طايحه بمشكله او ابغى احد يرد على تكفون ..لاتبخلون على

[راصد جماعته]

اختي شمووخ من خلال فحصي لطرحك استنتجت انك لستي صاحبة المشكله أو على الاقل لم تكوني دقيقه بنقل كامل الصوره ** وانتي من خلال طرحك واضح انك لاتبحثين عن (حل) لمشكلتك المزعومه انتي اتخذتي ( القرار)وتسألين عن الاليه التي من خلالها (تنفذينه)*** وليس عندي صوره كامله عن مشكلتك ولم اسمع من الطرف الاخر ولكن اوصيك بما اوصاك به طائر الاشجان (ليس كل كلامه فقط قوله لك احرصي بكل وسيله ان لاتحملي باي طفل حتى تتطمني على مستقبل زواجك واهلية رجلك لتحمل مسؤلية زوجه واولاد والله اسأل ان يوفقك سبيل الرشاد)************* وانا اتداخل هنا ليس لأنني مقتنع ان لديك مشكله فعلا وتعانين منها ولكن لان ماطرحتيه يشكل بأطاره هما اجتماعيا يعاني منه اغلب المجتمع فكان فرصه لي ان اقول رأيي بهذا الموضوع بأعتباره مشكله عامه ****
اخوتي من من ابتلاهم الله بالقيامه على النساء كا أولياء امور اتقوا الله بأنفسكم وعوا واجباتكم وغيروا نظرتكم التقليديه (لفحص) الخاطب واعلموا ان الشرور درجات وان حجم الشر يقاس بعواقبه وليس بالشر نفسه ولذلك انسوا اسئلتكم الساذجه والتقليديه فوالله ليس هذا الزمان زمانها وأنا أعلم ان الله سوف يحاسبني على كل كلمه كتبتها *
هل هو يصلي مع الجماعه بالمسجد كل الاوقات ؟
هل هو مايدخن ؟
هل هو راعي سفر للخارج ؟
هو له وظيفه زينه؟
من هم اهله مناسبين ؟
اهله هم متمدنين وكشخه ولا خبوب وعلى قدهم ؟
هو ساكن مع امه أو يبي يحطها ببيت لحالها؟
له خوات كبار ؟يمكن يخلنها شغاله عندهن*
اكيد مستقر ببريده ولا يبي يبعد بها ؟كان ماهو ببريده اوالرياض مانبيه*
اخوتي من اولياء الامور والله ان كل ولي امر وضع مثل هذه الاسئله براسه واشترط اجاباتها انه عن جهل فرط بالامانه التي اؤتمن عليها وانه اشد من من عضلها*
اخوتي انضروا الى مجتمعكم بعين الفاحص العاقل لم يعد مجتمعكم كما عهدتموه مجتمعا بسيطا مكشوفا لافراده ان مجتمعكم اصبح دهاليز مظلمه وملي بالحفر التي لا يسبر الا الله كم هو عمقها*
الاسئله المفروض ان تسأل في هذا الزمان هي :
ماهي حالته النفسيه *
هل يتعاطى ادويه نفسيه؟
هل خطبته بنتنا هي مشروع زواجه الاول ؟
من اهل مطلقته السابقه؟
ما وضع بيتهم اجتماعيا كم هن خواته المطلقات ؟وماأسباب الطلاق ؟
كم هم اخوته المطلقين زوجاتهم ؟وماهي الاسباب ؟
هل اهله بخلاء؟ وهل هو متأثر بهم ؟
ماهي شخصيته ؟ (يجب ان تطول فترة الخطوبه ستة اشهر على الاقل بشرط ان تتم مقابلته والاحتكاك به من قبل اقرباء البنت المخطوبه ويشترط ان لا تقتصر مقابلته مع واحد فقط من اقرباء المخطوبه بل كل مره مع واحد مره مع كبير بالسن ومره مع شاب ومره طلعة( بر ) وباستراحه مره اخرى*
*** مهم جدا ان نعتبره طوال فترة الخطبه (قبل الموافقه النهائيه)صديق مقرب ولكنه تحت الفحص فندعوه بكل مناسبه لنا ونكلفه ببعض المهام البسيطه العاديه التي عادة يكلف الاصدقاء بعضهم بعضا بها *
اعزائي ان الصلاة بالمسجد سوف يقوم بها ويحرص عليها بمجرد الزواج وقدوم اول طفل* ومجتمعنا ببريده على وجه الخصوص مجتمع مساجد ولن يطول شذوذه وسوف يصلي بالمسجد *
