••ترٌى مآيذبح[العآشق]..سًوى»» لآگثرت أوجآعہ‘••

[شميساوي]

حاولت أضحكـ ...

حاولت أطلع من البيت ...

حاولت أجلس مع أهلي ...

حاولت أضيع وقتي بـ متابعة فيلم ...

حاولت أكتب خواطر أو شعر ...

حاولت أسوي أي شئ من شآن أنسى كل شئ ...

بس مافيه فايدهـ ...

حبهـــــــآ طــــآغي على كيـــــآني ...

مافيه أمل أني أفصله عنــــي ...

[شميساوي]

من الفضاوة ...


جالس أفتش بـ دولابي ....

و الله يا طلع أشياء قديمه عندي ماله داعي ...

بس تجميع بـ الدولاب ...

تصدقون أن عندي سيارة مشتريها يوم أنا بـ الأبتدائي ...

سيارة بريموت كنترول ... فيراري حمراء

و الا اللحين موجودهـ عندي و محتفظ فيها ..

و عندي مسدس ,,, اللي لونه ذهبي ,,, أيقاله للفضاء ...

يطلع شرار ...

عندي خرابيط واجد ...

توي أدري أني تقل شـــــــآيب ....

أحب تجميع الأشياء القديمه ...

لا و المشكله ,,, أول كنت أتطنز بـ أبوي

أقول ما يجدع شئ أبد ...

صرت اللحين مثله

(( من شابه أبــاه فما ظلم )) ...

الله يستر بس ...

شكلي أبي أبدأ أجمع الأكياس

و المغيطـــات (( السيور )) حقات القروش

و أجمع المفكــــات و الزراديات ...

<<<<< يتخيل شكله ههههههههه

عاد من حينه غرفتي مليانه ...

مهب نـــآقصه زيادة قراشيع ...


..


.

[شميساوي]

.



..



...



أنا عندي سهمه (( كلمه مرادفه لكلمة هوايه ))


أحب و أدوخ على تجميع السبحــــآت ...

و أحب الســـآعات ,,,, أذا رحت لأي سوق ...

لازم أدخل محل سآعات ...

ولازم أشتري ســـآعه

وخذ يا خساير وصرفيات ...

و المشكله أني ألبسها أسبوع ...

بعدين أصفها مع أخواته اللي قبلها

عندي سبحاة غاليه ...

أسعارها ما بين الـ 300 ألى 500 ريال ...

و عندي شئ أرخص شوي ...

بس تصدقون أني مأ أطلعهن أبد ...

أخاف يضيعن ... أو يضفهن أحد مني ...

فـ خليتهن بـ البيت للغبار و الشمس

عاد شكلي أبي أسوي لي محل سبحـــــآت

يمكن أستفيد منهن ...

أما الشئ الثــــالث اللي يطير دراهمي ...

هو النعال (( وأنتم بـ كرامه )) ...

الجزمـــات = النعـــال = الحذيـــان = الشوز ...

أختر الأجابه الصحيحه

أشتري غاليات مرهـ ...

و المشكله أنك تبي تـــآطى عليهن بلاوي

بس ميزة الغالي أذا كان ماركه ...

أنك تكرفه كرف ,,,, ولا يبين عليه أبد ...

قد شريت جزمات من الموسى ... قبل سنتين

بـ 250 ريال ...

صناعتهن أيطاليات ...

تصدقون أنهن ألى اللحين تقل جدد ...

[شميساوي]

والموهبــــــــة الرابعه


تجميع الطوابع


لا أمزح ...


أول ما يطلع جهاز جديد لا زم أشريه

تقل به شئ يفرق عن غيرهـ ...

بس خسارة قروش ...

لكن الحمد لله ...

تقل أني عقلت عن هـ الحركه

[شميساوي]

و الله يا بعض المرآت و دكـ تجلد النت جلد ...

