عامل توصيل طلبات يشتغل (خطابه) .

[الفتى السمنسي]

عامل توصيل طلبات تصدقون يعرف كل بنات الحي اللي ماتزوجن واللي متزوجات .
جلست ادردش معه قبل مده وبيني وبينه علاقه وتطمن لي والله ياهو يقول بلاوي متلتله عن طلبات آخر الليل .
يعرف البنات باسمائهن واعمارهن ومعه ارقام جوالاتهن ويمون على بعضهن ميانه ولا اخوها او ابوها .
سألته وقلتله قد صار وطقيت علاقه مع بنت .
ضحك ضحكه كلها لعانه وقال . مو كلهن .

ترى عمال التوصيل شر وعيش مر وانتبهوا منهم والله ياهو قال كلام استحي اقوله ..لاعب بالقش لعب ولد اللذينا .

[نجداوي]

اولا اشكر طرحك اخ فتى


لاكان الثغره ليس بمويل الفتيات لتكوين العلاقه

انما عدم الاهتمام ب كونه ( اجنبي ) !!

وهنا تتكون المشاكل ب اخراج المعلومات

ممكن تخرج لضعفاء النفوس و ل اطراف اخرى

وهي استغلال مادي بلا شك من جهه الاجنبي

لان احتواء الطلب يتكون من

رقم الجوال + عنوان السكن + احيانا اسم الفتاه الاول

وكل جزء مممكن ان يتلقح وينتج بويضه تهديد او حتى ازعاج

وكلنا نعرف اذا احد الشباب اتصل على رقم بنت بالغلط وش ييسوي فيها !!

ياساتر استر واحفظ الجميع بكل خير

احترامي .

[نقطات كثرات]

الحين يوم إنك تعرفوه وراك ماتروح اتبلغ عنوه , لإنك شيطان أخرس يا حبيب امك , فساكت عن الحق شيطان أخرس , ترضى إن خواتك يسوابهن تسذا, ومير إنك تخلي هالمشكلة تكبر وتساعده على هالعلاقات والخرابيط , وبعدين الشر متواجد بكل مكان ولا هوب على راعين الطلبات بس . ونسأل الله العافية

[زين نجد]

الأخ الفتى..

بالنسبة لمثل هؤلاء الذين نتجرع المرارة إذا رأيناهم فهذا ذنب واحد فقط وليس للبيت دخل فيه..

هذا ذنب رب البيت الذي يذهب هنا وهناك ويترك البيت دون تلبيةً لأغراضه

وهناك من يخرج الأطفال وهذا أمرضروري وحسن.

والأدهى والأمر منن يخرج الشغالة.!!

ودي لك،،،


والكلام يطول عن مثل هؤلاء.

[روفه]

طول عمرنا نطلب

ولاصار عرف اسمي ولا عمري
يوصل الطلب وانتهينا

واذا صار فيه حالات نادره مانعمم

[الفتى العصري]

والله شرهم منتشر عمال التوصيل وخصوصا الأتراك واليمنيين .
الله يستر بس . مشكور ياحفيد السمنسي

[زفرات سنين]

:

من طق باب غيرك.. طق بابك

.

[نـور]

عامل توصيل الطلبات والمصري احسن منكم ياعيال الديره اقل القيل يدلع صح فوق هذا مايفضح بها ويهاط بالاستراحه<<هذا تحليل زوج صديقة لي وتحليل منطقي لكن اللي مايخاف ربه كل شي يطلع منه

دمت بود

[تركـي]

اقتباس: فوق هذا مايفضح بها

يعني هذا ااهم شيء ..؟؟؟
خلالالاص نقول للشباب لاتسولفون ببنات خلق الله بالاستراحات ......لكن الخوف من رب العالمين آخر الآهتمامات ......
الله المستعان ..

[هلاوين]

قسم بالله قهرتن وضيقت صدري يماسمعنا وسمعنا من حقين التوصيل الاجانب .

حنا بوداي والعماله مع بعض الحريم بوادي ثان

[عذبـــــة]

الغيرة ذابحتكم لأنهن ماعطنكم وجه ومعطيات هالأتراك والشوام وجه !
ترى لو توصلون طلبات ماراح يلتفتن لكم لذلك خلوكم على شغلتكم مراسلين وحراس أمن ابرك لكم
مافيكم شي يستاهل الإثم .. شين وشوفة نفس على غير سنع .. وغير هذا على قولتهم تهايطون وتفضحون بهالبنات بالإستراحات
بالله مو حرام يكسبن اثم عليكم !!

[قـتـالـه]

مير مابوه مفتح العين !
آخذ الطلب متلهلمه بجلال واذا تهايقت ابشوف واثره يادعله او بنطلونه الى صدره
لو ادفه برجلي فنقس على سيارة ابو صالح جارنا!

[نبراس القصيم]

لا حول ولا قوة الأ بالله



الله يستر على بنات المسلمين

[عـــــســـــولــي]

اقتباس:  المشاركة الأصلية كتبت بواسطة قـتـالـه     مير مابوه مفتح العين ! آخذ الطلب متلهلمه بجلال واذا تهايقت ابشوف واثره يادعله او بنطلونه الى صدره لو ادفه برجلي فنقس على سيارة ابو صالح جارنا!

ولو ..البارود العوجا فيها رميه

[تركـي]

اقتباس:  المشاركة الأصلية كتبت بواسطة عذبـــــة     الغيرة ذابحتكم لأنهن ماعطنكم وجه ومعطيات هالأتراك والشوام وجه ! ترى لو توصلون طلبات ماراح يلتفتن لكم لذلك خلوكم على شغلتكم مراسلين وحراس أمن ابرك لكم مافيكم شي يستاهل الإثم .. شين وشوفة نفس على غير سنع .. وغير هذا على قولتهم تهايطون وتفضحون بهالبنات بالإستراحات بالله مو حرام يكسبن اثم عليكم !!

ياعـــــــــــــــــذبه لاتستاثمين
ربما انتي تكتبين من باب المزح ولكن يمكن ربما تجنين على بعض المراهقاات ويصدقون
بنات السعوديه آشرف واكبر من مليون ابوشكيم وقحرره ......
والحمدلله وجود حالات استثنائية لغياب ولي الآمر بسبب أو ظروف لايعني ان يستغلهم هؤلاء الحثالة .....
نحن في بلد يطبق الشريعة الآسلامية وهؤلاء العمالة يعرفون ذلك جيدا حتى لو كان في قلبه مرض لكن يعرف حدوده جيدا ....
ومن نعم رب العالمين ان بناتنا يعرفن ذلك جيدا .....