| يوميات أعضاء المجلس الرمضانية |

[دِيم]

اقتباس:  المشاركة الأصلية كتبت بواسطة حُـلم     ,’ تصدقين ديم .. توي مآاستطعمت الفيمتو ولا اشتهيت السمبوسه بعد حتى جيراننا اللي كانوا بتله يسوون هريس يرسلونه لنا ومن يجينا نرميه الله لايواخذنا .. نقلوا وحتى التلفزيون مدري ليه ماتمبلت عنده .. البيبي بيدي وماغير ناس تطحن وتعزي برنامج العوده ويقطعون بجلد التُفيخه حليمه .. ويتباشرون بشعر شوجي .. وطبعا طاش لها نصيب الأسد ..طفشت ورميته .. حتى الطبخ ماعاد مثل آول .. السُفره الرمضانيه صارت برمضان وغيره مع هالحر يادوب تعبين روحك بميّ بارد ويكفي .. مدري شبوه هالرمضآن .. هو جآ بدري .. ولا حنآ مافقدنآه .. بس له جوه الخاص الله يرزقنآ الاجتهآد بطاعتة ..من حسنت بدايته حسنت نهآيتة .. ,’ مآزالت عندي قناعه ../ الي ببيتهم (فصولي) لهم حاله استثنائيه بأيامهم لنا طُقوس من وحنا صغار يُمنع تجاوزهآ في رمضآن .. اليوم أُنتُهكت بسببه وآبوي ساكت وبالعكس مبسوط < تو آقتنع انه صار جَد وشيّب .. آصبري أعيش يومي كويس واجي اسولف عليكم فيه + مكة وكل عآم وآنت بخير يآديم

الله يديم النعمة .. *_*

ماعليه معك معك بتشتهين كل شين .. حتى المعصوب
،
أمّا التلفزيون لا تسأليني عنه .. مالي خلقه البتة .. *_*


+ هئ أبي بيبي .. مفعله الخدمة من يومين ولسه ماشغلوها
فقدت شعبي الكريم .. فاتتني حفلتهم بليلة رمضان ..


،
ومنين لنا فصولي ..
لوشة وراحت , والحين تقبع في قعر الشرقية ..


،

> أقول خل نتلاقى بمكّة .. هه .. > تذكرت سالفة محارة مع البنت اللي تبي تقابلها *_*

[دِيم]

اقتباس:  المشاركة الأصلية كتبت بواسطة لمسة حلا     رمضان ماأروع أجوائه لكن ماتحسين بروحانيته الا لما تسمعين أصوات المساجد بصلاة التراويح وأنا للأسف ماأسمع ولا مسجد مدري ليه يسكرون الميكروفونات !!! قهر والله

إيه صح ..

فاقدة أصوات المساجد ..

ياخذ روح هاللي مسوي هالقرار .. أحرمنا من هالمتعة ..



شرفت ..

[دِيم]

اقتباس:  المشاركة الأصلية كتبت بواسطة قلب الأسد     اول يوم من رمضان لازم يصيـر ملخبط البرنامج طبعا بما اني بأجازه صليت الفجر ونمت بعد الصلاة بساعه همن صحيت لصلاة الظهر همن رجعت واتقلب وطار النــوم بالاخير نمت لحد العصر وصليت وجلسنا بعد ا لصلاة قــران همن رحت اغسل السياره لانه وسخه من زمان .. بعــدين بداء العطش يلعب بي لعب وجاء الفطور والخرشه مع الفطور وبعدين افطرنا وصلينا المغرب همن عاد قهوه وشاهي اهم شي بعدين رحت اصلي العشاء بمسجدي اللي كل سنه لانه يطـلع بدري وزين صوته رهيب مره .. وبعدها طلعت للزقرت قعدنا ورجعنا الحين

أول يومين ماينشره عليهن
يعني عادي لو سوت ساعاتنا البيولوجية انقلاب على أمنّا *_*
أكل كل الليل ونوم النهار ..

،

هه أهم شي العطش لمن لعب فيك ..
زين ماسويت لنا فيها وقلت إنك منشف المواعين ..


شرفت أخوي ...