بطئ و يحوم التسبد

الله يجيب الشركة اللي تاطئ على الأتصالات وطي

[شميساوي]

اقتباس: الشــــــــــوش

اقتباس: اليوم حلمت بحلم يجنن حلمت ان عندي بصبوص صغيرون يهبببل ينآدين بأسسمي ويدلعن بعد <~ هذآ الله يسلمكم من زود ان الحلم خرطي

ههههههههههههههه

بصبوص و يهـــــــــرج

شكلتس يوم تنـــــــــآمين مكثرتن من اللبـــن خخخخخخخخ

عاد تصدقين أني أحب البصابيص قوهـ ...

بس أذا كبر شوي ,,,, و غدت سيقانه طوال

والله يـــآهو يحوم التسبد يغدي

عاد وش صار عليه ...

هو بتل يهرج أو صار أطرم خخخخخخخخ

[شميساوي]

تدري أن النظرهـ البريئه هي أول مفتـــآح للقلوب ...

أذا خالطهـــا بعض الأبتســـــــآم ..

[شميساوي]

عندما تهـــآجمني الهموم ,,, وتحـــآربني الوسآوس و المشــآكل ...

و تجعل يومي أسودا ً ...

عنـــــــدهـــــــآ ,,,, لا أتذكر ألا أنت ...

نعـــــــــم ,,,, أعلم بـ أني مقصـــــــــر ...

ولكــــــنني ,,, علمت بـ أن عفوكـ فوق كل شئ ....

فـ يارب أعفوا عني ...


.....


علمــــت بـ أن رزقي لن يـ أخذهـ أحدا ً غيـــــــري ...

فـ أطمــــئن قلبـــي ...

فـ يـــارب عجل بـ رزقـــــي ,,, فـ أنا بـ أمس الحـــــــآجة له ...


......

[شميساوي]

اقتباس: ܔ ســـاندرا ܔ

اقتباس: الفــــــــــــــارس مبرووووووووك الأفتتاح بتوفيق

الله يبــــــآركـ فيكي و بـ أيـــأمكـ


و الله يوفقكـ لكل خيــر

[شميساوي]

و الله يـ البزران يفقعون الرآس ...

ياما سكروا الباب ,,, وياما فتحوهـ ...

و كل شوي يصبخون به ...

و المشكله تلج عليهم ,,, بس ماش الهيبه لك عليه شوي

و أمهاتهــم ما يبن أحد يقول لـ عيالهن شئ أبد ..

أذا ضربته أو هشته ...

مدت بوزهـ شبرين ... غذت مثل الممثله الكويتيه اللي تافختن وجهه وصايرن تقل

كفر تيوبلس ,,,, وبراطمه تقل حوايف خبز تميس اللي به سم سم ...

(( شيمـاء علي )) ...

[شميساوي]

أذكر يوم أنا صغير ...

كنت أطلع ألعب مع عيال الجيران (( طب ))

او ما يسمى بـ المصاقيل أو ما يسمى بـ البرجونات ...

عاد و الله ياهم لاعبينن علي

طاحوا بواحد دبشة مثلي و مايعرف يلعب ...

ههههههههههه

كل يوم أشري لي بـ ريال طب ...

همن بـ خمس دقايق وأثرهم فايزين علي و صاقعين أبو اللي جابهن

و أنا أرجع للبيت أدودل أيديني ..

و بعيوني دمعتن عيت لا تطيح <<<< وش عندهـ الحساس

عاد أمي الله يحفظها من كل شر ...

تقول سادهـ ,,,, أنا قايله لكـ لا تشري طب ... ما تعرف لهن ...

بس يبن يطيرن دراهمك على الفاضي ...

و أنا ماش ,,, أشري كل يوم ,,, يقالي أبرجع اللي وخذ مني ...

همن يكسرون رآسي من جديد ...

و غدت الدعوى مثل القمـــآر ...

خخخخخخخخخ

أدمنت عليه ,,, أحاول أرجع الخساير و أعوض ,,, بس ماهنا لعب أبد ...

أيه بس .... عسآهم بـ الف حـــل

<<<< هههههههه غصب علي أحللهم ,,, بلاهـ من شين لعبي

[شميساوي]

و أذكر يوم كنت صغير ...

كان أبوي الله يشفيه و يحفظه ...

ما يبين أطلع بـ السيكل بـ الشارع أبدا ً ...

