كائن غريب في بيتي

[البارق]

تحية طيبة للجميع ... وبعد

لي مع الشغالات علاقة طوبلة
تمتد لسنوات عديدة
تعاملت فيها مع جنسيات مختلفة ونفسيات متباينة
إكتشفت من خلالها فشلي الذريع
في إدارة أصحاب السعادة \ الشغالات
فإن تعاملنا معهن بطيبة استغلونا
وأنا تعاملنا معهن بحزم فالويل لنا
فالأكل تحت إشرافهم والأطفال بين أيديهم
وهذه وسيلة ضغط ترعبنا منهم

أما المحظورات فحدث عنها ولاحرج
فلم نفلح في منعها والسيطرة عليها
ففي كل حملة تفتيشية
تقوم بها قواتنا الخاصة
نعثر فيها على شرائح جوال ومسروقات لا عد لها ولاحصر


ووالله وبالله وتالله
لولا حاجتي الضرورية
ﻷعلنتها مقاطعة أبدية للعمالة المنزلية
لكن الحاجة جعلتني أغض الطرف واقول (ياسيدي)


والسؤال الذي يطرح نفسه
وبين أيديكم أضعه
ماهو الأسلوب الأمثل والأفضل
للتعامل مع هذا الكائن الغريب في بيتي ؟؟؟


لأتعايش معه وأسلم من غوائله



وللجميع حبي وتقديري

[قـتـالـه]

اعاننا ربي بس ..!
عندنا وعندك خير .. وادهى وامر
ان شددنا عليهن ولاحظناهن هجن ماكملن السنه ..
وان ارخينا لهن اكلننا ونهبننا وعيوننا طايره !
واذا عمرك جربت سواق وزوجته وربي انك وطيت الجمر وانت راضي ..!
يروحون يتكسون هالصبح وتنقل له كل اللي بمطبخك ويقضن سراويلك وفنايلك ويزعلون ويطنقرون جميع
تعبت نفسياتنا وراحت قروشنا وفشلت كل طرق الاستغناء عن الخدم ..,
هه توي مديت لشغالة امي كرت مرحبا ابو خمسين وانا فرحه
يوم ناظرتوه قالت وشوله ماجبتي بطاقة شحن سوا هذا لازم انزل تحت
للتليفون بدليه لي
والثانيه مطنقره من امس تقول وشوله كل شوي دله وابريق حطوا
قهوتكم وشاهيكم بترامس مثل اللي انا كنت عندهم قبلكم ياعساكم للمر

[عـــــســـــولــي]

اقتباس:  المشاركة الأصلية كتبت بواسطة قـتـالـه     اعاننا ربي بس ..! عندنا وعندك خير .. وادهى وامر ان شددنا عليهن ولاحظناهن هجن ماكملن السنه .. وان ارخينا لهن اكلننا ونهبننا وعيوننا طايره ! واذا عمرك جربت سواق وزوجته وربي انك وطيت الجمر وانت راضي ..! يروحون يتكسون هالصبح وتنقل له كل اللي بمطبخك ويقضن سراويلك وفنايلك ويزعلون ويطنقرون جميع تعبت نفسياتنا وراحت قروشنا وفشلت كل طرق الاستغناء عن الخدم .., هه توي مديت لشغالة امي كرت مرحبا ابو خمسين وانا فرحه يوم ناظرتوه قالت وشوله ماجبتي بطاقة شحن سوا هذا لازم انزل تحت للتليفون بدليه لي والثانيه مطنقره من امس تقول وشوله كل شوي دله وابريق حطوا قهوتكم وشاهيكم بترامس مثل اللي انا كنت عندهم قبلكم ياعساكم للمر

في بيت واحد شغالتين. عجبي !!!!!!!
ويقولون ليش نسبة السمنه ملعلعه بالسعوديات وانواع الأمراض (سكري وكوليسترول وضغط) .
لايصيرن هالشغالات ياسكينه يقصقصن ظفور رجلينتس ويهمزنتس . قالت إيه ..قالت قتاله ...قولي (رباضه) معقوله على هالتبطح

[قـتـالـه]

اقتباس:  المشاركة الأصلية كتبت بواسطة عـــــســـــولــي     لايصيرن هالشغالات ياسكينه يقصقصن ظفور رجلينتس ويهمزنتس . قالت إيه ..قالت قتاله ...قولي (رباضه) معقوله على هالتبطح

لاتخطرفلي ياعسيلان ..,
ياحيي كلن وظروفه .. بيوتنا مالهن بيبان ,,
هذا داخل وهذا طالع وذاك بيمرح اليوم ..
وهذا غدا وذا عشا وذي ذبيحة فلان
ماعندنا هاتوا قطية عشاكم ولا كلن يجيب ترامسه !
شاهينا وقهوتنا بدلال واباريق وآبو ناره ماتطفا وضيفانه مايبعدون !

