حصيصه تعشق الفنان / مسحات ابن ملاس ( احلف ) !!

[د / ماسنجر]

اقتباس:  المشاركة الأصلية كتبت بواسطة أريج الحياة     الأمر ليس مقصور فقط على فتيات هذا الزمان بل هو على مر الأزمان حيث ان المرأه عندما يتردد سيرة رجل يضرب به المثل في الأخلاق والشجاع ف انها تلقائياً تهيم به إعجاباً بل يمتد الأمر الى الحب من طرف واحد حتى لو لم تراه لان الأذن تعشق ايضاً وترسم بعدها أحلامها الورديه ... في ان تكون امنيه لها زوجته ولعلمك هذا مو بس في المراهقات حتى الناضجات يداعب فكرهن من يستحق الإعجاب به ,

صدقتي والله يا وخيتي هالشيء بصراااحاا على قولتهم انا احسه منتشر كثير عند الحريم بس الشباب لا مو لهالدرجه يتخيل انه مرته ؟؟؟

اكرر هذي مشكله طيب ما سالتي نفسك يا اريج ليه سلكن هالطريق اللي بُعده وهمي ؟؟؟ يعني اكيد فيه اسباب ودوافع لهالشيء ؟؟


ورداااتي لك سلااام

[د / ماسنجر]

اقتباس:  المشاركة الأصلية كتبت بواسطة عجت!     ابد مو مراهقات ولا حاجه اغلبهم بأعمار مختلفه يعجبهم ..فنان..او أمير او لاعب ونفس السالفه مع الرجال .. و مراحل عمريه مختلفة

عجت اولا وش معنى اسمك حكيت مخي لين طلع الجني اللي به قال لي خير قلت معنى كلمة عجت قال عجت عجوج الرياحي بردها شيني ههههههه

فعلا نفس السالفة مع الرجال بعض الرجال قد يهيم بشكل المرأة فقط بس انه مهوب زي بعض البنات تحبه وتاخذ صوره و........!!

والرجل بعضهم قد يقول اولاه من اعرس على الفنانه فلانه او الممثله فلانه بس ما يكون هو حلم حقيقي مجرد كلمة واطلقها عرفتي لان انا سمعت باذني !!



ورداااتي لك بطعم قصدي بريحة التفاح سلااااااااااام

[د / ماسنجر]

اقتباس:  المشاركة الأصلية كتبت بواسطة §¤~^~¤§ شوكلاته مالحه§¤~^~¤§     وش ذا الغبار أجل اعجاب وخرابيط من اي عصر الاخ عام 1300 أقول فين الباب بس

هلا بك والله منوره يسعد لي صباحي
يعني انتي تحطمينني الحين ولالا !!!
طيب انتي داخله تردين بتقولين لهم ترا الموضوع غبار ولالا !!!
طيب علميني وش تحسين فيه وانتي تكتبين الرد !!!
كانك تعتبرين هذي خرابيط فعز الله من الحين اقول لتس لا جاك عيال ان شاء الله بسم الله عليهم من الدنيا دخليهم دور رعاية بكرى نلقى بيتك تقل شركة انتاج ونشر وطباعة ههههههههه

كان مفروض تكتبين ردك ثانيا خشي بعيني كان ما اعجبك احد معين بحياتك

لاعب فنان بلدي موظف حكومي سكرتير بقاله ادمن بمقهى انترنت سواق راعي محل حاطن جلّ بشعروه هههههههه فين الباب بنحاش


وردااتي لي سلاااام

[د / ماسنجر]

اقتباس:  المشاركة الأصلية كتبت بواسطة (الفارس)     الف شكر لك

والله ان كلمتك هذي اسعدتني لانك بخلاف بعض اللي يدخلون يذبون ويروحون ههههه
الف شكر لك وكل ورداتي لك ياجنيني
سلاااام

[د / ماسنجر]

اقتباس:  المشاركة الأصلية كتبت بواسطة رحيل     إذا كان المراهقات هن اللي يعجبن ماعليهن شرهه المشكله إذا صارن العجز اللي يعجبن تذكر وحده تقول كنا نسمع مقطع لشاعر معروف تقول مادرينا اللي إلا عجايز العائله داخلات معنا يتشرهن وراه ماسمعناهن المقطع لإنه لفلان ونعرف أن فلان غير غيره و حرمه شافت صورت واحد بشبابه وهو بعمره قالت وينه عني بزماني ياحسافه راح علي

