[grade="FFA500 FF6347 008000 4B0082"]اهلا ياجماعه
فى موضوع لذيذ جدا وعجبنى لما قريته وحبيت اقولهولكم عشان تضحكو شويه .
كان فى مجموعه من الشباب فى النادى (يعنى فوق 25 سنه كده).
المهم كان فى موبايل على الطرابيزه وقعد
يرن يرن يرن
وبعدين صاحبه رد وكان هناك الحوار الاتى:
الشاب:الو؟
الزوجه: اهلا حبيبى انت فى النادى؟
الشاب:ها؟ اه.
الزوجه:اصلى كنت بلف وبشترى شويه حاجات قولت اتصل اخد رأيك فيها..
الشاب: قولى ياحبيبتى.
الزوجه:اصلى شوفت بالطو جلد هموت عليه وهيعجبك قوى بألف جنيه بس. اشتريه؟
الشاب:لو عاجبك قوى كده اشتريه.
الزوجه: اه كنت بمر على وكاله مرسيدس وشوفت موديللات 2006 وعجبتنى واحده جدا
الشاب:بكام؟
الزوجه:600000 ألف بس.
الشاب :ماشى ياماما ممكن.
الزوجه:اه حبيبى فاكر الفيللا اللى كنا هنموت عليها السنه اللى فاتت؟ معروضه تانى للبيع السنه دى بمليونين و400ألف جنيه تصور؟
الشاب:خلاص ماشى اشتريها بس بشرط تكون بمليونين و200ألف غير كده لأ.
الزوجه:خلاص حبيبى هبقى اكلمك تانى..... بحبك
الشاب:ماشى......انا بحبك اكتر
طبعا قفل معاها لقى كل اللى حواليه بيبصولو وهم مذهولين ومستغربين .
قام وسأل اللى حواليه.
ياجماعه حد يعرف مين صاحب الموبايل ده؟؟؟؟؟؟؟؟
اتمنى تكون عجبتكم ..... مستنيه ردودكم [/grade]
[/align]
العرض العادي
