[align=left]
بشويش يا جرحي علي.. لحظه.. ابلقى لك مكان
لا تزعج إحساسي الم.. وأعظم جروحي ثايره
لحظه.. واضمك بالحشا.. دامي تعودت الزمان
لا شافني صدت الأمل.. زاد الجروح الغايره
دايم اداري علتي واطلب من الله الأمان
يومي شعرت ان الزمن ماني بقد اسايره
الشمس تغتال الفضا واشعاعها شق الحنان
لو كنت من بين البشر ما نيب صوب الدايره
يا جرح وقف وانتظر .. وانا بكسّبك الرهان
وآعيّشك بين النجوم اللي بصدري حايره
واقلّطك وسط الضلوع العوج واهديك السمان
واكرم مصابك في نزولك للجروح الذايره
واعاهدك واحلف بربي جد واعطيك الضمان
انك تبا تلقى جروحن تسعدك بي جايره
لو قيل بان الجرح يذبح واخر الجرح الهوان
ماكنت يادرب الجروح اليوم صوبك سايره
اسنين بالجره الم واداري الخطوه عشان
سم العدو يومه يطالع بي وعينه طايره
بكشف لك حجاب الزمن واللي خفا لجلك يبان
واعلمك بان السنين السود مني غايره
بشويش يا جرحي ..خلاص اليوم حصلت المكان
ريّح ..على صدري جروحن من زمن بي ثايره
[/align]
العرض الشجري