الدخان بلوى ولكن ضرره عليه ولا يقارن بالامراض النفسيه ونتائجها
السفر فترة شباب وسوف يركعه ما ركع غيره بعد الزواج من الغلاء ومسؤلية الزوجه والبيت واول طفل *وحصوله على متنفس جنسي له بالحلال *
اما بقية الاسئله فهي اتفه من ان افندها *
بقي ان اقول لكل من قراء سطوري هذه فقط اذهب للمستشفيات النفسيه بالمنطقه وسوف تصعق بالنزلا ونوعيتهم وسوف يشلك سجل المتعاطين الذين يترددون عليها ليصرفوا لانفسهم الادويه النفسيه التي قررها لهم الاطباء *
ولست بحاجه ان اقول لكي اختي المخطوبه عن عواقب الامراض النفسيه فقط تصوري انك زوجه لرجل مريض نفسيا وتصوريي الف والف طريقه ومناسبه للخلافات والضياع وكشف اسرار بيتك لاهله ولاهلك ومئات التصرفات غير المتزنه منه والشك والريبه والقلق الذي سوف تعيشينه معه وهو المسكين سوف يعيشه معك *
وان قال قائل ان الامراض النفسيه هي امراض العصر وضغوطاته وان مدن العالم مليئه بالعيادات النفسيه وانك هنا متحامل على مرضى النفس فانني اقول له على رسلك يأخي فلقد علمت انت شيئا وغابت عنك اشياء واعلم عافاك الله ان الامراض النفسيه (المتعارف عليها) وفق التصنيف الانجليزي العتيد هي سته وثلاثون نوعا رئيسيا وتتفرع من بعضها نحو من احدى عشر نوع 0 بيد ان المشهور والمنتشر منها با لدول الغربيه وعموم الدول الصناعيه هو ما هو متعلق بضغوط العمل وصعوبة عموم متطلبات المعيشه العصريه وهذا ما انت تعنيه بكلامك وهذا النوع من الامراض يزول بزوال مسببه ومن يصاب به يكون عارف مشكلته ومجتهد للبحث لها عن حلول ولا يعتمل برأسه شي من الانقلابات الفكريه الخطيره او الوساوس العاصفه *
اما ما اتحدث عنه ببريده وعموم نجد هو اخطر انواع الامراض النفسيه التي ممكن ان تصيب انسان وهي نتاج الصدمه الحضاريه واختلال بعض المسلمات نتيجة انفتاح منطقة نجد المفاجيء على العالم بدون تدرج والستلايت والانترنت واختلال المجتمع ومفاهيمه والبطاله التي ازاحت وصاية الاخ عن اخته واسقطت احترام كل النساء له والفرق الرهيب بين مستوى ثقافة المرأه عن الشباب بمجتمعنا وتفاهة وسفاهة البرنامج اليومي لغالبية شبابنا مابين الكوره ولعب الورق والاستراحه بينما البنت نهلت من المعرفه واستفادت من الانترنت (كلامي عمومي ولا عبره لبعض الحالات الخاصه)كل هذه العوامل وغيرها جعلت الارض تميد تحت ارجل الشاب النجدي فا الفتاوى تغيرت وكلام (المطاوعه انقلب ) وعن طريق الاقمار الصناعيه شاف العالم وين هو رايح وسمع فتاوي غير الموجود بالطحويه والسنن البهيه وبعض الكتب الصفراء التي كان يلوكها وكأنها منزلة من الله ففقد توازنه ولم يعد لديه مايزن نفسه عليه *** الموضوع يطول شرحه ولا ارغب ان تملوا ومن اراد مني مناقشه اعمق فهذا اميلي MAK1403@HOTMAIL.COM هذا واتمنى للجميع الهناء والسعاده والحبور*

[باونتي]

ياقلبي اصبري شوفي حلول غير الطلاق
حاولي يمكن يتغير
لاتستعجلين وعليك بالدعاااااء

[engel]

اسمعي يالطيبه إذا تريدين رأيي .. واستعيني بالله .. وطبقيه وراح تلقين سعدك ..

