[align=center]السلام عليكم ورحمة الله وبركاته
مساء الخيرات والمسرات
كيفكم وشخباركم ان شاء الله انتم بالف خير وعافيه
هذي ابيات اعجبتني كثير .. وبصراحه انا ماعرف من قائلها وحاب اعرف قائل القصيده اذا احد يعرف قائل هذه الابيات يذكره ومشكور .
الابيات :
لو كل منا .. يعيش الوقت .. لعله
كان أستراح الذهن .. والجو يصفاله
ولو كل منا يشوف الموت..لا بالله
ماكان يصفا ذهن والموت .. يغتاله
شفني أقرقع بفنجالي .. على الدله .
يوم ان جرحي يخاشرني بفنجاله
يلعب بي الهاجس . ومره .. يزّوله
خيلن بمضمار .. والأفكار خياله
تكسر وتجبر وتلعب في شعيبله
أضلوع قلبي تحفه .. وعين ترفاله
والله يافيني هوى أشك .. لو كله
يقسّم على الف غيري ضاقت .. أحواله
ياصاحبي والمساء اطويه .. وفله
مدام شعري غصن .. والفرع .. يثناله
قل مافي نفسي ..وهمسي .. يا شعر قله
قل كيف الاطلال تبرق .. وأتبع اخياله
والمزنه الي تباري خطوته .. ظله
من خشية الشمس تكسر حاجب أظلاله
وشاعرك: لا قال بيته.. يستبق حله
دسمت شارب قصيدي وستوى حاله
وأنا عريب الأصل والساس والمله
أشره على الوقت .. يوم الضيم يبراله
وياغاليه: والعواذل كلها امغله
يزعجهم أن الحشا لك وانت .. مدهاله
لاعاد كسر الخواطر جبرها عله
أتشق ثوب الخفوق .. وتقطع أحباله
تدري وش الي يبيه الخل من خله
كلمة احبك .. تساوي الدهر بهواله
ولو كل منا يعيش الوقت في حله
.. هما بقى هم .. يغـتالك... وتغـتاله
ان شاء الله الابيات تعجبكم مثل ماعجبتني [/align]