مساء الورد كوين ,,
بهذا الموضوع انا مستحيل انظر للزوجة الأولى ,, ماتهمني أبدا ,,
لأنها الأصليـّـة مثل مايقولون ,, وأم العيال ,, ومرجع الزوج لها بعد الله ,,
مهما ابتعد وتزوج وسافر ولعب وغازل مرده لها ,, ولعيالها ,,
انا اللي يضايقني حال بعض البنات اللي يتزوجن رجال متزوجين ,,
بعض الرجال تطن له يعدد ,, وانتي عارفه ان الزوج اذا حط براسه الزواج يلقاه لو هو منتف ووجهه مايساعد يتزوج ولا حبشية ,,
فـ يتزوج بنت فاتها القطار وقدرها طيّحها بزوج متزوج وبيتزوجها فقط يطيّح اللي براسه ويطلقها وترجع بيت أهلها مطلقه ,,,
تعرفت على بنت بالكليّة ,, الله يذكرها بالخير كانت تحمل جميع مواصفات الزوجة المثالية ,,
أولها ستّ بيت وحبوبة وشكلها حلو مو شينه ,,
وتأخر زواجها الين الحين ,,
اخر مرة سولفت معها فتحنا موضوع زواجها بحكم انها تمون علي مرررره ومعتبرتني أكثر من اختها ,,
تقول انا وصلت عمر 29 سنة تقريبا وماأعتقد اني بتزوج شاب مو متزوج ,, خلاص راحت علي ,,
وانا قابلة بأنه يتقدم لي رجل متزوج ,, وأكون الزوجة الثانية وراح يكون بيتي أول وآخر بيت له ,,
لكن وين الرجل اللي يتزوج يبي زوجة وعيال واستقرار .. !!!!!!!!!!!
كل اللي يتزوجون يتزوجون لعب ولا تحدّي بيناتهم ,, ويبون الوناسه لكم شهر ويطلقوني وأرجع بيت اهلي مطلقه بدل ماانا فيها الحين بنت بكر ,,
البنت هنا ماتبي زوج لعّاب ,, أو زوج من أول مشكله بينهم يقولها شوفي يابنت الناس تراني متزوجك وناسة وراحه لي ,, ترى عندي زوجة وعيال وبيت ومو ناقصني شي بس بنوّع حريم ,,
هنا يتزوجها كم شهر ويطلقها ويكسر خاطرها وترجع مطلقه ,, هذا اذا ماكانت تحمل معها طفل ولا طفلين منه يعيشون طول اعمارهم متحسرين ,,
ويرجع الزوج لحرمته الأولى ولا كأنه صار شي ,,,
أرجع واقول المظلومة هنا مو الزوجة الأولى ,, لأن الزوج مصيرة يرجع لها ,,
والمفروض ماتزعل ولا تنقهر وتخليه ياخذ جوّه ,, ويبعد عن وجهها كم شهر ويرجع من طلاقه مشتاق لها ,, يكفي انه بيرجع ذليل لها لأنه ماله الا هي وعيالها ,, لكن لو بتطلب الطلاق منه بتاكل تبن في بيت اهلها كم سنة وآخرتها بتتزوج مسيار مكسور خشمها ,, لأن مااحد راضي فيها وفي بزارينها ,, كلن عجزان عن بزارينه ,, بالأخير بترجع هي له ذليلة وتو مايرفع خشمة عليها ,,
لكن المظلومة هنا هي الزوجة الثانية ,, والله يعينها على مابلاها ,, وتراها اذا مارجعت لبيت اهلها اليوم بترجع بكرااااا ,, لأن الزواج الثاني في الغالب هو زواج وناسة وتغيير فقط ,,
اعذريني ياكوين ع الإطالة ,, وفوووتك بعافية ,,,,