وصلني هذا اليوم رسالتان من ( الحكومة !! ) على قولة اختنا شقرديه
طبعا وحده من الريس الكبير والثانيه من نائبه ( حفظهم الله ورعاهم !! )
وقد تضمنت هاتان الرسالتان طلب المشورة من شخصي الكريم ( وش دعوا !! ) بشأن ترقية الأخت ( بنت الأسكان ) مشرفة عامه بالمنتدى
وحقيقة أني احترت في بداية الأمرفما أدري أأقول الحقيقة أم أدلس عليهم بالحكي
فتذكرت حينها مقولة ( قطع الأعناق ولاقطع الأرزاق ) !!
فقلت لنفسي مابدهاش ياولد ( قضى الحكي الرسمي !! ) عطهم من هالرخيص وش يهم
وقعدت أعطيهم من ذاك المدح في ( بنت الأسكان ) ومن كثره حسيت إني أتكلم عن نفسي !!!!!!!!!!!!!!!!!!!!!!!!!!!!!
ويبدو إن كلامي كان له مفعول السحر على ( الحكومة !! ) ..
فما صدقوا خبر ورقوها مشرفه عامه (( الف الف مبروك ..!!)
لكن تدرون وش أول شئ سوته بعد هالترقية ؟؟؟
طلبت من ( الحكومة !! ) يشيلوني من الأشراف ( أنواع النذالة !! ) ( سلطة حريم !! )
بس الحمد لله كان ولد خالة أبن عم زوج خالة ولد عمي قهوجي عند ( الحكومة !! ) وصاد لي الخبر قبل مايصدرون القرار !!
ويوم إني دريت بالخبر ( الله لايوريك !! ) صار لوني بدل الرمادي قوس قزح ( يعني أجمل !! )
وقمت وكتبت ذاك المعروض اللي طوله عشر كيلو أبقدمه ( للحكومة !!) أحتجاجا على الموضوع بس من وين لي وجه وانا اللي مادحها لهم !! ( حقك ماجاك !! )
قلت ياولد قطع المعروض ما ينفع إلا تأخذ حقك بإيدك !! ( الأخ عربجي !! )
وانا ابطلع من المنتدى العام سألني ( الزعيم ) وش فيك متغير لونك ؟؟
علمته السالفه … فقال : لا تحزن فإنه لن ينفعك مع الحزن دار واسعة ، ولا زوجة حسناء ولا مال وفير ، و لا منصب سامٍ ، ولا أولاد نجباء
بس ( بنت الشرقيه ) قالت : خذها مني نصيحة الى لقيتها لاتكثر الهرج اللي مايودي ولا يجيب وترى كثر الهذر يضيّع الهيبه لكن عطه اطراقين وانت ماشي ( خوش نصيحة !! )
المهم طلعت من عندهم وقلت أمر المنتدى السياسي يمكن القاها هناك وتقصر عنوتي ..
والحمدلله كان القاموس غير موجود هالأيام وإلا كان علوم بس لقيت ( المتزن ) و ( المغترب ) وعلمتهم السالفه وسألتهم عنها فقالي ( المغترب ) : والله من زمان عنها يمكن أنها مسويه مقاطعه سياسيه وأقتصاديه …… الخ !!
لكن ( المتزن ) قال : تعال ياخوي نتحاور ونشوف من الغلطان أنت وإلا هي ( عاد هذا وقته !! )
طلعت من عندهم ومريت من عند المنتدى الأسلامي فشقه أخاف تشوفني ( اللبؤة ) وتقعد تقول وين أنت ماكد شفناك عندنا والمفروض والمفروض .. !! وأنا مانيب فاضي للتعذر ( بيني وبينكم أستحي منها !!)
رحت لم المنتدى الأجتماعي وكسرت الباب تكسير ( نص أخذ الحق بالتخويف !!) وطلع على ( وائل ) قلت له بسرعه : وين ( بنت الأسكان )؟؟
قال : توه رايحه هي و( بردقانه ) مادري وين .. بس تعال وش فيك معصب ؟؟
وقلت له السالفه كلها ( صاير مسجل !! ) قال : تعال عندي خذ دوره علشان تعرف نفسك قبل تلقاها !! ( يالله عاد أنا أبطرد من المنتدى وهو يقول خذ دوره !!)