أولا هالتصرفاااااااااااات التي ترينها من أي شاب خارجه عن إرادتهم .. وحلها سهل ليس بالكلام لكن بشيء واحد لو طبقتيه راح ترين أثره ..

أولا سبب ذلك التصرف يكون هناك سوء امتصاص في الأمعاء فتمتص الشرايين الأحماض الموجوده في الأمعاء بدل الغذاء فتوصلها الشرايين للدماغ فتضطرب طريقة التفكير ..

أو سببه عادات جنسيه خاطئه فلايخرج المني كله من القضيب فيبقى داخل القضيب ويتحول لماده كبريتيه وتمتصها الشعيرات الدمويه توصلها للدماغ فتضطرب طريقة التفكير والتعامل أو الحالة المزاجية ..

الحل : تذهبين لبيتك وترجعين له وتحرصين على تغذيته بالخضار مثل شوربة الخضار اللي بطاطس وجزر وكوسه مطحونه ..

وتكثرين له من الفراوله أقصد عصير الفراوله .. وبعد فتره يتغير

أو تختصرين وتروحين لمحل اسمه مركز الفيتامينات التكميليه جي إن سي فيه فيتامين اسمه الترا ميجا مان .. أو ألترا مان ويستخدمها ..

أو فيه أيضا منتجان في الطب البديل عباره عن أغذيه تكميليه منها سبيرولينا .. والبايوقرين .. اكتبي في قوقل بحث وتجدين فوائدهن ..


صدقين .. الرجال من مطبه لدحديره .. يعني غصب عليهم وخصوصا هالزمن الأغذيه لها دور وطريقة التغذيه لها دور ..


هذا طريقة للعلاج ..

الطريقة الثانية ادعي الله أن الله يسخره لك ويذلل لك صعوبه وييسر لك مخزونه وأن الله يسخر لك أهله وادعي لهم بالهداية ... ياأختي الدنيا تبي صبر وهذا تكفير للذنوب ورفعة لك في الدرجات .. والله يبتلي عبده ليرفع درجته .. ليس بهذه السهوله يأتيك رجل على طبق من ذهب ..

ومن ثم إذا هو ما يريد يطلق بيحبك لو أنه ما يحبك لكن فيه نوع مكابره .. وأمه وأهله ماراح يدوموا يا راح يهديهم ربي أو بيجيهم ماجاء غيرهم .. من صروف الدنيا وينشغلوا عنك ..

وكثري الاستغفار يا أنا جربته وشفت نتائج عجيبه يعطيك الله فوق ما تتصورين ..

احذري احذري الطلاق يا شيخه إذا جتنا مشكله لابد من مواجهتها لا الهروب عنها ..
وأنتي تعلقي باسباب السماء لا أخوك ولا امك ولا القبيله .. تراك عند باب كريم إذا أعطى أجزل في الدعاء

لكن تفقدي نفسك من هنا ولا من هنا ترانا الله يهدينا يالحريم نعصي الله كثيره بربرتنا وغيبتنا ونتساهل بالتستر حتى عند السودانيات اللي يشلون لنا ونتعرى عندهن ولا نبالي ولا في الزواجات .. وندور التوفيق واحنا مشركين الشياطين معنا .. في مناسباتنا .. فانتي استغفري وتجزلي في الاستغفار واخلصي النية ، وأحسني الظن واحزمي أمرك وامتعتك .. واسعدي نفسك وزوجك ترى الزوج سكن والحياة بدون زوج حتى ولو عليه بعض المماسك .. ما تسوى وتكوني كأنك على بحر ..

