اسمحوا لي اخواني ان اعرفكم بشاعر فذ اعجبني اسلوبه واعجبني شعره عن جد هو بحق أمير الشعر العربي والهويس
هو الشاعر المصري [bor=#ff0000]هشام الجخ[/bor]
هو من صعيد مصر شاعر مهموم بقضايا مصر وقضايا الوطن العربي اجمع تقدم في مسابقة امير الشعر المقامة في دبي والهب حماس الحضور بشكل رائع لدرجة ان الموجوديين جميعا من كل الجنسيات كانوا يهتفون بأسمه حتي عندما اعلن ان امير الشعر هو الشاعر اليمني عبدالله وان هشام الجخ في المرتبة الثانية لم يصدق الحضور وكانوا يهتفون بأسمه لن اطيل في الحديث عنه واليكم الان احدي قصائدة واذا ما اعجبكم اوعدكم بأني سأنقل لكم يوميا قصيدة من قصائده وأذا لم يحظي علي اعجابكم سأكف عن نقل قصائده
(علي ذكر ال النبي)
على ذكر آل النبي، وقف الكلام معدول ..
نظره يا سيدنا العلي، سيفك جلى معدول ..
يا رب عبدك كواه، عشقه لرسول الله، لا طلبت مال و لا جاه، بس اتحشر مع دول ..
مديتش ايدي لحد و لرحمتك مدِّيت ..
عاجز في كل السكك، و في سكتك مدِّيت ..
آسف على الليل اللي من غيرك رقدته ..
آسف على شراع الذنوب اللي فردته ..
آسف على كل اللي خدته و عمري يوم ما أدِّيت
وعن السياسة وعن حال مصر وأهتمامه بمشاكلها وهمومها كتب قصيدة رائعه اسمها جحا ولمن لا يعرف جحا هذا شخصية اسطورة في الفكاهة والحكمه
(جحا)
عن حال مصر
شعورسخيف
إنك تحس بإن وطنك شيء ضعيف
صوتك ضعيف
رأيك ضعيف
إنك تبيع قلبكوجسمك
وإنك تبيع قلمك وإسمك
ما يجيبوش حق الرغيف
سألوا جحا عن سرضحكه
قالك أصل اتنين وشبكو
اللى كان من تحت ميت
واللى كان من فوقكفيف
دا شعور سخيف
وشعور سخيف
إنك تكون رمز الشحاتة
تبنى مبنىللشحاتة
تعمل وزراة للشحاتة
يا ساقية دورى ... عدى فوقى ودوسى
نصبواعليا وشحتونى فلوسى
ربطونى فيكى .. حتى ما اتغميت
هما اللى فرحوا ووحدى أنااتغميت
أنا اللى صاحب البيت
عايش بدون لازمة
ولما مرة شكيت
إدونىبالجزمة
أنا اللى زارعك دهب
بتأكلينى سباخ
إن كان دة تقلودلع
بزيادة دلعك باخ
لا شفت فيكى هنا
ولا شفت فيكى ترف
كل اللى فيكىقرف
كرامتنا متهانة
واللقمة بإهانة
بتخلفينا ليه لما انتىكارهانا
يعنى ايه تبقى إنتى هبة النيل يا مزة
وكل يوم المية تقطع
يعنىايه لما اشتكى غلو الفاتورة
يقولو تشكى بس تدفع
لما قش الرز ثروةبتتحرق
وأما نفط الأمة ثروة بتتسرق
وأما جلادك على ولادك بيبطش
وأما علمكما يلاقيش يآكل فيطفش
يعنى ايه نرفع ايدينا بالسلام لجل الغزاة
ويعنى ايهلما ابقى ماشى فى حالى اتشد اشتباه
يعنى ايه لما اتحبس أربع سنين حبساحتياطى
يعنى ايه مش حاسة بالعمر وغلاوته
بتصبى مر العمر ليه
دة اناكنت ح اوهب لك حلاوته
أنا عمرى ما أتأمرت
ولا حطيت شروطى
ومكان ماترسى مركبك
بابنى شطوطى
أنا كنت جيشك لما مماليلك باعوكى
وكنت يوسف لماعشتى سنين عجاف
وضلوعى دى اللى فى معركة قادش حموكى
وشفايفى دى اللى ما بطلتشفى يوم هتاف
دة انا كل شبر فى أرضك اتمرمغت فيه
وكل يوم عشتيه
أنا اتغذبتبيه
بتكرهينى عيونك السودة
وأيامى اللى فاتت
مانتيش حبيبيتى منالنهاردة
حبيبنتى ماتت
علا صوت أدانك جرس
فى الشدة صاحينلك
من امتىكانوا الحرس
هما اللى باقينلك
بعتينى علشانهم
وعنيكىمعصوبة
ياهلترى خاينة
ولا زيى مغصوبة
كل الكلام اتقال
والشعر بقىماسخ
والصبر علو جبال
والظلم شىء راسخ
وطن وغرقان فى النطاعة
كل شىءريحته نطاعة
علمونا بالعصاية
ورضعونا الخوف رضاعة
علمونا فىالمدارس
يعنى ايه كلمة قيام
علمونا نخاف من الناظر
فيتمنعالكلام
علمونا ازاى نخاف
وازاى نكش
بس نسيوا يعلموناالاحترام
فمتزعلوش
لما ابقى مش باسمع كلامكم
وماتزعلوش لما ابقى خارج عنالنظام
مستنى ايه من طفل ربوه بالزعاق
غير المشاكل والخناق
كل اللىبيقولك بحبك دول نفاق
أنا لما قلت لك بحبك
كان نفاق
الحب يعنى اتينبيدوا
مش ايد بتبنى وستميت تيت تيت يهدو
الحب حالة
الحب مش شعروقوالة
الحب يعنى براح فى قلب العاشقين للمعشوقين
يعنى الغلابة يناموا فىالليل دفيانين
الحب يعنى جواب لكل المسجونين
هما ليه بقوا مسجونين
يعنىأعيش علشان هدف
علشان رسالة
يعنى احس بقيمتى فيكى
إنى مش عايشعوالة
يعنى لما اعرق تكافئيى بعدالة
الحب حالة
الحب مش شعروقوالة
الحب حاجة ما تتوجدش فى وسط ناس
بتجيب غداها من صناديقالزبالة
بارت مراعينا والبئر قد جفَ
والجوع يكوينا والصبر ماكّفى
والقلب لا يهدا والجرح لا يشفى
ولأننا طوع
زنا لهم خفا
جاءوابموكبهم
واشتغلت الزفة
الدفة مظبوطة
وأصلا مافيش دفة
والكفة مشمايلة
علشان مافيش كفة
و جحا اللى جاى بالليل لساه بيتخفى
شايف ديدانالغيط سارحة ومارحماشى
من جبنه شاف الدود سابه وراح ماشى
ولا اتكسفللناس
ولا حس على طوله
الناس عشمها كبير جريوا بيشكوله
ضحك جحا ضحكةمواشى
مادام بعيد عن طينى ... ماشى
الدود قاعد لك يا جحا ولابد فىطينك
بعد ما يمص فى دمانا مش حيحلاله الا طينك
احنا اهلك
احنارجالتك
أمانك
إحنا وقت الشدة سندك
إحنا زادك
يا جحا احمىولادك
لو كنت عايز تحمى طينك
سوف أرحل
ربما يلقانى من ارجو لقاه
هامشىويا الشحاتين
وابكى على حلمى اللى تاه
بس مش هاشحت رغيف
هاشحت وطنلله