمين عليه ؟ولا تستحين منه؟؟


يـــــــــــــــــاه..كم تمنيت أن لي أخت أو أخ من الرضاعه..!!
مالي ألّا واحد وولد خالتي ..بس أبي أكثر


وشيــــــــــــــــــــكرن
[/align]

[شموع تحت المطر]

ولد عمي يصير عمي من الرضاعه...

وعادي نسلم عليه ويقعد بين الحريم.. عشان الكل محارم لــه..

[ღعبدالله العطيشانღ]

الدعوى تسبيل يا أنوار !
والله إذا هم مزايين وراور طخمان وجذابين ووجيهه تفتح النفس أكيد فتش لهم وممكن أرقص لهم كمان !
أما إذا وجيههم عاهات لا وجهه ولا ..... أو كنه طايحه عليه سخانة ماء ومن المغضوب عليهم ما يخسى ألا هو أفتش له !
وممكن لو يزورنا ألبس له مداسيس ايدين ورجلين أو ممكن بعد أنلطع بغرفتي !

تحياتي

[&نجدية كووول&]

عيال عمي يصيرون أخواني من الرضاعه والله فله

عادي أنا عيال عمي ماأتغطى عنهم إلا الكبير أستحي منه

ويوم بقى على زواجه أسبوع وغصبني إلا أفتش ماأتغطى

[&نجدية كووول&]

استغفرالله ياقهررررررررررررررررررر

[شموع تحت المطر]

نجدية.. تخيلي نرقص عندهم على قول قهر...

انهبل الولــــــــــد..

انا يوم سلمت عليه وبوسته مع خده قالوا لي لا.. عاد جيت حبيت راسه من الحشيمة..

[أنوار المنتدى]

[align=center]

اقتباس:  المشاركة الأصلية كتبت بواسطة شموع تحت المطر     ولد عمي يصير عمي من الرضاعه... وعادي نسلم عليه ويقعد بين الحريم.. عشان الكل محارم لــه..

حلو كيذا..تعجبونن أنتم..!!

تشنكرات على المرور العطر[/align]

[قلب الأسد]

أختي أنوار عادي اكيد يفتشن بس فيه صغار بالسن وبعيدات
عن اخوهن او خالهن او عمهن ويكون فيه حيا شوي ولا يكون فيه
(بوسه) على كلامكم بس .

[الطاحونة]

:::::::::::::::::::::::
يعني لو المراعي اونادك كانت في ذلك الوقت لأفلست...!!
ــــــــــــــــــــــــــــــــــــــــــــــــــ ـ
مبروك لسكري القصيم البطولة الغالية
التي أكملت العقد الرابع للبطولات

[ثلوج دافئه]

ياهلا بأختي أنوار المنتدى
بصراحه أنا ماعندى والله أتمنى أن كل شباب العائله أخواني علشان أفتك منهم ومن التغطي وأخذ حريتي الله يسامحهم ماحد رضعني من قريباتي
يااااااااحضكم يابنات الله يهنيكم
تحياااااااتي

[اتعبني خطااااك]

ياااااااااااااااااااااااااااليت عندي شي من الرضاااااااااااااااع
مافيه يحسره الا عم وماااااااودي انه رضع من جدتي
عاد منب افتش له شاااااايب وش ابيبه
وفيه خال حركه بس مايحصل انشوفه ماشفته الا مره

[هامة حاسوبية]

[align=center]

أنوار

مرحبا بك عزيزتي

وضعتي يدك على الجرح

بالنسبة للإخوان من الرضاعة ليس لدي

>> بس براسي واحد ودي لو هو أخوي من الرضاعة بس مايحصل خلاص شيبنا

لي خال من الرضاعة ولكن لم أره في حياتي

بل إن والدتي لا تكشف له مطلقا رغم أنه أصغر منها سنا !!

ولي عمين وأكشف لهم ، فأنا بعمر بناتهم





تحيتي

هامة حاسوبية

[/align]

[الشفااف]

بصراحه انا من جيل النيدو يعني مالي اخوان من الرضاعه
بس لي عمان وعمات من الرضاعه ولا شفتهم الا مرة

مشكورررة خيتووو

[الحصان الأسود]

أشوى ان مالي احد يكفون الأشقاء ..

عاد الله واكبر اخوان من الرضاعة هم على قولة المثل ياكثرهم وياقل بركتهم ..

[أنوار المنتدى]

[align=center]

اقتباس:  المشاركة الأصلية كتبت بواسطة ღعبدالله العطيشانღ     الدعوى تسبيل يا أنوار ! والله إذا هم مزايين وراور طخمان وجذابين ووجيهه تفتح النفس أكيد فتش لهم وممكن أرقص لهم كمان ! أما إذا وجيههم عاهات لا وجهه ولا ..... أو كنه طايحه عليه سخانة ماء ومن المغضوب عليهم ما يخسى ألا هو أفتش له ! وممكن لو يزورنا ألبس له مداسيس ايدين ورجلين أو ممكن بعد أنلطع بغرفتي ! تحياتي

ممكن تفسرونلي هذا الشيء..؟؟؟؟؟؟؟؟؟؟
أسمك عبدالله العطيشان والهرج هرج بنت؟؟؟؟؟؟؟؟؟؟؟؟؟؟؟؟؟؟؟؟؟؟
على العموم استغفر الله العظيم برمضان
وشكرا لمرورك وتعقيبك[/align]