السلام عليكم ورحمة الله وبركاته كل عام وانتم بخير وتقبل الله منا ومنكم صالح الاعمال خواتي الغاليات..اكيد الكثير منا استفاد من هالقسم بكل مافيه من شؤون تتعلق بالمراْه والمنزل..عندي طلب منكن عزيزاتي وطلب من المشرفين على هذا القسم ان يثبت الموضوع ليكون مرجع لنا جميعا لنستفيد ونفيد اما طلبي هو ان كل وحده تكتب تجاربه واكتشافاته في عالم المكياج والكريمات والصابون وكذلك مستحضرات الشعر والجسم والتنظيف والجمال بشكل عام ..لاْنه يمكن يكون عندنا اشياء مانعرف قيمته..او نشتري اشياء غاليه ليست بالفائده المرجوه علشان كذا نتبادل الفوائد والتجارب والاشياء اللي اكتشفناها من خلال استعمالنا لها ...والواحد يفعل الخير للغير وفرصتنا في هذا الشهر الكريم لننال الاجر بنفعنا للاخرين..انا عندي مجموعة اكتشافات من تجاربي انزلها لكم بعد ما اشوف تفاعلكن وحماسكن. الشروط... ..ان يكون المستحضر انت مستخدمته شخصيا وشايفه منه نتيجه اكتبي النتيجه ومدة الاستخدام.. ..لامانع من كتابة افضل ما جربتي..مثلا افضل كحل ثابت.. افضل سنفره ..كل شي اكتشفت فيه فايده جديده اكتبه حتى لو هو الفازلين لا تحتقرينه لا تنسون كل شي في عالم المرأه والجمال من الراْس الى اخمص القدمين ولكم تحياتي وكل عام وانتم بخير وصحه وسلام
حنا بهالدنيا..نزور ونفترق..
يمه.. مابه الا انا لحالي بذا وينكن .....بناااااااااات ما اسمع الا صدى صوتي......
وااو حلووو موضوعتس خيتو يكفيتس حنانه .. اممم بالنسبه للتجربه أكيييد ما به غيره ماء الورد ... سواء مكعبات مجمده أو وهو سايل كلهم مفيييد ونتيجه رووعه .. ننتظر تجاربتس وتجارب الحلوين ان شاء الله يدخلون .. ثااانكس خيتو ..لا عدمنا جديدك ..
مشكووووووره الله يعطيك العافيه على طرح تجربتك الحلوه ماء الورد ممتاز للبشره ويعطيها نضاره..شوفي بشرة الايرانيات وبعض العربيات كلها نضاره لأنهم ما يستغنون عنه انا استخدمه للوجه بعد الاستحمام وبعد الغسول اليومي .......حلو هالغسول طحت فيه بالصدفه لكن طيحه تستاهل وانا من زمان ادور على غسول للوجه بهالمستوى وجاي الدور عليه ان شاء الله واقولكم تجربتي معاه شكرا اختي شرفتيني بحضورك
مرحبا ياحلوين يبدو ان الناس ماعندها تجارب عموما انا ملاحظه ان الردود بهالقسم قلييييله تجيب النوم..والتفاعل بطئ جدا يعني نادر القى موضوع عليه اقبال كثير بعكس المنتديات النسائيه الثانيه كل الموضيع عليها اقبال وتفاعل وحماس من العضوات .....شكلي ابرجع لمنتداي الخريش.
هاااااااااااااااااااااااااي كيفكم الخلطه الصابونية ررررروعه انا جربتها وكمان جونسن اوردي لليدين
طيب ما فيه شي يبيض الركب
:
انا جربت مره طريقه لتبييض الاسنان وهي سهله مررررررررره هي : فرشاة اسنان .عسل اصلي لا خلصتي مفرشه حطي بالفرشاة عسل مثل المعجون وفرشي عادي ملاحضة/ يمكن ماتبين النتيجه بالاسبوع الاول يمكن بالاسبوع الثاني لكم ودي..........
مممم ... الفازلين مع الكركم اذا حطيته على الاكواع لمدة ساعتين .. بعدين تغسلينه بعصير الليمون مع الملح الخشن وتفركينه شوي شوي .. استفدت منها كثيييير ... بس استمري وكرري الخلطة كذا مرة وبتشوفين النتيجة ان شالله ... ورح انزل خلطات الدكتور جابر للتبييض ان شالله .... الف شكر لفكرتك الخطييييييييييييييرة ....
شكرا ياحلوات ايه ابي كذا نتبادل الخبرات والتجارب الصراحه شجعتوني اقول بعض تجاربي....على السريع لاني مشغوله الان.. كريم اساس هادي مره وريحته حلوه صناعته سوريه..كنت استخدمه للبيت لانه بعد ما تحطينه بفتره بسيطه..يكون لونه كأنه طبيعي,, واستخدمه للمناسبات للذراعين يعطيهم نضاره من زمااااان استخدمه...بس تدرون وش اكتشفت فيه ؟؟؟؟ انه مزيل للعرق... وحتى يصلح للجسم كامل وريحته حلوه :for 5: هدايا لكم كللللكم
حلوو ... بس ماقلتي لنا وش اسمه ياااحلوة ..؟؟ وبانتظاار تجارب فراشات بريدة ...
المشاركات المنشورة لاتمثل رأي إدارة المنتدى ولايتحمل المنتدى أي مسؤلية حيالها
كلمات البحث : منتدى بريدة | بريده | بريدة | موقع بريدة
والتفاعل بطئ جدا
العرض العادي
