صباحكم شعر
لاتـعتذر رغـم الـذي مـنك لـي صـار
مـاصـار شــي ولـلـسوافي ذواري
الـنـفس شـيـهانه عـلى كـف صـقار
وصـيد الـخطا يـشبه لـصيد الحباري
بـعض الـبشر قبل الخطا يبدي أعذار
وبعض البشر يخطي ولاهو ابداري
والـحكي سـلعه نـاقل الحكي سمسار
بـيـاعها يـاأبيض الـوجه شـاري
والـزمل مـاعمر إعـترض دربه حوار
ولاهــي دروب الـلي بـليا أثاري
وأكـبر غبى رقص الفراشه على النار
بـاالذات لامـن صـارت النارناري
والا أنـت حُـرٍ مـاكرك راس سنجار
خـابـرك مـاصـيدة يـمـينك خـضاري
تـوفـي إلـيامن خـانت الـكف الأشبار
مـثلك لـقوس الـمعضله خير باري
والـقدر دار ولـك مـعزه و مـقدار
ولانـي ذلـيل وصـدر شرواك داري
مـاثـار دمّـي فـي عـروقي ولـو ثار
عـمـر الـنـدم مـاحاف سـيفه قـراري
حـيـاي فــي وجـهي حـمامٍ ولا طـار
وإن طـــار والله مـاتـجاوز مــداري
والله لـو رزقـي على روس الأشجار
مــدة يـمـيني مـاتـشاور يـسـاري
وإن ضـاع حـقي فـي مـشاريه الأقـدار
مـابي ولا واحـد يـرد إعـتباري
لـو مـاالعزيمه مـاأنولد فيني إصرار
والـذيب ماهو ذيب لولا المساري
وإن عـوّدت يـم الـسوالف والأشعار
يـكفيني أسـكت ويـتكلم وقـاري
ولـو الحقايق تنفض غبارالأسرار
والله لتصرخ طنْيةٍ باالصحاري.
منقووول
النفس شيهانه على كف صقار
العرض الشجري