يوم الاربعاء الماضي طلعت من البيت وكنت متوجه لدوام وكان الوقت بحدود الساعة 12 الظهر
طبعاً ركبت السيارة و اخذت انتظر على بال ماتحتمي السيارة المهم بعد لحظات جاء جارنا العزيز واخذ يقدم سيارته ويرجعه الين صارت سيارته تبعد عن باب بيتهم ربع متر اذا لم تخني الذاكره !!!
الغريب بالا مر اخذ حدود ثلاث دقائق وهو جالس بالسيارة لا والمشكله جالس يطالع فيني وانا جالس افتح بدروج السيارة واسكرهم ( يعني ودي اوصله رساله اني مشغول وماني لمك ياجارنا العزيز )
المهم جلس ينتظرن عشان احرك سيارتي واظف وجهي لكن مافيه فايده
لكن بعد لحظات انفتح الباب اللي جنب السواق ...
انا فهمته وهي طايره
جارنا العزيز جايب اخته من المدرسه ومايبين اشوفه !!!
( على غفله سندرلا والله العظيم لو يقول تزوج أختي بلاش وتكلفة الزواج علي ماتزوجته )
المهم حركت السيارة وانا اقول بيني وبين نفسي فاهم الغيره غلط والا الشك عامل عمايله ؟
طبعاً عزائي الوحيد هو
ان مثل هالعينات موجوده بكل مكان يعني مثل ماصرت اليوم بمحل شك غيري صار له مثلي ويمكن اكثر ....... يعني الحمدلله على سلامتي !!!
العرض الشجري