الله لايهينكم ردو علي.... - علاج حب الشباب

[خالد2007]

السلام عليكم ورحمة الله وبركاته ...اما بعد:-

ماهو اعلاج حب الشباب وازالة الاثار

ردو علي تكفون.....

[باونتي]

اضمن لك روح طبيب بشره
لان مهما عالجت واستخدمت علاجات وكريمات من نفسك خطر تضرك
بالتوفيق

[دينا]

[align=center]

وعليكم السلام ورحمة الله وبركاته

رح لدكتور وهو يعطيك الي يناسبك
وإذا الحبوب عميق بيعطيك حبوب الروكتان تستخدمها 6 لـ 4 شهور اثارها الجانبيه كثيره هي مكلفه مادياً بس
للحين تعتبر أقوى علاج لحب الشباب تحتاج (كرتون بـ270 وتحليل بـ250 وزياره للدكتور شهرياً)

اما اذا الحبوب بسيط بيعطيك كريمات مع صابون ازالة الدهنيات ..

المهم الدكتور بيحدد ولاتتستخدم اي شي قبل تستشير دكتور .

[/align]

[فراشة خجولة]

فعلا حبوب روكتان حلوة واعرف وحده استخدمتها وماشاالله بشرتها طلعت صافيه

لكن ماتوخذ الا بوصف طبيب لانها لها اثار جانبيه لكن نصيحة رح لدكتور افضلك


وعسى ربي يشفيك
....

[M!ss cute]

انتبهو من الحبوب هذه
مضارها كثيره
كيف تفضلون البشره على الكبد والكلى والبنكرياس ...ألخ
صديقتي وصفهن لها دكتور لكن طلب منها كل شهرين تحليل وكلمها عن مضارهن
قالت خليني على الكريمات افضل

[همسة قلب]

[align=center]
أنصحك تروح عند الدكتوررر
وعلاج حب الشباااااب الوحيد ...الروكتــااااان

لاتخاااف موش له مضار ...بس الضررر اللي يسخدمه بدون وصفه طبيه

بنت خالتي تعاني من حب الشباااب..وراحت للعيااادة
وسوالها تحاليل وصرف لها حبوب الروكتاااان لمدة أربع أشهر ... وهالحين ما شاء الله تبارك الله

بشرتهااا تجنننن ...‘‘‘
[/align]

[المتمرده]

فيه دكتور بالرياض سعودي
ممتاز جداً
وحده من قريباتي تشكي من حب الشباب كثير
راحت عنده وعلاجة ورتاحة مره

ماابغى اكتب اسمه هنا اخاف المشرفين يحذفونها على طول يقلون دعااااااية
لو تبغى عنوانه اجيبه لك وارسله على الخاص

[ماجد الفريدي]

والله شباب عندي حبة خال ابيها تروح وعجزت!!!!!!!!!!1

[رواسي]

عندي شيء بيط وسهل وتلقونهـ عند العطآآآر
وبكم يوم وأحيآنآً في يومهآ تروح

ألي هي المُرهـ

أشتروهآ من عند العطآآر رخيييصهـ مررررررررررهـ
خذوآ منهآ قطعهـ صغيرهـ وحطوآ عليهآ شوية مويهـ سآخنهـ عشآن تذوب
بس أهم شيء يوم تنخلط مع المويهـ تكون كثيفهـ
حطوهآ على الحبهـ
وكل مآجفت المرهـ شيلوهآ وحطوآ على الحبهـ مرهـ ثآنيهـ
وبكذآ رح تجف وتروح بسرررعهـ

تمنيآتي للجميع ببشرهـ ملسآء الملمس صآفيةً نقيهـ

سلآمـــي لكم

[ابوريان2]

الى الاخ /خالد
السلام عليكم ورحمة الله وبركاته :
اسأل الله العظيم رب العرش العظيم ان يشفيك
فلايجوز ان تقول الله لايهينك لأن الأهانة للكافر
مع تمنياتي لك بلتوفيق.

[روبينا]

أنصحك بزيارة دكتور
متخصص بالجلدية

[المعذب]

انت اللحين لا تاكل مكسرات وفصفص جميع انوعها

والشكولاته - الكاكاو

او الحلا او اي شي يدخل فيه مثل الموكا وغيره


لانك اذا علاجت الجلد في كريمات او تنظيف بعد اسبوع ترجع باالافراز من داخل البشره
والدهون ترجع تتراكم وتصير حب الشباب

ومو على طول تجيك النتايج

الصبر

[إنسانه وأكثر]

خالد
سلامتك وماتشوف شر

فيه دكتور في مستشفى قوى الامن بصراحه علاجه فعال وسريع

وغير كذا بالمجان


تمر ست شهور والعلاج واحد وتروح فلوسك وانت ماحصلت فايده >> وجهت نظر

اتمنى لك الشفاء

[بقايا قلب]

العلآج في العيادة


الشعبيات لا تسمن ولا تغني من جوع

[engel]

خذ لك حبوب زنك
تنطم الهرمون لاجل ما يطلع لك حب شباب ولا له أي آثار جانبيه ممكن يحسنن وضعك النفسي والبشره والشعر
بعد كذا عند آخصائيين الجلديه ممكن تسوي تصحيح بشره بالليزر مع أن الرجل ماله داعي يسوي بشرته
لكن ممكن كل فتره تسوي صنفرة عند الحلاقين وقناع الذهب عند حلاقين يصفي البشرة وينضرها ويكفي عن الليزر ، أهم شيء نظافة البشرة ، ولابد تستخدم غسول وجه عادي أو من الماركات العالميه ، ، تجيك مجموعه كامله غسول وتونيك وواقي يكلفن الف تقريبا ، وغير كذا فيه مساج للوجه ممكن تسويه يحسن البشرة