مــــــــــــدونـــــــــــــــــة ،،saga،،

[SAGA]

[ALIGN=CENTER][TABLETEXT="width:70%;background-color:black;"][CELL="filter:;"][ALIGN=center]

البكاء ليس تعبير كلي عن الحزن والأكتئاب
فقد يكون سببا في الشعور بخيبة الأمل
عند عدم الوصول للتطلعات والمطامح

[/ALIGN][/CELL][/TABLETEXT][/ALIGN]

[SAGA]

الحــرمان هو أن تسهر حتى الفجر
ثم لاتستطيع أن تصلي الوتر
لإنشغالك بلاشيء
,,,,,,,,,,

[SAGA]

هدوء الأنفاس لايعني أننا بخير

[SAGA]

[ALIGN=CENTER][TABLETEXT="width:70%;background-color:black;"][CELL="filter:;"][ALIGN=center]
السّعادة حين تأتي تأتي بسيطة , وبقدر بساطتها يكون عمقها

[/ALIGN][/CELL][/TABLETEXT][/ALIGN]

[SAGA]

[ALIGN=CENTER][TABLETEXT="width:70%;background-color:black;"][CELL="filter:;"][ALIGN=center]


بعض الرسائل تنبش جروحاً گدنا نظن أنها اندملت !

[/ALIGN][/CELL][/TABLETEXT][/ALIGN]

[SAGA]

استغفرالله وأتوب إليــــــــــه
توي مخلصه هواش مع ربع حسم بتويتر
والحين بنكمل الهوشه بالمجلس
تابعــــــــــــونا

[SAGA]

يــــــــــــــازينهم يانااااااااااااااااااااااااس
تكفون الله يخليكم إذا تعرفون أحد يبيعهم خبرون

هذي مو بسه هذي أرنب

أرانب الأنجورا
هذا النوع من الأرانب ذو ألوان متعددة إلا أن أهمها وأكثرها انتشاراً هو اللون الأبيض
ويربى بغرض إنتاج الصوف ويغطى الصوف الوجه والآذان والأرجل بغزارة
حيث ينتج الأرنب 0.8 - 1 كجم من الصوف فى السنة وتنتج الأم خمسة بطون فى السنة
ومتوسط عدد الخلفة فى البطن 4 صغار و يخلط صوف الأنجورا مع صوف الأغنام أو الخيوط النايلون
ويصنع من هذا الخليط أقمشة غالية الثمن ويتميز بألوانه الجميله
يعني بعد عشر سنين إذا الله أحيان بيصير عندي 40
وأفتح محل أقمشه
وأسميه سجــــــــــــــــــــــــــــــــى

[SAGA]

يمــه وقسم بالله توحشت
دخلت على أكثر ناس يتابعوني بتويتر
توقعوا من طلع لي من ضمنهم
خــــــــــــــــامنئي ماغيره ؟
يمه وش يبي
الحمدالله إنه بإيران يامـــــــــــــامي

[SAGA]

ابقولكم الابيات اللي نكتبه بدفاتر الكليه منول

كانك على فرقاي ياهيه مرتاح
أنا على فرقاك أبذبح ذبايح

,,,,
اقول اسمع ترانا لايقين لبعضنا
كنك نهائي الكاس وأناهلالي

,,
إما غرام يشرح الصدر طاريه
وإماصدود وعمرنا ماعشقنا
,,

لاابوك لاابو من ترجى حنانك
لاابو قلوب بالهوى تشكي الظيم
,,


كثار هن بس ما أذكر إلا ذولي
الدكتوره تشرح وحنا نكتب خواطر
كيف الحال؟؟ ؟


^^^
نسيت أقولكم كل الشله اللي متأثرين وعايشين الجو
كلهم فشلت قصص حبهم

[SAGA]

يالله اجعل وفــــــــــــاتي في صلاة
بين سجده وتسبيح وركــــــــــــوع
واجعل آخر كلامي في الحيــــــــاة
لفظ قول الشهاده في خشـــــــوع


أراكم قريبا يا أبنائي لاتقلقوا
وداعا<<ههههههههههه الذله بنت حلال
المهم إذا فقدتون شهر شهرين بلغوا عن بإيران

[SAGA]

نصيحه لكـــن يابنات لاتخلون الفتره من الجزمه بالعرس
لين ليلة العرس طويله
قسم بالله هــم
لاتقولين تجهيز ومدري وشو يمدي بشهر
أنا من يوم الملكه ليوم العرس 5شهور قسم بالله تعب نفسي
لاهم إلا هم العرس
ابوي يقول بعدما ماخطبن اللي بتزوجه
جاء صديقي يخطبتس(للي هي أنا) لولده
قاله ابوي اني مخطوبه
راح صديقه لناس ثانيين وخطب منهم ووافقو والحين متزوجين لهم شهر
شكله حملت الحين ماشاءالله

[SAGA]

