الحصان الأسود يعاني من فقر دم بسيط

[الحصان الأسود]

السلام عليكم ورحمة الله وبركاته

أخواني تقريبآ قبل6سنوات وتحديدآ في الثالث ثانوي ..حضر إلينا مجموعة من الطاقم الطبي إلى المدرسه من مسشتفى الملك فهد .

لأخذ التبرعات من الدم من الطلاب فكنت أول امتبرعين ولله الحمد وأعلم مافيه من الأجر , لأخواننا المرضى .

المهم

بعد مضي شهريين تقريبآ حضروا مرة أخرى لأخذ التبرعات وبعد الكشف علي

أفاد الدكتور أني مصاب بفقر الدم قائلآ لاتستطيع واني مصاب بالأنيميا .......

*العلامات الظاهريه أحمرار بالأعين , شحب بالوجه والأظافر وإبيضاضها ..

وقبل يومين كنت بالمستشفى نفسه ومررت على قسم بنك الدم لأجس نبضي الصحي .

أفاد الدكتور أن بي فقر الدم , وناقشته بأني منذ فتره طويله وانا أعاني هذه الكلمه . وهل هناك حل لذلك , قال بعد ستة شهور سوف تذهب بأذن الله .

وحاولت الأستفسار أكثر وهل هنك فيتامينات أو وجبات معينه ,,,,

ولكن لم أستفد منه ؟؟؟؟

أخواني / أخواتي

بما تنصحوني وماهي الطرق الطبيه لتخطي حالتي البسطيه ..ومتى بإمكاني التبرع بالدم ؟

[بحر العطاء]

الحصان الاسود

غايب له فتره ..ومشاركاته قلت وتواجده غاب

هل بسبب الفقر الدم ام انشغال بالحياة

سلامات ياخوي ماتشوف شر

انصحك

بالزبيب
اكثر من اكل الزبيب ..الرسول صلوات ربي عليه كان يضعه بجيبه ..حط برطمان زبيب
فوق المغسلة حقتك والثلاجه ..والسيارة ..حتى تكثر اكله ..وخصتآ الزبيب اليمني

الكبدة
الكبدة حاشي \غنم يعوض الجسم حاول تفطر عليها شبهه يوميآ والحمدالله بوفيهات الكبدة من بعد صلاة الفجر تفتح \ وسعرها بريالين

البرتقال

اكل البرتقال ..انا حصل باليوم حبتين..او حبه ..او عصير

الجرجير
ادخله مع اكلك في كل شي
مع الغداء.والعشاء..حتى سندويشات الجبن زينها بالجرجير

القلال من شرب الشاهي والقهوة ..والبيبسي ..يساعد على اتلاف الحديد بالدم ..

[بحر العطاء]

[align=center]صباح الخير اخوي الحصان الاسود
انصحك..بمتابعة هذا الموضوع ...
http://www.buraydh.com/forum/showthr...35#post1455035[/align]

[نسكافية]

سلامات اخوي الحصان ماتشوف شر وعليك بنصايح بحر العطاء مية بالمية
اجر وعافية

[وضوح]

الزبيب اليمني ينقع ثم بالخلاط مده طويله مع ماء ثم يشخل.. يشرب كأس صباحا وكأس مساء ...طعمه مقبووول جدا كأنه عصير عنب !!

أيضا أكثر من أكل البقدونس ...مفيد جداً

** احذر من شرب الشاي بعد الأكل ،،وإن حصل تقلل من شربه مره لأنه يحرق فوائد الطعام ،،

واذا لزم الأمر فيه مغذي يوم بعد يوم لمدة أسبوعين تقريبا ..في أي مستوصف

الكثير تشافوا من الله ثم منه تماما ..!!

شفاكـ الله ..... دعواتكـ

[بنت البدائع]

بصراحه بصراحه أختي بحر العطاء ردت رد كافي ووافي

لو أستمريت على شي واحد من اللي ذكرته أختي بحر
راح تشوف نتيجه مرضيه بإذن الله

أعرف وحده من قريباتي أصيبت بفقر دم حاد
لما راحت للدكتوره
قالت له كيف عايشه أنتي بدون دم

أنصحته بأكل الجرجير بإستمرار

رفيقتنا صارت زي العنز ماتمشي إلا ومعها عوود جرجير

وصارت تدّخل الجرجير بكل أكله (مع الفطور والغداء والعشاء)وبين الوجبات
ولو فتحت الثلاجه تمعط له عود عودين وتأكلهن
وهي تتفرج ع التلفيزيون تتسلى فيه

