مشكلتي مع الشاب في اسواق الراشد

[غيدا]

[align=center][align=center]اهلين شباب اهلين صباياا

كيفكم شخباركم اليوم كنت فاضية

وطلعت السوق اشتري اغراض وانا في اسواق الراشد

شفت شباب بصراحة كسرو خاطري كل واحد جالس في زاوية ويترصدون

يخاف ان زميلة يطيح قبله في وحده وهو حاب

يسبقه عليهاا

غيدا صارت وحده من البنات لان فيه واحد صار يمشي وري

وقلبي صار يدق ويدق بقوة خايفه من الهيئة تفكر اني راضية

بصراحة طقت كبدي منه ...وبصراحة كنت موضع شبهه

وقفت قلت له اشتبي مني من اليوم وري تبي شي

قال ابغى الرقم بكل وقاحة

قال عطيني الرقم وبروح

قلت له انت مو متربي ضحك وقال ربيني يا حلوة

الناس اتجمعت عليناا و انا خفت الهيئة تجي وتاخذني واروح فيه

بسبب الولد هذا والغريب انه ماهمه وضل واقف وما هرب من الناس

وانا كاني صرت المذنبة والناس ما فيهم شهامة وما احد وقف جنبي

شفت ما فيه فايدة خليته ومشيت ومازل وري

طلعت جوالي وتصلت في السواق يجي اروح معهاا

لاني مليت من الولد وموراضي يخليني وصار يطالع فيني ولسان حالة بيقول

وراك وراك لو توصلين القمر

اخيرا جاء السواق وكانه نازل من السماء ورحت معاه

وقلت توبه اروح لوحدي مرة ثانية

تحياتي[/align][/align]

[جمان البحر]

هذا بسبب التهاون بالحجاب يعني لو انك لابسه عبايه ساتره أتحدى ابن أبوه يقرب لمك ...
وأكيد انك طاقه هالعبايه المخصره والطرزة وفاتحه البرقع اللي مطلع نص وجهك هذا اذا ماكنت متثلمه ..وحاطه عطر يشمه الواحد على بعد 200متر...
ومن أكبر الأخطاء انك تروحين لحالك للسوق ...المفروض امك ولااختك ولاحتى بزر يكون معك ..

اقتباس: وبصراحة كنت موضع شبهه

هذاك قلتيها بنفسك محل شبهه يعني لو انك متستره زين كان مافكر يقرب لمك ..

وبعدين وش الفائده من رزة الموضوع هنا ..صراحه مافيه أي شيئ يوسع الصدر ..مع احترامي لك ..
لكن أنت الان قاعده تجاهرين ....

الله يحفظنا ويحفظ بنات المسلمين ويهدي شبابنا وشباب المسلمين ...اللهم آمين .

[الفلته 9]

ههههههههههههههههههه
.
.
.
.

الله لا يكثر هالأجناس

[غلا الدنيا2007]

[align=center]



وااااااااااااااااااو وش تبين انتي رايحه هالمكان لحالك !!!!!!!!!!!
عاد هذي سوات تروحين لحالك لا واشين اسواق
اسواق الراشد به اكثثثثثثثثر المريضين الفاظين من الشباب اللهم لاشماته
بعدين انتي الله يهديك غلطتي ليه كلمتيه كان تركتيه وبيمل
اقول غيداء لاتعيدينه احسن لك << يقالي امون

[/align]

[غيدا]

اقتباس:  المشاركة الأصلية كتبت بواسطة جمان البحر     هذا بسبب التهاون بالحجاب يعني لو انك لابسه عبايه ساتره أتحدى ابن أبوه يقرب لمك ... وأكيد انك طاقه هالعبايه المخصره والطرزة وفاتحه البرقع اللي مطلع نص وجهك هذا اذا ماكنت متثلمه ..وحاطه عطر يشمه الواحد على بعد 200متر... ومن أكبر الأخطاء انك تروحين لحالك للسوق ...المفروض امك ولااختك ولاحتى بزر يكون معك .. هذاك قلتيها بنفسك محل شبهه يعني لو انك متستره زين كان مافكر يقرب لمك .. وبعدين وش الفائده من رزة الموضوع هنا ..صراحه مافيه أي شيئ يوسع الصدر ..مع احترامي لك .. لكن أنت الان قاعده تجاهرين .... الله يحفظنا ويحفظ بنات المسلمين ويهدي شبابنا وشباب المسلمين ...اللهم آمين .