شفتي هي ذبت كلمه يمكن بنت عنده صغيره بلحظه يعجبها هالشخص وتبدا علاقه حب معه من طرف واحد مع ان الحب كله وهم وسراب على قولة الفنان القدير < اقققعد
حبك سراب ضيعت وقتي اتبعه ( لسان حال المعجبين والمعجبات ههه )

اقتباس: وعلى فكره الإعجاب عند البنات يصل حد معين ثم ينتهي واللي تقول أن الإعجاب بالشخصيات المعروفه دقه قديمه لا ياحبيبتي أنتِ منتهيه من هالمرحله وغيرك توه يدخل فيها يعني مو مسألة قديم وجديد

هي منتهيه شفتي كيف وتقول خرابيط وغبار اللي يشوفها يقول يوووووووه هالبنت ياهي برييييئه سبحان الله ما قد صار له شيء بالحياه دايم حياته ايجابيه

اقتباس: قبل أيام أختي الصغيره تسولف علي وتقول أن وحده من صديقاته عاجبها مذيع عاد أختي على وجهه ما تعرفه وقالت له أجمل من المذيع الفلاني أو أقل جمال بصراحه ضحكت من قلبي أكتشفت أن أختي عاجبه المذيع الثاني وهو مقياس الجمال عنده

طيب انتي وش سويتي ؟؟؟ قلتي لاختك ان هذا خطا وفهمتيها ان هالشيء من الفراغ والفضاوه وانه قد يقوده لاشياء خطا بعدين !!

اقتباس: المشكله أن كل واحد يقول الملاغه عندي يعني الإعجاب مرتبط بمرحله معينه ومو موضه أخوي كتبت بأسلوب جداً ممتع

طيب لا تسكتين لا قال احد عندك ملاااقه
احرجتيني في الصباح الباكر يا وخيتي
اضفتي الى لوحتي ردا انارها


ورداااااااتي لتس سلاااام

[د / ماسنجر]

اقتباس:  المشاركة الأصلية كتبت بواسطة مياسة     شيء جميل ورائع .. من (حصحيصة ورانيا) وكل من تعشق اسماء النجوم اللامعة هذا دليل على ازدهار العواطف الجياشة والأحاسيس المرهفة في زمن (الجلافة)

كلنا عندنا عواطيف وحواسيس ومشاعير !!!
بس نوظفها بمكانها حب ابونا وامنا حب اخواننا واخواتنا
يعني انا لو دخلت البيت ولقيت اختي حاطتن صورتي بدولابه وتقول مستانسه انك معي بالحياة يا وخيي ولا ضاق صدرك او شيء علمن وقل لي او هي تلقان مبروزن هديه منه لي وحاطه على مكتبي بالغرفه او على ماصتي ( ماصه غبار ) هي لا دخلت بتستانس همن اقول له علمين تسان تبين شيء ولاااش ترا انا معجب بحياتك وانا ماودي ان الشر يجيك وانا وانتي نفس وحده وقلب واحد ( نكمل الروايه بعدين )
شفتي كيف لو وظفنا هالحب والمشاعر اللي تقولين مزدهره كان ما راحت وصارت اعجاب وحب زايف

اقتباس: السيئ هو تفــعيل هذه العواطف لمن لا فائدة به ولا يمكن الوصول إلية (سراب في سراب) وهذا طبعاً بسبب الفراغ العاطفي الذي كان يعيش متكدساً في وقت الكل مشغول عنا !

يا وخيتي جعل لا متي بعد عمر طويل تدخلين الفردوس الاعلى وكلنا معك
فراغ عاطفي يا عيني عليك طيب لو زي ما قلت قبل اخواننا واخواتنا حولنا نبي نروح ندور على الثانين اذن هذي مشكله !!
مشغول عنا !! ان تسانتس مبتليه بهالشيء فصدقيني انه مهوب سراب وبس الا حلم بنومة قايله ويروح يعني مابه اي اي فايده مرجوه منه

اقتباس: عموماً لا تقلق أخي مسنجر .. هو حب بالراس وما أنطحن .. كلها فترة وتتعدا المرحلة وتكون ذكريات حلوه .. تعيش الفتاة على صداها .. وما اجمل الذكريات المضحكة الله يرحم حبك يا راشد الماجد