[عـــــســـــولــي]

اقتباس:  المشاركة الأصلية كتبت بواسطة قـتـالـه     لاتخطرفلي ياعسيلان .., ياحيي كلن وظروفه .. بيوتنا مالهن بيبان ,, هذا داخل وهذا طالع وذاك بيمرح اليوم .. وهذا غدا وذا عشا وذي ذبيحة فلان ماعندنا هاتوا قطية عشاكم ولا كلن يجيب ترامسه ! شاهينا وقهوتنا بدلال واباريق وآبو ناره ماتطفا وضيفانه مايبعدون !

القناعة كنز لايفنى والصبر مفتاح اربعطعش.
إلا ماعمرتس إنغثيتي من هالكلمتين إذا قالهن أحد ؟؟ أنا يطلع لي قروون برأسي وهمن تدخن مناخري .

[قـتـالـه]

اقتباس:  المشاركة الأصلية كتبت بواسطة عـــــســـــولــي     القناعة كنز لايفنى والصبر مفتاح اربعطعش. إلا ماعمرتس إنغثيتي من هالكلمتين إذا قالهن أحد ؟؟ أنا يطلع لي قروون برأسي وهمن تدخن مناخري .

الا يغثن بس ولو اثرك اذهن من ابليس طلعت من ذبايح ابوي وضيانوه بأقل الخساير :/
ماودك نتشارك انا وياك بمشروع تأجير شغالات بس مو اي شغالات

[البارق]

اقتباس: واذا عمرك جربت سواق وزوجته وربي انك وطيت الجمر وانت راضي ..!

أما هذه فهي أم المشاكل
وباقعة البواقع
من جربها مايعود لها
زعلهم وإضرابهم وشياطينهم جماعية

اختي قتالة
شاكر لك جمال حضورك

[engel]

اقتباس:  المشاركة الأصلية كتبت بواسطة قـتـالـه     لاتخطرفلي ياعسيلان .., ياحيي كلن وظروفه .. بيوتنا مالهن بيبان ,, هذا داخل وهذا طالع وذاك بيمرح اليوم .. وهذا غدا وذا عشا وذي ذبيحة فلان ماعندنا هاتوا قطية عشاكم ولا كلن يجيب ترامسه ! شاهينا وقهوتنا بدلال واباريق وآبو ناره ماتطفا وضيفانه مايبعدون !

الشعالات مو آلات .. كائن حي جاي من فقر وحرمان بالإضافة للغربة ولما يشوفن هالخير اللي أنتي فيه لو ما سحرنك حسدنك ..
كان أبوي مثل أبوك يوجب حتى الهنود والخدامات اللي يدخلون البيت يتعجبون من هالنعمه اللي داخله وطالعه ،و وحده من قرايبي دخلت المطبخ مره فيه أربع خدامات ثنتين جديدات وثنتين راح يسافرن ، وحده كانت مو ترف ممرضة جدتي نتناوب معها في الجلوس عند جدتي اللي ما تنام تدور بالبيت وتحبي تروح للخطر وما تروح للحمام نشيلها ..

الساهد جاه سرطان القولون والآن أكله بالقطاره وعضوي فانتبهي لابوك وانتبهي أنتي ،والشيء اللي تقدرين تسوينه سويه أنتي لا يحسدونك وتنحرمين بكره من الأكل والشرب

[قـتـالـه]

اقتباس:  المشاركة الأصلية كتبت بواسطة engel     االساهد جاه سرطان القولون والآن أكله بالقطاره وعضوي فانتبهي لابوك وانتبهي أنتي ،والشيء اللي تقدرين تسوينه سويه أنتي لا يحسدونك وتنحرمين بكره من الأكل والشرب