اختي جمااان انا حاطة الموضوع مو مجاهرة ولكن تحذير من ان البنت اذا راحت

السوق لحالها انها عرضها للمشاكل

بعدين لما قلت اني موضع شبهه لان الولد يحق فيني مو قصدي ان لبسي زي

ماذكرتي لبس فاضح وعيوني مطلعتهاا وعطر

لا لبس عادي جدا

تحياتي لك

واتمنى ان الظن يكون حسن بيناا

[جبل السكر]

أهـــلين غيــدا

كتيــــر أمثالهـ مــانقــول إلا اللــــه يهــديهم ويصلحـــهم

ومتـل مــاقالت ريــم لــــو مــا أعطيتيــهـ بـــال وأهميـــهـ كــان طفــش وسيبكــ

وأكبـــر غلـــطهـ غلطتيهــا روحتــكـ للســـوق لـــوحدكــ وأكـــيد أخدتي درس ومــاحتتكـرر مــرهـ تــــانيهـ إن شــاءالله


جمـــــــــــــان البحـــــــــر

هـــــادا زمــــان دحــين تغيــر الحـــال
يعــاكسو أي بــنت يــلاقوها ســواء محتشمــهـ أو متبــرجهـ
ويتفننــو بالمعــاكسات يــاريت تــــوصل علـــى أرقــــام
وربـــي مــاأقــول كــدا إلا مــن واقــع عشتـــو وشـــوفت بعينــي
وطبعـــاً هـــادا نتيجــة غيــاب الــوعي الأسري والوازع الديني

أسأل الله أن يهــدي جميــع شبــاب وفتيات الأمهـ اللهم آمين


تحيتي

[فيصل...........]

اكيد شايفك مقنزعه بالجنز ياربية يحسبك
سوريه اولبنانية

عشان البنات هالحين كلهم جنوز باك

[جمان البحر]

اقتباس: جمـــــــــــــان البحـــــــــر هـــــادا زمــــان دحــين تغيــر الحـــال يعــاكسو أي بــنت يــلاقوها ســواء محتشمــهـ أو متبــرجهـ ويتفننــو بالمعــاكسات يــاريت تــــوصل علـــى أرقــــام وربـــي مــاأقــول كــدا إلا مــن واقــع عشتـــو وشـــوفت بعينــي وطبعـــاً هـــادا نتيجــة غيــاب الــوعي الأسري والوازع الديني أسأل الله أن يهــدي جميــع شبــاب وفتيات الأمهـ اللهم آمين تحيتي

أختي رواء الروح ..

أنا ماتكلمت من فراغ وانما تكلمت عن شيء شخصي ..
فأنا ولله الحمد والمنه ملتزمه بالعباءه الاسلاميه كما يسميها البعض ...(على الرأس وأكمامها عاديه)
ولم أتعرض في أي يوم من الايام لهذه المضايقات ..

ولا يمكن أغير رأيي هذا ..الا ان كان شباب الشرقيه والغربيه غير عن شباب القصيم ..!!

وأكيد مثل ماقلتي قل الوازع الديني و سوء التربيه ..سواء للشاب أو الفتاة..
ولكن أيظاً الفتاه لها دور في ذلك فهي تشترك مع الشاب بمسألة المعاكسه ..
فلو انها احتشمت لما حاول أي شاب أن يقترب منها خصوصاً اذا هاوشته وطردته ...
والناس راح تدخل لو شافوا ان البنت صدق مسكينه .....
الا ان كان أهل القصيم وشبابهم غير ..

[فيصل...........]

طيب له ما عطيتية رقم السواك عشان ينبسط
ويروح عنك

[جمان البحر]

اقتباس: اختي جمااان انا حاطة الموضوع مو مجاهرة ولكن تحذير من ان البنت اذا راحت السوق لحالها انها عرضها للمشاكل بعدين لما قلت اني موضع شبهه لان الولد يحق فيني مو قصدي ان لبسي زي ماذكرتي لبس فاضح وعيوني مطلعتهاا وعطر لا لبس عادي جدا تحياتي لك واتمنى ان الظن يكون حسن بيناا

طيب اشرحي لي لبسك علشام ماأسئ الظن فيك ...

يعني معقوله عبايتك هي الاسلاميه ..؟؟؟ويلاحقك..!!!
أكيد لا..