وفقك الله أخيه .. ولعلك تبشرينا أخبار حلوه

[شخصية]

راصد جماعته _ الله لايضرك بشر _ والله كلامك موب كلام واحد عمره 26أو 27 _ تحليل منطقي وقراءة للواقع

لكن لو أخذنا به معيارا للقبول لما وجد اي شاب بين 25_35 زوجة يعرس عليها
لأن أغلب هذا الجيل مصاب بتلك الصدمة الحضارية التي ذكرت _ أصلا من منا الصاحي والمتعافي مائة بالمائة _ المهم أن يحاول كل شاب التكيف مع المتغيرات وأن لاينهزم وينطوي على نفسه بسبب مايشعر به

اقنرح ان يضاف للمنتدى قسم بالصحة النفسية نتشارك فيه جميعا بالنقاشات والحوارات والارشادات المفيدة
_________________

أنجل ( الله يقطع سوالفك )

[شموووخي]

اقتباس:  المشاركة الأصلية كتبت بواسطة دوار الهديه     وبعدها قام يتاسف ويترجانى شوى ويبكي هو يكسر خاطري>>> احمدي ربك من يحصله الشي هذا بعدين حسب كلامك امه السبب شوفي لها حل وش دخله هو بالنسبه للبخل والضعف الشخصيه والمعامل السيئه تقدررين تغيرينه (الحب يسوي معجزات)

احمد ربي على ايش على انسان مريض نفسي كل شوى له رااي
انت مو حاس بالى قاعد اعانيه والله لو انك مكانى ماتصبر دقيقه وحده
بالنسبه لامه اي حل اشوفه فيه سويت معها المستحيل وماين بعينها
دخله هو لانه ولدها وماله شخصيه شفت الشخص لما يكون مسحور ومسلوب الاراده هو نفسه
تخيل مى الشرب مايجيبه يقول اشربي من الحنفيه ومن حلات مى الحنفيه وسخ يقول عادى امى تقول عادى
انت قاعد تسولف سوالف لو احرمك من المى والشرب وعلى مزاجى اجيبه
لو كان اكللك باليوم ربع وجبه خبز وجبن تقعد لثاني يوم يوم بدون اكل وهو يلف من مطعم لمطعم لما اقوله لي ماجبتلى معك يقول البيت مليان اقوله مافى غير خبز وجبن يقول نعمه احمدى ربك اقول انت شبعان مو قاصر عليك شى
يسكت مره بسياره طلبت عصير عطشانه قام يلف ويدور ويسب العصيرات وسوالى محاضره وطابت النفس
وثانى يوم ويروح ويجيب عصير قلت امس تسبه قال عادى قلت اليوم اجربه

اوزنه بالعقل فيه رجال يسوى مع زوجته كذاوخاصا بشهر العسل وكل هذا طلع وشلون لو عندى عيال منه كيف بيكون حالى والله ماتدري وش صار معى
دايم الناس يحطون المراه هى غلطانه
كل شى بالدنيا يتغير الا البخل يكون طبع بالدم والشخصيه الى تربت على الضعف والسيطره مستحيل تتغير لو سوييت المستحيل معه ماينفع
ومن غير السوالف الى تشيب الراس
شخص لايـــــــــــــطــــــــــــــــــاق بكل ماتعنيه الكلمه ولا به ذره رجوله

[شموووخي]

[quote=راصد جماعته;1998634]اختي شمووخ من خلال فحصي لطرحك استنتجت انك لستي صاحبة المشكله أو على الاقل لم تكوني دقيقه بنقل كامل الصوره ** وانتي من خلال طرحك واضح انك لاتبحثين عن (حل) لمشكلتك المزعومه انتي اتخذتي ( القرار)وتسألين عن الاليه التي من خلالها (تنفذينه)*** وليس عندي صوره كامله عن مشكلتك ولم اسمع من الطرف الاخر ولكن اوصيك بما اوصاك به طائر الاشجان (ليس كل كلامه فقط قوله لك احرصي بكل وسيله ان لاتحملي باي طفل حتى تتطمني على مستقبل زواجك واهلية رجلك لتحمل مسؤلية زوجه واولاد والله اسأل ان يوفقك سبيل الرشاد)************* وانا اتداخل هنا ليس لأنني مقتنع ان لديك مشكله فعلا وتعانين منها ولكن لان ماطرحتيه يشكل بأطاره هما اجتماعيا يعاني منه اغلب المجتمع فكان فرصه لي ان اقول رأيي بهذا الموضوع بأعتباره مشكله عامه ****