المهم
راحت لمراجعه للدكتوره بعد شهر
أندهشت الدكتوره

قالت قوليلي وش سويتي
قالت: أكل جرجير بالهبل
قالت :تبارك الله نسبة الدم عندك أرتفعت ولاتحتاجين لكبسولات مساعده

وفيه نقطه وحده فقط ماذكرته أختب بحر ألا وهي

(الحلب)

أنا دايم أحاول أشم لو ريحه مو شربه لكنـ للأسف

يابخت اللي يطيق يشرب لو بياله وحده منه

مع أن ريحته تصرع لكنـ مايمنع الواحد إذا شرب وأستحم
<<< هذا يرفع نسبة المعادن كله بالجسم

عموماً نتمنى لك السلامه

[عازفة ألحان الليل]

اذا فيك فقر دم اكيد انك ماتاكل الخضار والفواكة وكثر المشي لزيادة تدفق الدم
بسيطة انشاء الله
اتمنى لك الشفاء العاجل

[أبو مـاجد]

عليك بالعسل والتمر وماتشوف شر

[الحصان الأسود]

بحر العطاء

هلا والله وحياك ربي وين الناس والله لك وحشه ..

اقتباس: غايب له فتره ..ومشاركاته قلت وتواجده غاب هل بسبب الفقر الدم ام انشغال بالحياة سلامات ياخوي ماتشوف شر

انا والله تقدرين تقولين انشغال بالحياة ..ولا لفقر الدم أي علاقة

وشكرآ لك على النصايح من الذهب ولا عدمناك وإن شاء الله بقد مااقدر آخذ بنصايحك ..

والله يبعد عنك كل مكروه ..

والرابط جدآ جميل وبإذن الله سوف تكون لي مشاركات من حين للآخر ..


نسكافيه

اقتباس: سلامات اخوي الحصان ماتشوف شر وعليك بنصايح بحر العطاء مية بالمية اجر وعافية

مايجيك الشر ان شاء الله والله يجزاك كل خير ..وهو كذلك ..


الكريمه وضوح

اقتباس: الزبيب اليمني ينقع ثم بالخلاط مده طويله مع ماء ثم يشخل.. يشرب كأس صباحا وكأس مساء ...طعمه مقبووول جدا كأنه عصير عنب !!

أول مره اسمع بالزبيب اليمني هل هو زي الزبيب العادي ..

وسوف آخذ بوصفتك ان شاء الله ..

والزبيب أحبه مع الرز أكثر شيء وبحاول اكثر منه بإذن الله ..

اقتباس: أيضا أكثر من أكل البقدونس ...مفيد جداً ** احذر من شرب الشاي بعد الأكل ،،وإن حصل تقلل من شربه مره لأنه يحرق فوائد الطعام ،،

كلام حكيم .....

والله ياخذ عاداتنا وتقاليدنا ..وانا من محبين الشاهي بعد العشاء وبحاول أغير العاده السيئه بإذن الله ...

اقتباس: واذا لزم الأمر فيه مغذي يوم بعد يوم لمدة أسبوعين تقريبا ..في أي مستوصف الكثير تشافوا من الله ثم منه تماما ..!!

إن شاء الله انه مايلزم الوضع ...بس عندي سؤال هل المغذي هذا نوعه لفقر الدم اول مثل تركيز أنواع المغذيات الأخرى ..

اقتباس: شفاكـ الله ..... دعواتكـ

الله آمين وإياك يارب والله يجزاك خير ..

[~ مي ~]

فقر الدم عادي أذا ماوصل لمرحلة الخطر
ونادر جداااااا يوصل .....

اجعل أكلك صحي مع مكملات غذائية
والزبيب الأسود حلو .... أنا مجربته
تنقعه بعدين تعصره وتبغى تضيفه مع
أي عصير ثاني على حسب رغبتك ...

الزبيب الأسود يختلف عن العادي
انت قل للعطار ابغى الزبيب الأسود اليماني
وبس هو يعرفه .......
وماتشوف شر يارب ......

