رعاك الله يالعين الشقيه
زمان البين سوا بك سوايا
طرقك من القدر نارٍ لظيه
لها باقصى معاليقي كوايا
قهر وهموم وهجوس قويه
تناهش بالحشا مثل الحيايا
واجر الصوت وجروحي خفيه
واكف الدمع عن شوف البرايا
اخاف الهرج لا يلحق عليه
كلام الناس اشد من الشظايا
ولا ضاقت علي الجرهديه
جذبت الصوت من بين الحنايا
تضيق الارض بالنفس الابيه
إلَا اذوها حميدين السجايا
الا ياليل ياليل الاسيه
اخاف ابيح من شرك عنايا
الا يادهر وش باقي قضيه
عسى ماعاد للماضي بقايا
علي هموم أثقل من طميه
تصارعني وتحرمني كرايا
وصبري من عصور الجاهليه
تحملته بما فيه الكفايا
وطيت النار واثر النار حيه
واعيش اعوام ادور عن دوايا
احسب ان الدواء بالصيدليه
الين الشمس غابت عن سمايا
واسوق الرجل مالي مقدريه
وادوس الشوك وقدامي حفايا
ولا لي في طريق الوصل نيه
ولا لي في طريق الهجر غايا
الا يالله ياارب البريه
تروف بحال مطعون الخفايا
/
لـ ممدوح المرزوقي البقمي
(شاعر الثقلين)
رعــــــــاك الله يـ العين الشقيه
العرض العادي