لا من قال انها ذكريات حلوه ان اضيع وقتي بمتابعة هالاشخاص او اتابعه مو لفايده كالمشايخ مثلا بس عشان اشوفهم زين كان ما لقيتي بعض البنات تشغل برنامج ديني على شان شيخ معين ومقصره التلفزيون وقاعدتن تناظره ههههههه
الله يرحم حبك يا هايدي


وردااااتي لتس سلاااام

[د / ماسنجر]

اقتباس:  المشاركة الأصلية كتبت بواسطة عجوز سمنسي     الدقة الجديدة يادكتور هي الاعجاب بالهنود انت ماشفتهن الحين يحطن صور هنود مزايين يهبلون ؟ القهر اذا انقلب الاعجاب الى عشق وهلوسة وابو مسحات القهر يفاخي ولادري عنهن لاتشره كثير ترى العقول البناتية اليوم لك عليه شوي

ايه ايه صااااز انت !!!!!
شفهن الحين طايحات بعضهن بالافلام الهنديه نعنبوا ابليسهن
هو المشكله ان الاعجاب نتكلم انه لا قلب جعله ما يقلب احد بموتره
هلوسه وتهذري به وكلش
بعدين يا جنيني لا تعمم ترا به من بناتنا السنعه اللي تحطه على الجرح وتبرى والله اسالن انا ( امزح تقعد تقول اخطب لي )
ورداااتي لك سلااام

[د / ماسنجر]

تلميذة

كان على التمني فتكفين اسكتي لا اطلع اللي بقلبي هنا تسان يهجون الناس !!
السعوديين بهم جمال بعضهم مهوب طبيعي واتحداك تقولين لا زين


اشكرك انتي واريج على اخلاقكم بردودكم

عجوز سمنسي
تسلم ع تشرفيك وتتويجك الموضوع بردودك ولو انك ودك تهاوش بس نبي نمشيها هالمره



للجميع اتمنى اللي بيرد على الموضوع يرد على المضمون بدون ما يفتح سواليف ماله امن ولا ابو !!!!




تشكراتي رئيس لجنة المعجبين والمعجبات
د / ماسنجر

[البرحيه]

قووووه

ماشاء الله خذيت ختم الأيزو من ثاني موضوع
اجل بتربع بمكان الحلوه بعد كم يوم..



عاد موضوعك مميز اكمن اوله خاطرة وسطه روايه واخره خطبة جمعه


انك روائي مبدع ..... بس حصيصه الأيقاع حقه ما يتماشى مع حداثة سن القارئ .. حصيصه صارت ام وجده ..واسمها يقولك تراي دايم بنت
هاديه ومثاليه ومحترمه وانا اللي اشبر وجهي قبل ما سوي العيبه
يجي صاحب اللون الكلروفيلي... ويحطني سبهه .. هاااه ولا وش رايك !!



مسحات.. خقت عليه حصيصه... << ما تحس انها صعبه ابو شنب...
تذوق عزيزي مسنجر هآآ المقطوعه >>> ....مسحات حبته رثعه ... << ذقت .... البيئه في ها المقطوعه مزهره ...


عاد ما استفت من الحكايه الجميله
ان كل وحده. تلايط و تنعجب بزوجها
واللي ماعنده زوج او ما حصلت تصبر
وتجمع مشاعره الين ما يصير عندها ..عينه مثل مسحات ..يوميها تفسفس بالمشاعر على كيفها...
واللي ابطى عليها ماجاء تجمع مشاعرها بقوطي
واول ما يوفدزها الله تكرعهن فوجهه .. وتصارحه انها تجمع من زمان
عشان كذا اندلقت عليه ..

واللي تقول فقلبها وان جاني و طلع لاقفى ولا دزدام ..؟؟
نقولها يا عيني عينك فالجنة يا بعدي هناك الرجال ..الواحد عن ثلاثين..

سارعي اختاه
عندتس فرصه تدعين الله انك تموتين الحين.....



ألتفاته... في جميع الجهات
إن كان هذا الخيال يشعرك بالسعاده .. فستمر حتى تجد خيال اخر
يسعدك اكثر منه...( البرحيه )




مسحات = مسحات طبيه ولا مسحات المزرعه.
شكرا لك......

