ما ادري فاهم الغيره غلط والا الشك عامل عمايله ؟

[مهندس الكلمات]

يوم الاربعاء الماضي طلعت من البيت وكنت متوجه لدوام وكان الوقت بحدود الساعة 12 الظهر
طبعاً ركبت السيارة و اخذت انتظر على بال ماتحتمي السيارة المهم بعد لحظات جاء جارنا العزيز واخذ يقدم سيارته ويرجعه الين صارت سيارته تبعد عن باب بيتهم ربع متر اذا لم تخني الذاكره !!!
الغريب بالا مر اخذ حدود ثلاث دقائق وهو جالس بالسيارة لا والمشكله جالس يطالع فيني وانا جالس افتح بدروج السيارة واسكرهم ( يعني ودي اوصله رساله اني مشغول وماني لمك ياجارنا العزيز )

المهم جلس ينتظرن عشان احرك سيارتي واظف وجهي لكن مافيه فايده
لكن بعد لحظات انفتح الباب اللي جنب السواق ...
انا فهمته وهي طايره
جارنا العزيز جايب اخته من المدرسه ومايبين اشوفه !!!
( على غفله سندرلا والله العظيم لو يقول تزوج أختي بلاش وتكلفة الزواج علي ماتزوجته )

المهم حركت السيارة وانا اقول بيني وبين نفسي فاهم الغيره غلط والا الشك عامل عمايله ؟

طبعاً عزائي الوحيد هو
ان مثل هالعينات موجوده بكل مكان يعني مثل ماصرت اليوم بمحل شك غيري صار له مثلي ويمكن اكثر ....... يعني الحمدلله على سلامتي !!!

[نجداوي]

مفهوم التحفظ امر لم يتلاشى بزوايا المجتمع

مثلا اسماء الامهات او الاخوات وغيرها

تعتبر من الخصوصيات المحرمه عند البعض

مابالك الشكل او كشف وضع معين مثل ماحصل معك اليوم


*بنظره جريمه

رغم ان الوضع بالاساس طبيبعي جدآ ولايحتمل الخيارات


واغلب هالتصرفات تجدها بالمستشفيات من اساليب غريبه عجيبه وتتفرع الى الهمجيه السطحيه المناطه بالوسواس القهري المتراكم من الجاهليه الاولى للبشريه


كان الله بعون الجميع

شكرآ لك اخ مهندس

[مهندس الكلمات]

اقتباس:  المشاركة الأصلية كتبت بواسطة نجد1وي     مفهوم التحفظ امر لم يتلاشى بزوايا المجتمع مثلا اسماء الامهات او الاخوات وغيرها تعتبر من الخصوصيات المحرمه عند البعض مابالك الشكل او كشف وضع معين مثل ماحصل معك اليوم *بنظره جريمه رغم ان الوضع بالاساس طبيبعي جدآ ولايحتمل الخيارات واغلب هالتصرفات تجدها بالمستشفيات من اساليب غريبه عجيبه وتتفرع الى الهمجيه السطحيه المناطه بالوسواس القهري المتراكم من الجاهليه الاولى للبشريه كان الله بعون الجميع شكرآ لك اخ مهندس

كفيت ووفيت اخوي نجداوي
كلامك كله درر

[التنين الصيني]

موضوع جميل .....

نحن امة وسطا .....

فلا تجب المحافظة الزائدة عن الحد فينقلب الوضع الى مرض نفسي وهو الوسواس ..

وبالمقابل الثقة الزائدة عن الحد واللتي في غير محلها , فينقلب الوضع الى اهمال ..

فالحرص مع الثقة والحوار = المناعة ...

شكرا لك ...

[بطلة العالم]

غيره زائده
وبمصطلحي (شيطان حب)

[أبو الريش]

هذا مثل جارنا

لاجاء ينزل مقاضي البيت يتلفت يمين ويسار ويخلي الشغاله تنزلهن لو تشوف شكله وهي مسرعه وتنزلهن تموت من الضحك معلمينه على الجحاده ويكرهـ شيئ اسمه جيرهـ دينه ولادين احد يسكن بجنبه

تبي الصراحه هذا مرض حتى تلقاه يطفي اللمبه اللي عند بيته علشان مايدري احد انه ساكن من قوة الجحادهـ يعني مثل النعامه لادخلت راسه بالارض

[Miss Tala]

الحمدلله على سلامتك اشوى مانزل وقال وراه ماتخلص

[Queen of buraydh]

الله يعافيهم ولا يبلانا يارب

[روفه]

اقتباس:  المشاركة الأصلية كتبت بواسطة مهندس الكلمات     ( على غفله سندرلا والله العظيم لو يقول تزوج أختي بلاش وتكلفة الزواج علي ماتزوجته ) color][/size]

حاط حرة أخوها عالبنيه المسيكينه

غيره

الله يخليلنا رجالنا وغيرتهم المعتدله

[عازفة ألحان الليل]

( على غفله سندرلا والله العظيم لو يقول تزوج أختي بلاش وتكلفة الزواج علي ماتزوجته )
ههههههههههه

وانت صادق

يمكنه ملكة جمال القصيم على غفلة وخايف عليه هههههه

هذي قل ثقة اما بالبنت او بالناس اجمع

لذالك يخالجة الخوف والظنون كل ماشاف اخته برا البيت
.
.
.