رحت من عنده قلت أكيد أبلقاها بمنتدى الحريم ( سواليف وشذب !! )
ويوم طقيت طلعت علي ( خزامى نجد ) وقالت إنه راحت مع شقرديه يم سوق ابونواف يشترن شوي مواضيع !! ( وأنا اقول منين كل هالمشاركات !!)
وهربت بسرعه ماودي أقعد أعيد وأزيد بهالسالفه !!
ولاوقفت إلا بشارع الخبيب عند ( البارق ) ويوم سألته عنها قال : توي شايفها تركب ليموزين !! بس على فكره ترى الليموزين كان واقف وسط الطريق والمرور لاحس ولاخبر !! ( ماسلم أحد !!)
وجاء ( السكب ) وهو يقول : إذا أحد مسكر عليك لاتخليه يروح بس كذا !! ( دايم عجل !! )
دست له من عندهم ويوم أقبلت على المنتدى الرياضي لقيت ثلاثه مجدعين شمغهم ويغنون : ( نحمد الله جت على مانتمنى )( أكيد عرفتوهم !!) قلت لهم منهي ( بنت الأسكان ) !! قالوا : أي ( بنت إسكان ) الله يهديك هذي النتيجه ( كل على همه سرى !! )
وأنا رايح من عندهم لقيت واحد لابس بدلة كشخه ويوم سألته عنها قال لي :
نو … أي دونت تولك .. أي دونت سي .. أي دونت لسن !!!!
واللي كمل الناقص جت وحده شعرها أصفر وعيونها زرق قلت له : منهو ذا ؟؟ قالت : أوه .. ذيس إس أبدوالله !!( انحش ياولد هذولا مهب من ربعنا !!)
بعده مريت بأثنين وسلمت عليهم وقلت لواحد منهم من أنت يأخوي فقالي :
غريب أيها الآتي غريب أنت عن ذاتي
أنا من طينة أخرى كما إبحاري الآتي
فقلت له : إذا من الذي بجانبك ياهذا ؟؟ فقالي :
وأخ كأن الفجر يفتح قلبه وذراعه لي ، وهو يفتح بابه
( مالك ومال وجع الرأس دور غيرهم !! )
جيت عاد جيرانهم اللي قاعدين في بيت الشعر وشابين النار في عز القايلة قلت مير خذ معهم فنجال ويوم سألتهم من أنتم قالوا لي : حنا اللي ..
سوينا القاف بأيدينا وبدينا نبدي الموجود نصوغ الشعر وفنونه ونطرب من توحا له
( رح للي بعدهم !!)
رحت لمنتدى السوالف ولقيت ( شبيه الريح ) حاط الفرشه بالعاير ومجمع الشيبان ( التاج والبكيراوي !! ) وخذها سواليف .. قلت له : وين ( الفراشه ) ؟؟ (أكيد إنه مع بنت السكان ) ..قال : توه أخذت معه كراث وخبز حار وراحت لمنتدى الحريم تجمع سواليف !!
بعد كذا رحت إل منتدى السوالف ولقيت ( تقهو ) و( كرباج ) واقفين بالشارع يوزعون عصير وكيك على اللي يمرون من عندهم !!
(وأغلب الناس لالقوا شئ بلاش جو يركضون وبعده ماتشوف لهم أثر !!)
ويوم مالقيت عندهم خبر رحت يم منتدى الكمبيوتر وأول ماصادفت ابوابراهيم ( السعودي ) محمل كراتين ومستعجل ( واضح السفتي شغّال !!) قال لي وهو عجل سو له بحث بالقوقل يمكن تلقاها !! بعده جاء ( أبن الأسلام ) متماسك الأيدين هو و ( نعوم ) وواضح عليهم إنهم مبطين ماشافوا بعض !! قلت أجل وشلون يبي يشوفون ( بنت الأسكان ) !!
