مكرونه مميزه وبطريقتي الخاصه .... صور

دلة بيبسي · 31-05-11, 03:10 pm

مرااحب بسدحلكم طريقة مكرونتي وان شاء الله تعجبكم
مكرونه من الحجم الصغير مره مثل اللي بالصوره مسلوقه بماء وملح وزيت

خضار مبشوره \ كوسه والعدد حسب الرغبه
2 جزر مبشور
2 بطاطس مبشور وبصل حجم وسط مبشور
2 فلفل رومي احمر مبشور يوضعن مع بعض في قدر وحبذا لو يكون تيفال علشان مايلتصقن بالقدر على نار هاديه حتى يذبلن تماما ولا ننسى الملح وقطعة ماجي وملعقه صغيره ماجي ابيض واشوي بهارات
بعدها نضع 3 قطع برجر لحم وانا افضل السنبله نفتت اللحم بالسكين او الشوكه ونضيفها على الخضار ونقلب حتى يستوي اشوي
ثم نصفي المكرونه ونضعها في صينية بايركس ونضع معها كيس صغير موزيرلا مبشور وعلبه قشطه ونضيف لهم الخضار ونخلطهم مع بعض وندخلها الفرن حتى تتشرب الطعم وتتماسك ويذوب الجبن وبالهناااااء والعافيه

بعدها نضع الخضروات زنقلبهم مع بعض وندخلها الفرن من الاسفل

pepsi · 31-05-11, 03:17 pm

ياهلا ياهلا بالدله كل مخلص ببسي بجيك تصبيلي من الدله هماااااه هههههههه

الصور ماطلعت عندي وصفتك حلوة وسهله بجربها

الف عافيه اختي

جُـودي · 31-05-11, 03:24 pm

دلـه مـآفيه صـور ..

دلة بيبسي · 31-05-11, 08:07 pm

اقتباس:

المشاركة الأصلية كتبت بواسطة ببسي


	ياهلا ياهلا بالدله كل مخلص ببسي بجيك تصبيلي من الدله هماااااه هههههههه الصور ماطلعت عندي وصفتك حلوة وسهله بجربها الف عافيه اختي

هلا بك اكثر ههههههوش سالفة البيبسي عندي وعندك خلاص اتفقنا بس انتي بعد ذوقين من البيبسي حقتس
جربيها ومداخيل العافيه ان شاء الله

دلة بيبسي · 31-05-11, 08:12 pm

اقتباس:

المشاركة الأصلية كتبت بواسطة جودي بريده


	دلـه مـآفيه صـور ..

جوووووووودي هاااااااااو وين راحت الصور حتى انا طلعت عندي مكان الصوره مربعات صغيرات بس قلت يمكن عندي بس
تراي اعليميه بهالمور رغم اني نزلت صور من قبل ونزلن عادي بس تصوير جوال غير الجوال اللي صورت به الطبخه تحرينه له دخل لان اشوف طريقة التحميل عندي اختلفت رغم انه من نفس الموقع