اختــــــــى الكبيره تنام وانا اكنـــــــــــس !!!!!!!!!!!!!

[عاشق ديرتي بريده]

اول شي احمد ربي اني ماني متوسط اهلي والسبب اللي اسمعه من الناس !!
يقول واحد ياشين حياة الاخ الاوسط متسلطين عليه كل البيت بس يكززونه لكل مكان
واقولهم طيب شوفوا اخوي الكبير ويقولون لا عيب هذا اخوك الكبير اقول طيب كزو اخوي الصغير ويقولون لا هذا توه صغير مايعرف شي !!
والضحيه اللي بالوسط

والبنت نفس الشي بس هي اللي تزين كل شي بالبيت اذا مافيه شغاله... الكبيره يستحون منها والصغيره مدلعينها ويقولون توها على شغل البيت !!!


صحيح وراه دايم الضحيه الاخ الاوسط والا الاخت الوسطى !!!


ارفقــــــــــــــــــوا عليهم تراهم عيالكم وبناتكم ,,,,,,

[هامة حاسوبية]

[align=center]

فعلا الفتاة الصغرى قد تكون مدللة من ناحية عمل البيت

وقد تدلل هي نفسها إذا لم يدللها أحد

ولكن ذلك قد يؤثر عليها مستقبلا في حياتها الزوجية

عفوا غيرت محتوى الموضوع تبعا لوضعي الإجتماعي


تحيتي

هامة حاسوبية

[/align]

[فتحي الشقاقي]

من ناحية العيال صدقتي والله

انواع الكزكزه .. بس الواحد ماله الا اهله لازم يخدمهم


اما البنات

اتوقع ان البنت الي تشتغل بالبيت بتكون هي ملكتة

يعني تتشرط وتامر وتنهى ومافي احد يقولها شي لانها تخدمهم عشان كذا لازم يدارونها

والله احس ان البنت الي تشتغل هذي هي السنعه الصالحه الي وقتها مكتمل .. اما الي ماغير جالسه تلقاها دايم طفشانه كسلانه بايخه لا شغله ولا صنعه


بالتوفيق

[ابوخالد382]

اقتباس:  المشاركة الأصلية كتبت بواسطة فتحي الشقاقي     من ناحية العيال صدقتي والله انواع الكزكزه .. بس الواحد ماله الا اهله لازم يخدمهم اما البنات اتوقع ان البنت الي تشتغل بالبيت بتكون هي ملكتة يعني تتشرط وتامر وتنهى ومافي احد يقولها شي لانها تخدمهم عشان كذا لازم يدارونها والله احس ان البنت الي تشتغل هذي هي السنعه الصالحه الي وقتها مكتمل .. اما الي ماغير جالسه تلقاها دايم طفشانه كسلانه بايخه لا شغله ولا صنعه بالتوفيق

صدقت يافتحي ...البنت اللي تخدم بالبيت هي اللي تعبر وتدبر والباقي كومبارس...أنا أختي هي اللي تدير البيت كله,,والجميع يضرب لها ألف حساب وهي على فكره مو الكبيره...مشكور أخوي عاشق

[جورينا]

عاشق ديرتي ؛؛

حياك الله اخوي ؛؛

صراحه غريبة اول مرة اسمع ان الاوسط هو اللي عليه الركزة بكل شي ؛؛

شف انا الكبيرة وكل شي على راسي بالبيت ليتي بالوسط او من الاخيرين كان ياسلام

لامسئولية ولاهم يحزنون ؛؛

بس شكل اللي تتكلم عنهم هم بالاساس خدومين او راعين فزعات ؛؛

شكراً لطرحك اخي الكريم ؛؛

[بنت بريدة سابقا]

والله اني صرت افكر بالموضوع صدق الاوسط هو الضحيه دائما

توها تستوعب على العموم مشكور

[عاشق ديرتي بريده]