بالعكس نقلت الصوره يمكن ماتعمقت فيها زياده لان النت الكل يقراه واكيد لو اتعمق يمكن احد يدخل ويعرف من صاحبه المشكله بس وضحت وقلت ايش مشكلتى معه بالنسبه للحمل انا فى بيت اهلى مو عنده
ان مو مقتنع اناى عندى مشكله لانك مو حاس فينى لو كنت مكانى لراح تتاثر وتنقل هم وماتدري ايش مصيرك بالدنيا بيكون وحملت لقب مطلقه بسبب اختيارك انت وكلام الناس الكل بيحط الغلط عليك لانك مراه وكيف تجمع المهر عشان تفتك حتى لو كانت مو غلطانه بلبسونها الغلط
انت رجال ومايجيك شى عادى تقدر تتزوج اثنين وثلاث واربع مايهمك
لانك موخسران شى المهر راح يرجعلك اذا طلبت منك الطلاق بس الخساره بتكون للمرااااااااااااه

[شموووخي]

اقتباس:  المشاركة الأصلية كتبت بواسطة engel     اسمعي يالطيبه إذا تريدين رأيي .. واستعيني بالله .. وطبقيه وراح تلقين سعدك .. أولا هالتصرفاااااااااااات التي ترينها من أي شاب خارجه عن إرادتهم .. وحلها سهل ليس بالكلام لكن بشيء واحد لو طبقتيه راح ترين أثره .. أولا سبب ذلك التصرف يكون هناك سوء امتصاص في الأمعاء فتمتص الشرايين الأحماض الموجوده في الأمعاء بدل الغذاء فتوصلها الشرايين للدماغ فتضطرب طريقة التفكير .. أو سببه عادات جنسيه خاطئه فلايخرج المني كله من القضيب فيبقى داخل القضيب ويتحول لماده كبريتيه وتمتصها الشعيرات الدمويه توصلها للدماغ فتضطرب طريقة التفكير والتعامل أو الحالة المزاجية .. الحل : تذهبين لبيتك وترجعين له وتحرصين على تغذيته بالخضار مثل شوربة الخضار اللي بطاطس وجزر وكوسه مطحونه .. وتكثرين له من الفراوله أقصد عصير الفراوله .. وبعد فتره يتغير أو تختصرين وتروحين لمحل اسمه مركز الفيتامينات التكميليه جي إن سي فيه فيتامين اسمه الترا ميجا مان .. أو ألترا مان ويستخدمها .. أو فيه أيضا منتجان في الطب البديل عباره عن أغذيه تكميليه منها سبيرولينا .. والبايوقرين .. اكتبي في قوقل بحث وتجدين فوائدهن .. صدقين .. الرجال من مطبه لدحديره .. يعني غصب عليهم وخصوصا هالزمن الأغذيه لها دور وطريقة التغذيه لها دور .. هذا طريقة للعلاج .. الطريقة الثانية ادعي الله أن الله يسخره لك ويذلل لك صعوبه وييسر لك مخزونه وأن الله يسخر لك أهله وادعي لهم بالهداية ... ياأختي الدنيا تبي صبر وهذا تكفير للذنوب ورفعة لك في الدرجات .. والله يبتلي عبده ليرفع درجته .. ليس بهذه السهوله يأتيك رجل على طبق من ذهب .. ومن ثم إذا هو ما يريد يطلق بيحبك لو أنه ما يحبك لكن فيه نوع مكابره .. وأمه وأهله ماراح يدوموا يا راح يهديهم ربي أو بيجيهم ماجاء غيرهم .. من صروف الدنيا وينشغلوا عنك .. وكثري الاستغفار يا أنا جربته وشفت نتائج عجيبه يعطيك الله فوق ما تتصورين .. احذري احذري الطلاق يا شيخه إذا جتنا مشكله لابد من مواجهتها لا الهروب عنها .. وأنتي تعلقي باسباب السماء لا أخوك ولا امك ولا القبيله .. تراك عند باب كريم إذا أعطى أجزل في الدعاء لكن تفقدي نفسك من هنا ولا من هنا ترانا الله يهدينا يالحريم نعصي الله كثيره بربرتنا وغيبتنا ونتساهل بالتستر حتى عند السودانيات اللي يشلون لنا ونتعرى عندهن ولا نبالي ولا في الزواجات .. وندور التوفيق واحنا مشركين الشياطين معنا .. في مناسباتنا .. فانتي استغفري وتجزلي في الاستغفار واخلصي النية ، وأحسني الظن واحزمي أمرك وامتعتك .. واسعدي نفسك وزوجك ترى الزوج سكن والحياة بدون زوج حتى ولو عليه بعض المماسك .. ما تسوى وتكوني كأنك على بحر .. وفقك الله أخيه .. ولعلك تبشرينا أخبار حلوه