[إشراق]

زمن الأعجاب زمن

بس لاكبرت الوحده تجلس تضحك على ماضيها

ألف شكر لك أخي د\ ماسنجر طرح رائع وأسلوب أروع

[عجوز سمنسي]

[align=center]عجوز سمنسي
تسلم ع تشرفيك وتتويجك الموضوع بردودك ولو انك ودك تهاوش بس نبي نمشيها هالمره



للجميع اتمنى اللي بيرد على الموضوع يرد على المضمون بدون ما يفتح سواليف ماله امن ولا ابو !!!!


د / ماسنجر[/QUOTE]


علشان كذا هجيت ما ابي نحوس موضوعك وتجي تقول لي انت السبب

طلعت وبقلبي كلام كثير ابحوس فيه تلميذة راعية الفلفل ودهدرة الراس

لكن من شان عيونك ياقلبي طلعت علشان ماتثار اعصابي ولايخرج الموضوع عن الجادة

ياحبي لك يادكتور مشها المرة والعتب من المحبة[/color][/size][/align]

[ابوخالد382]

اقتباس:  المشاركة الأصلية كتبت بواسطة الذاهـبـة     كنت وقتها في خامس ابتدائي .. أيام كأس العالم .. و مازلت أتذكره .. روبيرتو باجيو .. نسأل الله السلامة و العافية .. !

خامس إبتدائي ,,,وروبيرتو باجيو .....ماش عيت تركب

[د / ماسنجر]

اقتباس:  المشاركة الأصلية كتبت بواسطة الدره **     د/ ماسنجر أسلوب أكثر من رااائع وموضوع هادف ،، فعلاً الإعجاب وصل الى المنشدين والمشائخ نسأل الله العافية والسلامة ،، شكراً على التسلية في تعبيركـ ننتظر المزيد ،،

تبقى عقولهم صغيره يالدرره وانا ابد ما سويت شيء والله فكيت مقلمتي وانبطحت فوق طاولتي وقعدت اشخمط وطلعت تسذا


وردااااااااااتي لتس سلااام

[د / ماسنجر]

اقتباس:  المشاركة الأصلية كتبت بواسطة نجديه كوول     تلميذه وأنتي الصادقه الهنود جمالهم حلو ..مثل:سعيد خاان .وشاروخان.سلمان خاان و

اي واحد تحبين منهم؟؟

[شقرديه]

هه

حصيصة معجبة بملاس ذاك زماان يوم ما للبنات غير اعجاب بلاعب والا مغني والى طالت خطاها حطت صورتة بدفتر والا بغرفتها

عموما فترة المراهقة طبيعي تمر البنت بمثل هالمرحلة تشبع رغبة ولخبطة هرمونات همين تصير سوالف عقب عصر وضحك،،

وانا اعتبره طبيعي ومقبول دامة ما تعدى مجرد اعجاب

لكن الاعجاب بين بنت وبنت هذا المووت او بين شاب وشاب


مراهقات هالوقت انشغلن بالماركة والسوق والتسوق وكيف الوحدة تصير احلا وحدة وشلون تشري لبس اغلى من صديقاتها

الذاهبة كل بنات وقتنا يعجبون بشخصية من افلام كرتون ما عندنا غيرهم مزيون وشقردي

اما الهنود من اول كنت اعتبرهم مقياس الجمال والى جيت اوصف وحدة بالزين اقول كنها هندية من زينها

الين جتني هندية في عقر داري كرهتهم كلهم كلهم

غير صفي الرحمن الله يرحمة ويغفر له

صارت كلمة هندي تمثل كابوس مرعب لي تمثل كل شيء اكرهه

الله يقلعهم كلهم هم وحبحرهم

عموما الصغيرات الى سن الثلاثين خلها تعجب

بلا هالزمان اربعينيات واعجاب بحريم مثلهن لحد العشق والهيام وكلمات الغزل او اعجاب برجل آخر

ومجال النت فتح مجااااال كبير جدا لنمو ظاهرة الاعجاب عند الشيبان والعجز

واصبح لكل ساقطة لاقط ولكل ساقط لاقطة

وكل اللي عاشوا فترة المراهقة مالهم عشيق لقوا عشيقهم في النت

على قولة بريداوي اي عشق وبطيخ لشيء ما شافت ؟؟ تعشق شبح ؟؟

طولت عليكم وبديت اهذري شكلي بروح اتقهوى مع امي