للأسف فيه كثير من الناس يحط حواجز بنفسه لكل شيء يمر فيه وما يلتفت للأشياء البسيطة والمريحة بحياته ..
ترى الحياة سهله وميسره على اللي يسرها و العكس صحيح ..
ندري أنه في الحياة كثير منغصات ومشاكل ولكن مو شرط تكون مبسوط إذا انحلت وزالت ..
حاول تعايش وتكيف معها لان نظرتك للحياة هي اللي تحدد وتحول الالآمك لآمال ..
سعادتنا مو باللي مو عندنا ونشتهيه ، سعادتنا بأننا نستمتع باللي عندنا بالفعل ...
كلنا نعرف مانديلا اللي عاش 28 سنة في السجن وكان يطمع بالحرية والنجاح
حتى وهو بالسجن حتى طلعه الحاكم غصباً عليه من السجن ...
وبعد أيام صار مانديلا هو الحاكم ،
عيبنا أننا نستعجل ( خُلق الإنسان من عجل ) ونحكم على الشيء من ظاهره ( لا تحسبوه شراً لكم )
واغلب احكامنا تكون غلط ونبني عليها أشياء وتصورات مو في مكانها ..
يعني جد وش بتكفي عقولنا إذا أشغلناها بالتوافه وهالصغائر مو لازم تكون مساحة هالشيء من عقولنا للأمور المهمة والعظيمة ..
ليش ما نشوف الجانب المشرق ياللي يمر فينا وكيف نستفيد منه !
التعقل وبُعد النظر يساعدنا على التصرف الصحيح .. يمكن هالأمور اللي أزمتنا هي نفسها اللي ساعدتنا على الانطلاق ..
مش دايم الحلول المعقدة هي الصحيحة ..
ماأخذنا من الدنيا عهد على أنها تصفى لنا ومابينا وبينها ميثاق على داوم الرخا
لأن المشاكل والأزمات ملازمة للأنسان ( لقد خلقنا الأنسان في كبد )
بس يبقى الأمل بالله شمس لنا ما تغيب ..
مو لازم تجربة سيئة مرينا فيها تأثر فينا بشكل مبالغ فيه نجلس نتكلم فيها لشهور
ويمكن سنين هذا غير التفكير المستمر فيها ..
وكم من مشكلة مالها وجود أساساً وإحنا اللي كبرّناها وعاشت في خيالنا من لاشيء ..
فيه حكمة في الثقافة الصينية تقول أن اللي مايحس بمتاعب الحياة مب رجاّل
واللي ما يحتملها برضو مب رجاّل
ويقولك بعد أن الإنسان القوي السعيد ما يستسلم لمشكلات حياته ..
تعرفون أجاثا كريستي .. تراها كانت تعاني وهي صغيرة من مشاكل في فهم قواعد اللغة
وكانت يالله يالله تتهجىء الحروف لكن سبحان مغير الأحوال بتفأؤلها وكم كلمة تشجيع من أهلها تجاوزت هالمشكلة
وشوفو الحين شلون صارت ووصلت انه يطبع لها سنوياً 500 مليون نسحة من رواياتها وقصصها حول العالم ..
واخييراً ، سألو شايب عمره 78 .. هل قلقت يوم من شيء ؟ قال : لا ،
لأني أعرف أن ربي سبحانه قادر على تصريف الأمور
وأنه تعالى ما يحتاج نصيحة مني وعشان كذا تركت له تصريف أموري بحكمته جلّ شانه
ومضه *
الصلاة تراح بها النفوس المتعبه ، بها تعود أسراب الأرواح المنهكة إلى أعشاشها ..
يالهفة المشتاق ويارحمة البائس الكئيب ويا قبلة البائس المهموم ..
الصلاة شفاء القلوب .. الصلاة دواء لمرضى النفوس والإجساد !
العرض العادي