بالنسبه لتصرفاته هى طبع فيه مستحييل تتغير
وعلى قولتك شوربه وخضار من وين بجيبها اذا هو بخيل
زين لاجاب خبز هذا لناس الى تفهم تستاهل تهتميين بغذاهااا

بالنسبه لكلامك حمد الله ياربي ماتعريت عند اي اي احد ودايم محتشمه بلبسي حتى فى لاعراس بس اللهم بالزفه يوم دخلت الصاله الكل شافنى بالفستان ربي يعوضنى الى ابرك منه ان شاء الله ويفتح لى الخير بوجهى

[أم خماس]

أختي الكريمـه لن تجدي حلا لمشكلتكـ هنـا ..
وقصور أن تحلي مشكلتكـ بأراء متبعثـره من غير المتخصصين ..
ربمـا كان زوجكـ يعاني اضطرابا في شخصيته او ماإلى ذلكـ ..
لاتتسـرعي طلب الطلاق وادخال نفسكـ في متاهات أكبر ..
أقنعي زوجكـ بمراجعــة استشاري نفسي أو استعينو جميعـا بأحد الاختصاصين لمحاولة اصلاح الوضع ..
استشيري المشـائخ وخذي بنصائحهم وارشاداتهم ..

[engel]

اسمعي .. يا حلوه .. وربي الدنيا تبي صبر .. هذا على أسوأ الأحوال روحي وكلي خبز ومويه إلى أن تمرضي وتبقي عند أهلك بسبب مقنع ظاهر بعد كذا هو بيدفع الثمن .. ..

المهم إذا الله مادك وماد أهلك اتركيهم يتقضون لبيتك .. يا كثر اللي مثله .. وياويله لو مد لسانه .. صدقين ..

كثييييييييييييييييييييييييييييييييييييييير مثله .. أنتي استعيني بالله وارجعي وارضي بأقل شيء منه ترى الصبر الجميييييييييييييل ليس له جزاء إلا الجنة ووربي ما خلقت شده ألا بعدها فرج .. ولا ليل ألا بعده نهار ..

يا شيخه .. بأقول لك شيء الرجل .. طفل راشد .. اتركي أحضانك دافئه له .. وعطيه رغباته وأعطيه ما يريد قبل أن يسأل واقترحي عليه أشياء تسعده هو واتعبي في البدايه لكن بعد كذا راح تجنين تعبك ..

هناك طرق تتعاملين بها مع الذكر كزوج .. والله يستحي يقول لا وبعد كذا هو اللي بيقترح عليك تمشي وياه المطعم ..

قابليه بشوق وعبري عن مشاعرك بطلاقه كرري قدامه وهو بين ذراعيك أنا أحبك ووحشتني وقوليها بصدق يا شيخه ترى أفضى بعضكم لبعض وبينكم ميثاق غليظ وفي أحشاءك من مكونات خلاياه .. في البدايه راح تتعبي والله عنده فرج .. لكن كوني راضيه بالمكان اللي تركك الله فيه .. لا أهلك ولا هو .. قلت لك وأكرر لك ولغيرك هذا أسبابه ما ذكرت سابقا .. وعسى الله يرحمنا ..

ابن آدم عجول ..

ففروا إلى الله

والذين جاهدوا فينا لنهدينهم سبلنا ..
احتسبي الأجر فيه وحطي في بالك أنك راح تصدينه عن حرام وربما يكون فتحا لك أن تدخلي أيا من أبواب الجنة شئت ..

