% لا يفوتك حلى سارح بخياله %

أسيل محمد · 31-03-10, 03:13 am

السلام عليكم ورحمه الله وبركاته
تحية طيبه معطرة مني ازفها إليكم .................... اسعد الله اوقاتكم بكل خير ..
اليوم كنا مجتمعين انا وصديقاتي بتوع الكليه .. وهولاء لازم نضرب لهن الف حساب لانهن راعيات تعليق .. قررنا ان كل وحده تجيب حلى إقالهن حاطين مسابقه .. بديت افكر وافكر وافكر وش احط .. يوم ذا دخلت المنتدى وطاحت عيني على حلى سارح بخياله .. قلت اغدين اسويه واللي شجعني عليه انه شكله سهل ومايبي مقادير.. والله اني توهقت يوم سويت الحلى وحطيته بالصحن اللي ينفك مادريت إلا ويبدي يصبصب من الجوانب ماادري وش السالفه .. ياإلهي وش اسوي ؟؟ جت في بالي فكره اني احطه بصينيه وادخله بالفريز بسرعه والحمد لله ضبط بس وش عقبه ؟؟ عقب مانطبعت انا وانطبع المطبخ واخذت لي كم تعليق من الأهل ..
يوم رحت للإجتماع تصدقون اني نا اللي فزت بأغرب حلى هههههههه
وكلن قال لي عطينا طريقته وش اسمه ؟؟ قلتلهم هذا الحلى اسمه سارح بخياله .. قالن البنات إكشن حتى الحلويات بدن يسرحن قلت إيه إجحدنه ومشت عليهم .. يوم رجعت من البيت اتصلت وحده قالت الله يعافيك بكرى عندي عزيمه وقررت اني ازين الحلى اللي جبيتيه قلت ايهن قالت ذاك الكشخه اللي اسمه سارح بخياله والله يانا فطست من الضحك ياحووووول على نياتهن .. عاد انا بقلبي اقول والله لو تشوفن الحلى والصبصبه وحوسته بالمطبخ كان ماتاكلنه ..
عاد انا عندي دفتر ومجمعه فيه الطبخات ومسميه حلى الأوريو ... سارح بخياله
وحلى الفورسيزون ... مملكة فرح
وفناجين البطاطس .. فناجين موهته ..
ويقولن البنات ماساء الله اسماء الحلى عندك غريبه ..

اترك مع الصور وغضوا البصر

اجل حلى سارح بخياله ؟؟؟هههههههه

دانة الروح · 31-03-10, 05:30 am

تسلم الايادي يا شيخه ذوقينــا

< فاشله بلحلى

تااج الورد · 31-03-10, 05:39 am

تسلم هالاياااادي السنعه ..

بس وين المقااادير

شموع تحت المطر · 31-03-10, 05:47 am

الصورة حلوة

طيب نبي المقادير

وين عاد حلى سارح<<حلو صاروا العيال يسوون حلى
يارب ياكريم

أسيل محمد · 31-03-10, 06:07 am

اقتباس:

المشاركة الأصلية كتبت بواسطة دانة الروح


	تسلم الايادي يا شيخه ذوقينــا < فاشله بلحلى

الله يسلمك ويوفقك
اسعدني وجودك هنا

ياعومري انتي الحلى كلو

أسيل محمد · 31-03-10, 06:08 am

اقتباس:

المشاركة الأصلية كتبت بواسطة تااج الورد


	تسلم هالاياااادي السنعه .. بس وين المقااادير

شرفتيني ونورتيني ياتاج

المقادير روحي لموضوع سارح

أسيل محمد · 31-03-10, 06:09 am

اقتباس:

المشاركة الأصلية كتبت بواسطة شموع تحت المطر


	الصورة حلوة طيب نبي المقادير وين عاد حلى سارح<<حلو صاروا العيال يسوون حلى يارب ياكريم

تسلمين يالغلا

اما وين حلى سارح روحي دوريه لاتقولين بعدي حطي الرابط اذبحك يالزوله

تااج الورد · 31-03-10, 07:09 am

اقتباس:

المشاركة الأصلية كتبت بواسطة جندوانا


	شرفتيني ونورتيني ياتاج المقادير روحي لموضوع سارح

ياحبيلتس بس

ايه يابعد سبدي رحت وشفتوه ..

التوت البري · 31-03-10, 11:26 am

[align=center]الله يعطيك العافية[/align]

لاشيء بدونك · 31-03-10, 03:17 pm

ههههههههههههههههه
اجل ابي حلى الي اسمه سارح بخياله
والله مب سهل سارح صار الحلى باسمه هههه
مبروك فوزك باغرب حلى ...
والله من شكله مبين انه لذيذ
تسلم ايدينك.

سارح بخياله · 31-03-10, 03:51 pm

هههههههههههههههههههههههههههه

والله يانا كشخه حلى بأسمي الله يستر لايكون بكرا يباع بمحل الحلويات ويكون اسمه حلا سارح همن تضيع حقوق الاسم شكلي بروح اوثقه بالغرقه التجاريه خخخ

اجل اسمه حلى سارح ومشت عليهن الله يرج عدوك ياجندوانا يأنا ضحكت على اللي اتصلت عليك بعد

الصراحه أبداع و سلمت يدينك