ياحزني
ربي يحمانا ويحفظ نعمتنا ويكفينا شر من فيه شر ..,
ياحيي من يتوكل على الله ويحافظ على اوراده ماضروه ..
ودامهن ياخذن رواتبهن وهداياهن وشحن جوالاتهن فماراح يضرن راعيهن ..
هه تذكرت بالزمانات جبنا مصريه وبدت تجمع كل المواعين بالارض وتفحج تغسلهن
بطشت تقول اصلي موش متعوده على الوأفه

[رايق دايم]

اقتباس:  المشاركة الأصلية كتبت بواسطة قـتـالـه     اعاننا ربي بس ..! عندنا وعندك خير .. وادهى وامر ان شددنا عليهن ولاحظناهن هجن ماكملن السنه .. وان ارخينا لهن اكلننا ونهبننا وعيوننا طايره ! واذا عمرك جربت سواق وزوجته وربي انك وطيت الجمر وانت راضي ..! يروحون يتكسون هالصبح وتنقل له كل اللي بمطبخك ويقضن سراويلك وفنايلك ويزعلون ويطنقرون جميع تعبت نفسياتنا وراحت قروشنا وفشلت كل طرق الاستغناء عن الخدم .., هه توي مديت لشغالة امي كرت مرحبا ابو خمسين وانا فرحه يوم ناظرتوه قالت وشوله ماجبتي بطاقة شحن سوا هذا لازم انزل تحت للتليفون بدليه لي والثانيه مطنقره من امس تقول وشوله كل شوي دله وابريق حطوا قهوتكم وشاهيكم بترامس مثل اللي انا كنت عندهم قبلكم ياعساكم للمر

وحنا بعد عندنا عشر شغالات واللي بالبيت ثلاث اشخاص . مامي وبابي وانا .

[قـتـالـه]

اقتباس:  المشاركة الأصلية كتبت بواسطة بصمة قلم     وحنا بعد عندنا عشر شغالات واللي بالبيت ثلاث اشخاص . مامي وبابي وانا .

ومايسدنكم العشر
يالله يمديهن على ضف اقلامكم وتدوير غطيانهن

[امرؤ القيس]

طبعا المدامات مرتاحات ونايمااات في العسل ومرتزااات امام المراياااا واللابتوباات

والبيت يعيث فسااادااا بايدي القذورات الشغاالالالالالات ثم ناتي لعرض مشاكلنا ونقووول تا الله وبالله مقدر استغني



قسم بالله وتالله وايم الله واالله ان 99,99 % ليس لهن حاجة وفقط شكلياات وخنفشارياات وعطزياات لاحدود لها

[البارق]

اقتباس:  المشاركة الأصلية كتبت بواسطة امرؤ القيس     طبعا المدامات مرتاحات ونايمااات في العسل ومرتزااات امام المراياااا واللابتوباات والبيت يعيث فسااادااا بايدي القذورات الشغاالالالالالات ثم ناتي لعرض مشاكلنا ونقووول تا الله وبالله مقدر استغني قسم بالله وتالله وايم الله واالله ان 99,99 % ليس لهن حاجة وفقط شكلياات وخنفشارياات وعطزياات لاحدود لها

عزيزي امرؤ القيس
لو عندك كبير سن مقعد
أو طفل معاق أو أو أو حاجات كثيرة ملحة
لأدركت أن كثير من البيوت
تستقدم الشغالة لحاجة وليس للفخفة

حبي وتقديري لك

[روح لايسعهآ جسـد]

بصراحه انا ماحبهن ولا احب اتعامل معهن
من بعد ماانتحرت شغالة اختي وانا حالفه حلف ما يدخلن بيتي
والا لو تسحرن عاد وش يفكن؟
مره رحت لشيخ يقرا شفت بنت مسحورة من شغاله تقول امها ان لها 5 سنين تقرأ والجني اللي به يقول تموت هي ولا اطلع
فرقعين اجيب شغاله واعيش طول عمري من شيخ لشيخ ..لا بالله مايحتاج

حتى لو المراه موظفه
تحط اطفالها في حظانه او روضه او تمهيدي
ولا تجيب لهم شغاله ..!

[اسير عالمه]

حرام عليك انك تقول كائن غريب هي انسانه له حقوق و عليها واجبات

المشكله انه مافيه قانون يحمي حقوقك وحقوقها



شكرا