أهله ما عليك منهم الكلام مثل الهيدروجين خليه يطير في الهواء ..

وزوجك ما قدمه سيجده
وما تقدميه ستجديه ..

واحرصي أن تذكري أهله الآن بسوء ترى الشيطان خبيث يجعلهم آلة على لسانك ليحبط أعمالك ..

ارتبطي اكثربالله واقطعي العلائق عن الخلائق ..

[قارب من ورق]

اختي شموخي<<<<<مســـتانسين

انتي مشكلتك مو مع زوجك المشكله فيكي وفي امه انتي كرهتي امه وبالتالي كرهتيه.

واختي مادام انك اخذتي قرار طلاقك وتمسكتي به واقتنعتي لدرجة انكي تستميتي في الدفاع عن قرارك

اقول لك مالك الا المحكمه بس قبل تروحين للمحكمه فيه اسأله لاتجاوبيني عليها لانها خاصه بكي:

هل زوجكي ملتحي<<<<رجاءً الاجوبه لصاحبة الموضوع اذا كان نعم فلا تذهبي للمحكمه وان كان لا فأذهبي

هل زوجكي لديه معارف في المحكمه او مشائخ لهم كلمتهم. نعم لاتذهبي لا إذهبي

في الأخير إذا كان جوابكي على الأسئله السابقه ب لا فستحكم المحكمه لكي بشرط ان تأتي ببينه على كلامك انه مسير من امه وانه بخيل لانه إذا كان بخيل فالشرع يطلقكي منه ولا يحق له ارجاع المهر

اما إذا كان العكس فبالعاميه "زهبي المهر" كامل ولاينقص منه ريال ولا انثبري معه واذا انثبرتي معه تبي تشوفيه غيرررررررررررر عن الي قبل وتتمنين انه ترجع ايام قبل

هذا بإختصار وجميع ماقلته حسب تجربة بعض الأصدقاء والزملاء وبعض منهم كتاب عدل ودمتي سالمه وجميع المسلمين من جميع الأمراض والأسقام

ووفقي الله وعطاكي على قد نيتك اللهم امين يارب العرش العظيم

[همس الهمس]

الحل خلع وإنما مانفع دبري لك محامي أحسن حل

[أبو تهاني]

اقتباس:  المشاركة الأصلية كتبت بواسطة شموووخي     [align=center] وبالنسبه للمهر كيف ارجعه كامل والا النصف لانى بطلب الطلاق؟؟ [/align]

شموخ الله يصلحك ويفرج كربتك

بالنسبه لمهر على حسب حكم أو اجتهاد القاضي وما راح يصل القاضي للحكم إلا بعد سنوات من المراجعات بالمحاكم

والشرع ترجعين المهر كله إن كان طلب الطلاق لا يستند على مسوغ شرعي

وحتى أن كان يستند على مسوغ شرعي قد يعطيه القاضي فرصه لتعديل وضعه

وربما إن استطعتي اثبات انه مريض نفسي يساعدك بموضوع الخلع

[صاحب قلب حنون]

اختي الغالية
اولا انصحك بعدم الاستعجال بالطلاق فلربما ان تتبدل حلتكم الي خير بعد فترة
لذا ارى انكل واحد يفكر بالامر قبل اتخاذ القرار النهائي وخصوصا انتي لانك مع الاسف الشديد بمجتمع لا يرحم ولا يخلي رحمة الله تنزل
اوخية
اما اذا كان لابد من شر الطلاق فاقول لك ان القاضي يحكم لك اذا كنتي لا تبينه وفي هذه الحاله انتي راح ترجعين له المهر كاملا الا اذا تنازل هو عنه او بعض منه واما اذا كان هو من طلب الطلاق فالشرع هنا لايجبرك على ارجاع المهر له

ولاكن بالاخير نصيحتي لك بالتريث وتحملي فلربما انها غيمة وتنقشع وتعيشون حياة سعيدة
اللهم يارب الارباب ومسبب الاسباب اختر لم الخيرة من امرك ووفق بينهم وابعد عنهم اعداهم من واحفظهم من الشيطان