[توتي]

ماشاء الله << مستانس علشان اسواق الراشد بووه ريحة هيئه

اذكر اننا انواع الدوران بوووه ولا شفنا ولا واحد من الهيئه والامووور زيطه << متوقع ان الهيئة ممنوعه تدخل هنا



اولا الحمد لله على السلامه

ثانيا ياروح امك شلون تهربين من الرجل وتركبين مع السواق بدون محرم << فاقع مرارتي هالسؤال معليش لاتزعلين بس هذا من خوفنا عليك

[جبل السكر]

[align=center]

اقتباس: أختي رواء الروح .. أنا ماتكلمت من فراغ وانما تكلمت عن شيء شخصي .. فأنا ولله الحمد والمنه ملتزمه بالعباءه الاسلاميه كما يسميها البعض ...(على الرأس وأكمامها عاديه) ولم أتعرض في أي يوم من الايام لهذه المضايقات ..

الحمدلله اختي كلنا ملتزمين بالحجاب الشرعي الكامل
بس للعلم هادا الموضوع تناقشت فيهـ مع كتير من الشباب في موقع آخر
وللأسف كل كلامهم واحد يقولو مااااااااااايفرق عند الشباب بنت وخلاص
ربما لم تتعرضي ولكن غيركـ كتير تعــرض في كل مكاااااان نسأل الله السلامهـ

اقتباس: ولا يمكن أغير رأيي هذا ..الا ان كان شباب الشرقيه والغربيه غير عن شباب القصيم ..!! والناس راح تدخل لو شافوا ان البنت صدق مسكينه ..... الا ان كان أهل القصيم وشبابهم غير ..

لا جمــان كلهم طينـــهـ وحـــدهـ إنتـــي مــاتعرفي شباب القصيم
في جامعة طيبهـ مبدعييييييييين في المعاكسات أكيد تسأليني
كيف عرفت انهم قصمان
ماشاءالله عليهم معروفين بعبارات الإفتخار يلي مسطرينها على سياراتهم
قصيمي وافتخر وغيرو <<< وضحتها في أحد ردودي في القسم العام
عن شباب القصيم

وبالنهايهـ كل مدينهـ فيهـ الصالح والطالح يعني ماأعمم

الله يهدي الجميع[/align]

[الحنتريش]

[align=center]انا ماقد طبيت اسواق هالراشد مع اني اسمع انه العن من اسواق عبداللطيف جميل بجده
غيدا تسان رحتي للظران مول احسن من الراشد
وبالنسبه للي لحقتس الصراحه انتس ماعرفتي فوائد الكعب العالي الي الحين
تسان لفعتيه بالكعب او دقيتي على رجال الحسبه يضفونه

اقتباس:  المشاركة الأصلية كتبت بواسطة جمان البحر     هذا بسبب التهاون بالحجاب يعني لو انك لابسه عبايه ساتره أتحدى ابن أبوه يقرب لمك ... وأكيد انك طاقه هالعبايه المخصره والطرزة وفاتحه البرقع اللي مطلع نص وجهك هذا اذا ماكنت متثلمه ..وحاطه عطر يشمه الواحد على بعد 200متر... ومن أكبر الأخطاء انك تروحين لحالك للسوق ...المفروض امك ولااختك ولاحتى بزر يكون معك .. هذاك قلتيها بنفسك محل شبهه يعني لو انك متستره زين كان مافكر يقرب لمك .. وبعدين وش الفائده من رزة الموضوع هنا ..صراحه مافيه أي شيئ يوسع الصدر ..مع احترامي لك .. لكن أنت الان قاعده تجاهرين ....

جمان ودي ادري معين تفهمين لان الموضوع واضح انه نصيحه بعدم ذهاب البنت لحاله للسوق خوفا من الصعاليك واشوفتس ضربتي بالتأكيد على البنت بعدين لاتتهمين البنت وانتي تدرين ان الشباب الحين صار مايستحي ويفضل البنت الثقيله بمشيته والمحتشمه نوعا ما تغيرو مب على خبرتس
بعدين الي ماعنده اخت وامه عجوز وهي محتاجه السوق ضروري وش تسوي تستاجر ام الجيران مثلا؟
الموضوع مرزوز هنا عشان تنبه البنات بعدين ترا الشر وهي ماجاهرت لانه جابته كنصيحه بس اليوم ماتقدرين تفهمين المقصد ولكن بكرى حاولي واكيد بتفهمين
[/align]

[الفتـ الذهبي ـى]

مكانه بالقسم العام لانو نقاش جٍدي <-- جدي ولا عمي ههههه

[عجوز سمنسي]

والله مالي خبرة بالمغزلجية حقين اسواق الراشد
لو بسوق الجردة كان علمتك

بس اتوقع انه من المفروض تحطين ريالات حديد بشنطتك علشان تصير ثقيلة واذا قرب لك الهيس الاربد تصبخينه فيها علشان ينفجر راسه

عور ويناشق قوي العين

والله متطوين المغزلجية عندكم وناسة وفله