الإيمان بأن الأرزاق من الله
وأن الله يقسم الأرزاق لعباده فهذا يكون غني وهذا يكون فقير
أشك استغفرالله إن بعض الناس يؤمنون بهالشي
كل ماقاموا وقعدوا
قالوا كثرة الفقراء بالدوله سببها الحكومه!!
الحكومه ماتعطي!!
ياجماعه الله تكلف بأرزاق العباد مهب آل سعود
ياما شفنا ناس أغنياء صاروا فقراء
وناس فقراء صاروا أغنياء بقدرة الله

الله يشفيهم بس

[SAGA]

تذكرون بنت خالتي كتبت عنها بالمجلس قبل كم سنه
إنه تكلم واحد بالمسن<<ياقدمه المسن خطر
أبشركم بتعرس
طبعا تركت هذاك اللي يكلمه بالمسن
الغريب سبحان الله إنه بتاخذ مطوع إلى الآن عجزت استوعب
لإنه هي تحب الفكر الغربي
يعني لو أحطه بأمريكا بتنبسط ماعنده أي مشكله بالحياه


هالمقدمه عشان أقول للبنات اللي للحين مصدقات إن فيه حب قبل الزواج كذب بكذب والدليل بنت خالتي هذي
اللي يغثن تجي وحده ايقاله فاهمه ومثقفه تقول
لاااااااااااا أصلا فيه قصص حب نجحت
ياعزيزتي وين نجحت..
أنا أسألك الحين لو قالوا لك بتسوين عمليه من بين 100حرمه تدخل العمليه تعيش وال99 يموتن
ترى الحب قبل الزواج عندنا نفسه

أبسط حل قولي للي يحبك وتحبينه تعال اخطبني
افلقين إن جا

وبالنهايه والله أمي راحت لعرس وعجبته بنت وخطبته
وانتي اقعدي صيحي عاد

لاتغترين
تقولين والله هو باين انه رجااال ويخاف الله
ياينت الحلال لوهو رجال مارضى لك شيء مايرضيه لإخته
واللي يحز بالخاطر اشوف البنت عاقله ورسميه مع الرجال
وفجأه أشوف اسلوبه يتغير مع واحد منهم لإنه حبته ومقتنعه بيجي يوم بيخطبه

والمشكله الثانيه//بعض البنات مختفات يبن العرس
بظنه إذا كلمت واحد بيتزوجه
ياعزيزتي الزواج قسمه ونصيب
ويوم زواجك مكتوب
استغفري وادعي احسن لك


لاتغترون
الوحده تقول من حبه لي يكتب فيني شعر
يابنت الحلال اركدي بس
الله يعافي تحديد الكل

يرسلك أنتي وعشر معك

هدى الله الجميع

[SAGA]

للحين ماعرفوا خوالي إني بتزوج
والله إني شايله هم لتعليقات البنات وش بيفكن منهم
وفيه وحده هذي بلحاله عاد مسكينه
من يوم حنا صغار وهي تقارن بيني وبينه وحالته حاله
لازم إذا تشوفن تشوفن بالتفاصيــــــــــــــــــــــل لدرجه إذاسمنت شوي أو نحفت هي تعلمن
ويوم دخلنا الجامعه خافت إني أتزوج قبله
كل ماتشوفن تسأل ما إنخطببتي
وحاقده عي تحاول تجرحن من أي ثغره
يوم صرت بثاني جامعه أعرست
قلت بنفسي فكه لو أتزوج قبله يشيلونن بالإسعاف من عيونه

وتخيلوا ثاني مره شفته بعد الزواج
قالت بحقد ايه أنتي بتكملين دراستك ثم تتزوجين مهب مثلي تغربلت أدرس وأنا متزوجه<<من اللي مختب يبي العرس قبل كم شهر ,,
ومتحمسه بتشوف اللي أنا بتزوجه تخاف يصير أجمل من زوجه
عاد شكل إذا عرفت إني بتزوج بتروح لدوامه تشوفه عادي ماعنده أي مشكله بالحياة,,

أنا ودي أدري من اللي قايلن له قارني تفاصيل حياتك بتفاصيل حياة سجى

[SAGA]

قال صلى الله عليه وسلم (انظروا إلى من أسفل منكم ولا تنظروا إلى من هو فوقكم فهو أجدر أن لا تزدروا نعمة الله )
* الفوائــد:
1- هذا الحديث يبين ويحث الإنسان أن ينظر إلى من هو دونه في أمور الدنيا.
- السبب في ذلك: لأن الإنسان إذا رأى من فُضِّلَ عليه في الدنيا طلبت نفسه مثل ذلك ، واستصغر ما عنده من نعمة الله تعالى ، وحرص على الازدياد ليلحق بذلك أو يقاربه.

2- أنه إذا نظر إلى من هو دونه فيها ، ظهرت له نعمة الله فشكرها وتواضع وفعل فيه الخير.

3- أنه ينبغي للمسلم أن ينظر إلى من هو أعلى منه في أمور الدين ، لأن ذلك يحفزه ويشجعه على الطاعة والمزيد من العبادة والإقبال على الله.

4- أن من أسباب شكر الله على نعمه النظر إلى من هو دونه في أمور الدنيا

متأكده لو الجميع اتبع الحديث حق الإتباع
لإنحلت نصف مشاكل المجتمع