[باسم الثغر]

يمكن فيه عمال حولك ماانتبهت لهم
فالرجال ضيقوا صدره

وإلا الجار ماتقدر تغبي عنه شي
يبي يشوف حريم جاره بالداخلة والطالعة
صعبة كل مرة يرص السيارة عند الباب

اقتباس: هذا مثل جارنا لاجاء ينزل مقاضي البيت يتلفت يمين ويسار ويخلي الشغاله تنزلهن لو تشوف شكله وهي مسرعه وتنزلهن تموت من الضحك معلمينه على الجحاده ويكرهـ شيئ اسمه جيرهـ دينه ولادين احد يسكن بجنبه

أبو الريش

هذا يخاف من العين
أو إنكم تشرهون عليه بالعزيمة

[سراج اللوذه]

[align=center][tabletext="width:90%;"][cell="filter:;"][align=right]يمكن تكون عرجا أو به شي من الشلل ..
أو أنه المسكين غريزته مفرطة وخيالة يصور له جسد المره
في كل حزه ..لدرجة أنه لا يمكن يفكر بالأنثى من غير شهوه
ويحسب كل الناس مثله !!!


لا وناهيك عن بعض الناس .. يصير الشنب ما لياً وجهه ..
وإذا صادفته عند بقاله أو محل .. ومعه الهانم ..
ياقف دونك ودونه .. ويتنافض ويحاكيك وهو مركزاً
على عيونك يخاف تلتفت عليه أو تلمح له زول !!
الله يخلف ...
آخر واحد .. سوى معي هالحركة ..
التقيت فيه .. فيما بعد .. ومعي أم العيال ..
أمير أصوت له .. وتجي .. قلت هذا فلان
ولد الفلان اللي أمه فلانه .. وقلت له
هذي أم فهد ...
طمبس وسكت .. قالت أم فهد .. مسيك بالخير .. قال وهو يتنافض هلأأأأ الله يحييك



يااااااحييييييييف الرجال بس [/align][/cell][/tabletext][/align]

[eivl girl]

اخته بكيفه مايبيك تشوفها

[محارهـ]

[align=center][tabletext="width:70%;"][cell="filter:;"][align=right]

* مرحباً مهندس الكلمات ...

تصرف عادي
... هنالكـ آباء أسر يتمنون أن يفرغ لهم النخيل أو العثيم
ساعة من نهار من أجلهم .. !

تذكرت جار والدتي .. يعلم من منا تخلفت عن الأجتماع الأسبوعي لدى والدتي .. ![/align][/cell][/tabletext][/align]

[التنين الصيني]

اقتباس:  المشاركة الأصلية كتبت بواسطة سراج اللوذه     [align=center][tabletext="width:90%;"][cell="filter:;"][align=right]يمكن تكون عرجا أو به شي من الشلل .. أو أنه المسكين غريزته مفرطة وخيالة يصور له جسد المره في كل حزه ..لدرجة أنه لا يمكن يفكر بالأنثى من غير شهوه ويحسب كل الناس مثله !!! لا وناهيك عن بعض الناس .. يصير الشنب ما لياً وجهه .. وإذا صادفته عند بقاله أو محل .. ومعه الهانم .. ياقف دونك ودونه .. ويتنافض ويحاكيك وهو مركزاً على عيونك يخاف تلتفت عليه أو تلمح له زول !! الله يخلف ... آخر واحد .. سوى معي هالحركة .. التقيت فيه .. فيما بعد .. ومعي أم العيال .. أمير أصوت له .. وتجي .. قلت هذا فلان ولد الفلان اللي أمه فلانه .. وقلت له هذي أم فهد ... طمبس وسكت .. قالت أم فهد .. مسيك بالخير .. قال وهو يتنافض هلأأأأ الله يحييك يااااااحييييييييف الرجال بس [/align][/cell][/tabletext][/align]

اعتقد ان ما فعلته صحيح ... ولكن

السباحة عكس التيار متعبة جدا ....

تقبل تحياتي