قلت ياولد رح لم منتدى الجرافكس ( هو كذا يكتب !!) ولقيت ( جواد ) قالي وشفيك لونك كذا تعال نحط لك ( لاير !!) جديد ونفلتر الطبقة العليا !! ( مادري هو تصميم وإلامكياج !!)
وآخر أمل لي كان منتدى الأ قتراحات ( وين راحت هالنزغة !!)
لقيت ( الداب ) و( قروي فاهم ) جالسين يكتبون ويقطعون بهالورق ويوم سألتهم عن ( بنت الأسكان ) قال ( الداب ) : أقترح عليك ياخوي إنك تجرب تحط إعلان وإذا مانجح تحذفه وتسوي إعلان ثاني ( هذا وقت تجارب الله يهديك !! )
قام قال ( قروي فاهم ) : ورى ماتكتب شكوى لأبو نوره إنه ماتداوم بقسمه !!( جاك عاد راع الشكاوي !! )
أووه جتني فكره !!
أكيد إنها عارفه إني أدورها ومنخشه عني !! بس وين وين تكون ؟؟عرفت !!
مافيه إلا قسم المحذوفات !!
رحت أمشي شوي شوي لاتسمع صوتي وفتحت الباب ……….
وأخيرا ……………………….. لقيتك يا ( بنت الأسكان ) !!!
آه بس لو ماصحيت من النوم !!!
وفي الأخير أقدم خالص تقديري ومحبتي لجميع الزملاء وأرجو المعذره عن كل كلمة لم تعجب أحدا منكم
[c]هههههههههههه
(ما تفوت عليكم ياها الرجال )..
أشهد أنه صاعين ..
لكن الحقيقة ..
لديك حاسة حبك القصة ..
بصورة جيدة جداً ..
إلى درجة أنها تعايش الشخص مع أحداث الرواية رغماً عنه ..
ولكن هل تصدق ...
أني رأيتك حينما هربت ..
ولكني تغاضيت ..
لأني رأيت من ملامحك الصارمة ..
موجة غضب ..
فقلت في نفسي ..
لأدعه وشأنه ..
فإن كان فيه خير سيعود إلينا ..
وإن لم يكن كذلك ..
فلو كان تحت (الركبة ) لن ينفعنا ..
ولكن تبقى كما ذكرت في الأول ..
إن شاء الله ..
(بس بصراحة مالك حق تخجل مني ) ..
فأنا بمثابة أختك ..
فهل تخجل من أختك ..
^
^
( حطتها قضية )..
( بعذره يوم يهج )..
الأخ الفاضل ..
الرمادي ..
أشكر لك إدخال السرور إلى قلبي من خلال هذه الطريفة الرائعة ..
كم أسأل الله أن يعينك على مقالب أخيتي ..
( بنت الإسكان )..
ولك مني وافر التحايا والتقدير ..
أختك المحبة ..
لبؤة
[/c]
كاتب الرسالة الأصلية الزعيم حراااااااااااااااام عليك يالرمادي
ضربتنا مشاوير وحنا ندور على هالشقيه كله من تحت راس الشقرديه والا بنت الاسكان اعرفه كانت عاقله ومؤدبه ههههههه
عسى الله يستر بس وتكون مثل ماتقول !!
اقتباس:
كاتب الرسالة الأصلية الزعيم اجل
ك
رحت من عنده قلت أكيد أبلقاها بمنتدى الحريم ( سواليف وشذب !! )
ويوم طقيت طلعت علي ( خزامى نجد ) وقالت إنه راحت مع شقرديه يم سوق ابونواف يشترن شوي مواضيع !! ( وأنا اقول منين كل هالمشاركات !!)
قويييييه
واحد يدور الشر
الظاهر إنك تبي تبلشنا وتخلينا ندور لنا سالفة جديدة نصحح به الأوضاع!!
اقتباس:
كاتب الرسالة الأصلية الزعيم ابداع يالرمادي
بس اخاف يأخذونك من عندنا لمنتدى السوالف والا القصه لاا اجل دمار ولا تعرف
طالب في مدرستك إستاذي العزيز وسواء بقيت أم رحلت فأنت الخير والبركة
العرض العادي