اقتباس:  المشاركة الأصلية كتبت بواسطة فراشة نجد     عاشق ديرتي ؛؛ حياك الله اخوي ؛؛ صراحه غريبة اول مرة اسمع ان الاوسط هو اللي عليه الركزة بكل شي ؛؛ شف انا الكبيرة وكل شي على راسي بالبيت ليتي بالوسط او من الاخيرين كان ياسلام لامسئولية ولاهم يحزنون ؛؛ بس شكل اللي تتكلم عنهم هم بالاساس خدومين او راعين فزعات ؛؛ شكراً لطرحك اخي الكريم ؛؛

اجل اهلك مايعرفون يدللون الكبيره ويعاملونكم سوا
تعجبني العائله اللي كذا

[بقتن بالدعيسة]

مهب شرط ابد

اول قبل يتزوجون خواتي كانت اختي الكبيره هي الي تكرف (بس راحت لبيت رجله وهي سنعه مسنعه)

واختي الوسطى راحت لبيت رجله ماتدبر لو ان رجله موب ولد اجاويد تسان جدعه علينا ثاني يوم ( بس ماظرّه مشالله الحين تمد السفره منذا لذا <<تاشر بيده )

وهالحين حيث اني الصغر وحده وخواتي معرسات لا جا نهايه الاسبوع (خميس وجمعه) يلعنون جدفي مع ان به شغالات بس يقال انهم يبي يعلمونن عشان ماصير مثل اختي الوسطى << --- اسطروه كف وتسكت


الزبده ان اختي الوسطى كانت هي المدلعة ومالحقت تكرف مثلي انا وختي التسبيره لانه تزوجت على طول <<كبت العشا

[the-moon]

حسبي الله على الإجازة
أقترح على الإدارة يوقفون لنك موضوع جديد عن كاتب الموضوع أعلاه
مب معقوله كل يوم منزلن موضوع به حرفين شوفوا له صرفه

[عاشق ديرتي بريده]

اقتباس:  المشاركة الأصلية كتبت بواسطة the-moon     حسبي الله على الإجازة أقترح على الإدارة يوقفون لنك موضوع جديد عن كاتب الموضوع أعلاه مب معقوله كل يوم منزلن موضوع به حرفين شوفوا له صرفه

لاتقول للادراه ولاشي
انا بصرف نفسي واترك المنتدى
<<<<<< طايبه نفسه من المشرفين ومن نائب المدير

[بقتن بالدعيسة]

اقتباس: لاتقول للادراه ولاشي انا بصرف نفسي واترك المنتدى <<<<<< طايبه نفسه من المشرفين ومن نائب المدير

به شي ودي اقوله
يابن الحلال اذا بتسمع كلام كل من هب ودب تب تتعب..!!
الي تسذا المفروض تكبر عقلك عنهم ..

اخي عاشق .. كلي ثقة بجمال عقلك ..

[الـ مها]

قلت لك مواضيعك سخيفه وبايخه لاعاد تكتب شي


طيييب

[*يتيمة*]

بالعكس الكبير هو الى مكروووووف سوا بنت ولا ولد

وانا اكبررر دليل

يسلموا عاشق على الموضوع الرايق

[أمـ ـنـ ـيـ ـه]

هع هع

يا حليلكم ,,,

أنا الوسطيه تقريبا لكن انا واختي الكبيره نكر ونفر بالبيت ,,,

أصلا شيء حلو يعني اذا كسلت أروح أدور شيء بالبيت أسويه ,,,
يعني انتم اللي تكززون وأنتن اللي مكروفات خذوها تسليه لكم
يعني لاتسوون مشاكل
وبالعكس قول\ـي بسوي كذا عشان مثلا أفتح النت<< يعني كافؤ أنفسكم
وبتصير ونااااسه

انا لما اطفش اجدد نشاطي بكذا وانا مسويه صدااااقه مع المواعين هع هع ,,,
اذا طفشت اروح ألمعهن وأسولف عليهن شوي
ولا أروح للغسيل أقول يالله جينا لدرس إزالة البقع بـ الكلوركس خخخ ,,,

ووناااااسه خلكم ايزززززي ,,,

بنموت إذا انكرفناااا!!! ,,,, عووودي ,,,

تشاااو

[أمـ ـنـ ـيـ ـه]

أنا اشهد انك صرت مشهور يا عاشق خخخ

قالو كل مواضيعك حريم ورحت ادور مواضيعك ,,,