[هامة حاسوبية]

[align=center]




الحصان الأسود


موضوعك بسيط بإذن الله

كل مافي الأمر اهتمام بالغذاء فقط

فقر الدم يعني نقص الحديد في الجسم

وبالتالي لابد من تناول كل ماهو غني بالحديد

الورقيات الخضراء غنية بالحديد بشكل كبير جدا ، أمثال الخس والجرجير

وكذلك الزبيب اليمني

وتجنب الشاي والقهوة والشكوكولاتات لأنها تقلل امتصاص الحديد بالجسم

لا أراك الله مكروها ، وأعطاك تمام الصحة والعافية أخي





[/align]

[وضوح]

أخي الزبيب اليمني أكيد تجده عند العطارين وفي جيان أوبنده أوالعثيم ،،

أما المغذي فهو خاص بفقر الدم لونه بني.. أعتقد أسمه (فيروساك )أو شبيه بالأسم ،،

معروف عند المستوصفات الأهلية ،،والصيدليات (فيه أحد يشتريه من الصيدلي

ويروح لمستوصف أهلي يأخذه بالمغذي ..أوفر ) ،، أتمنى أكون أفدتكـ

أما بالنسبة للشاهي فهذا أتوقع السبب الرئيسي لفقر الدم عندك <<<طبيبه على غفله !!

لأنه يحرق فوائد الأكل الذي من الأساس ينقصه الكثير الفوائد ،،

شكرا على دعاءك ،،

[الحصان الأسود]

القديره بنت البدائع

اقتباس: بصراحه بصراحه أختي بحر العطاء ردت رد كافي ووافي لو أستمريت على شي واحد من اللي ذكرته أختي بحر راح تشوف نتيجه مرضيه بإذن الله

أختي بحر ماقصرت ولا يهنتي انتي وباقي العضوات ..

وإن شاء الله هذي بادي بالتجارب

والله يحسن الحال ..

اقتباس: أعرف وحده من قريباتي أصيبت بفقر دم حاد لما راحت للدكتوره قالت له كيف عايشه أنتي بدون دم أنصحته بأكل الجرجير بإستمرار

لآحول ولاقوة إلا بالله ..

اقتباس: رفيقتنا صارت زي العنز ماتمشي إلا ومعها عوود جرجير

ههههه


صدق لقالوا الأنسان طبيب نفسه ..

بس وش افهم أصير انا زي التيس يعني

اقتباس: قالت قوليلي وش سويتي قالت: أكل جرجير بالهبل قالت :تبارك الله نسبة الدم عندك أرتفعت ولاتحتاجين لكبسولات مساعده وفيه نقطه وحده فقط ماذكرته أختب بحر ألا وهي (الحلب)

الحمدلله على صلاح الحال والله لآيعيد لها المرض ولكل مسلم يارب ...

بس الحلب زين وليش مطلعه لسانك ...والله لو ماله ريحه كان آكله بكل محل ..

أذكر مره من زمان طلعت للبر وقدت 10 أيام والله يالحلب بكل وجبه
*ملاحظه كان بالشتاء يعني ماله ريحه ولاتطلع أبد

اقتباس: أنا دايم أحاول أشم لو ريحه مو شربه لكنـ للأسف يابخت اللي يطيق يشرب لو بياله وحده منه مع أن ريحته تصرع لكنـ مايمنع الواحد إذا شرب وأستحم <<< هذا يرفع نسبة المعادن كله بالجسم

ههههه

مصيرك تتزوجين وتآكلينه غصب وتذكري كلامي

الله يوفقك ويوفق كل بنات المسلمين ..

اقتباس: عموماً نتمنى لك السلامه

جزاك الله خير أختي ..

[الحصان الأسود]

[align=center]

اقتباس:  المشاركة الأصلية كتبت بواسطة الفنانه والمبدعه     اذا فيك فقر دم اكيد انك ماتاكل الخضار والفواكة وكثر المشي لزيادة تدفق الدم بسيطة انشاء الله اتمنى لك الشفاء العاجل

والله من ناحية الفواكه والخضار كنت ماني حريص بزياده ..

لكن أبشرك الحين توي آكل فواكه والحمدلله ..

والله يجزاك خير أختي ..والله لآيوريك مكوره ..

تحياتي [/align]

[الحصان الأسود]

[align=center]

اقتباس:  المشاركة الأصلية كتبت بواسطة أبو مـاجد     عليك بالعسل والتمر وماتشوف شر

هلا بك ابو ماجد ..

شكرآ لك على النصيحه ومايجيك الشر بإذن الله ..[/align]