يقول لا تطلع على حصان أبليس بـ الشارع ترى بـ أكسر عصب رجليك

عاد تعرفون الشيبان و هوآشهم يوحش ...

أنا من الخوف ...

أطلع أويدز عند باب الشارع ,,, يمين و يسار ...

همن يسار و يمين ,,, و أذا ضمنت أن الوضع سالك و مستتب ...

طلعت للشارع ,,, بس ما أتعدى بيت الجيران ...

خخخخخخخخخخ

يقال أني مخربها اللحين ...

عاد يوم من الأيـــام جاء الوالد مع واحد رفيق له ...

وجايين بـ السيارهـ ,,, و انا مادريت أنه معه أبوي ...

و أنا فرح أن أبوي ماهوب بـ البيت علشان آخذ رآحتي بـ السعسعه و الدوجان بـ الحآرهـ ..

وكنا ســـــآكنين بـ الفايزيه

أحسن حي بـ العالم

عاد و أنا أمذرح بـ السيكل ,,,, ويجي رفيق أبوي يوقف عند باب البيت ...

أنا من الروعه و الخوف هجيت للجيران

من الدباشه ,,, لو أنا جاي للبيت تسان أهون شوي ...

المهم و أقعد أتنافض و أتحقرص لي شوي ...

وش اسوي و ش أقول لأبوي ...

عاد دريت أن الدعوى به جلد كم عصا بـ الخيزرانه

و الله ياهي حاله بعد ...

وجي أتشهد و أطلع لبيتنا ...

و أثرهـ يحترين بـ الحوش ,,, قاعدن يسن السكينه خخخخخخ

لا أمزح قاعد يحمي الخيزرانه ,,,, علشان تصير الجلدهـ سنعه وما تنمسح عن المخ أبدا ً ...

أنا دريت بـ الوضع ...

على طول رحت لمه أصيح

صحت وهو ما ضربن ألا اللحين خخخخخخخخخخخخ

بس الصراحه شكله رحمن و جلدن على خفيف

عاد عقبها حرمت أطلع للشارع أبد ...

الدعوى به كم عصى على كم قبصه على كم خقله ...

فـ أنا مانيب ملزوم يصير عاهات و أنا توي صغير السن

عسـآهـ بـ ألف حـــــــل ...

أول كنـــا نحسبها جلافه و تسلط ...

طلع من الخوف علينا ما يبينا نطلع من البيت

دايم نسمع ...

ولد الفلان صدمته سيارهـ ,,, و لد فلان مخطوف ...

ولد فلان طاحوا به أهله يدخن

ومن هـ البلاوي ...

صاروا ما يبوننا نطلع من البيت أبــد ...

عاد ما ضرنا ولله الحمد ...

طلعنـــا رجـــــــآال


....

[شميساوي]

اللهم أشفي كل مريض ...

و أنزل عليه شفاء لا يغادر سقمـــا ً ...

و أجعل ما أصابه رفعة له ,,, و تكفيرا ً لـ ذنوبه ...

اللهم آميــــــــن

[شميساوي]

و الله يـ الجو الحـــــــآر يجيب الكسل ...

ودي أطلع من البيت أخلص لي كم مشوار ... بس الجو ما يساعد ...

ليت الملك ,,,, يحط على المملكه تسبرهـ (( مظله )) ...

تغطي كل المملكه ,,, و يحط فيها مكيفات أسبيليت

علشان يبرد الجو غصب ...

و الله يانا ما أداني الحر أبد ...

يجيب المــآغص ,,,,

[شميساوي]

جالس أناظر مسرحية مراهق بـ الخمسين للفنان : عبدالحسين عبدالرضا ...

و الله يآهو مهبول هـ الشايب

أذا قالوا لك فنــــآن فـ هو هذا الممثل ...

صح أنه شيعي

بس الله الهـــآدي ألى سـواء السبيــــــل ..

هـ المسرحية شفته أكثر من مرهـ ...

وعجزت أمل منـــه ...

و مسلسل الحيـــــــاله ...

هذي لحــــاله ,,,, ضحكتنا ضحك بـ رمضــــان ...