[فسقــان]

السسلام عليكم
ديم ... وشلون يعني نسسدح يوميتنا هنا ..؟
هي تسسذا أسدح يوميتي حقت اليوم ..؟

[يزيد 2011]

تسحرت وبعدين صليت الفجر وبعده نمت لين اذن الظهر وصليت
وبعده قريت قرأن نص ساعه ونمت لين العصر وصليته
ورحت اجيب مقاضي ووديت ثيابي يتسويهن التسواي
اذن المغرب افطرت ورحت اصلي وبعده حطيت ع ام بي سي طااااااااش

وصليت العشاء والتراويح وبس قلت قصة حياتي خخخخخخخخخ

يسلمووووو ع هيك موضوع

[دِيم]

اقتباس:  المشاركة الأصلية كتبت بواسطة مشغول و شاغلني     السسلام عليكم ديم ... وشلون يعني نسسدح يوميتنا هنا ..؟ هي تسسذا أسدح يوميتي حقت اليوم ..؟

ههه .. قبل أسجّل خروج وإذ بي أرى .. الأفيتار تبعك.. > ضحكت من قلب عليه ..

،
يب اسدح كل شي حتى لو تبي سماط سفرتكم .. *_*



*

يالله يالربع .. أستاذنكم .. يقولون الحاشي اللي ب قدر الكاتم عيا يموت .. لازم أجي أضغط القدر كويّس .. > حشى ضب مو حاشي

[لعيون دودي]

ديم... كل سنه وانتِ بصحه وسلامه والجميع,,,
رمضا ن هالسنه غير فقدت الوالد الله يغفر له ويرحمه واموات المسلمين اجمعين اللهم آمين... من البارح وانا مكتئبه ..حاولت اتعوذ من الشيطان وامسح هالدموع وربك رحيم..
رمضان ماهو مثل غيره بالتاكيد يحس الواحد باجواء غير ,,
في الغالب اليوم يكون مع الاهل والقراءه والصلاه ام التلفزيون مالي خلقه ..
بعد التروايح طلعت لتاديه السلام على كبار العيله وبس
اللهم تقبلنا واعانا على الصيام والقيام آآمين

[يزيد 2011]

والله انك كفووووا يالفتى ايه ساعده مابه شي
والله يخليكم لبعضكم

[حُـلم]

اقتباس: > أقول خل نتلاقى بمكّة .. هه .. > تذكرت سالفة محارة مع البنت اللي تبي تقابلها *_*

تبين بالصحن ولا بالتوسعه خبرتس الوقف منب اواطنة < لا تسمعن محاره
دخلتها مره برمضان شوي واصير بنت لعائله ثانيه مدري وشو جنسيتهم ..
من زود الزحمه شوي ويشيلونن معهم


آجل لوشه عندنا ..الله يعينه ع الرطوبة ..
البيبي ..دقي ع السيرفز تبع شريحتك ويحدثها لك من عنده ..أو يكون جهآزك يحتاج تحدثين السوفت وير < يُنقل لقسم الصيانه والاستفسار

[حُـلم]

اقتباس: هي تسسذا أسدح يوميتي حقت اليوم ..؟

هههههههههههههههه
تكفى من غير حقت الوسيلة ..خلنا نصوم بها النهار
آو اسدح سواليفك بالليل ..يمدي الوآحد يشرب مويه لا شرق بالضحك

[الفتى السمنسي]

وش دعوى ابله ندى بدل ماتشجعيني وتسدحين كلمتين تشجيعيتين للغلبان علشان إنه يساعد المدام جالسه مستغربه وعلامات التعجب تحوم على نفوخك .
عموما المدام عندها رباط صليبي بالركبه وتوها مخلصه عمليه بمستشفى دله قبل شهر تقريبا ومو زين بحقي وهي بالوضع هذا أجلس واتركها لوحدها .
على فكره ياندى من سابع المستحيلات الشغاله عندي تدخل المطبخ نهائي حتى غسيل المواعين ماتلمسهم وعلشان كذا فزعت وضبطت الفطاير بالفرن .

[فديكا التميمي]

رحت وجيت وانتم تشخمطون بذاااا
لاتصيرون كتبتوا حق بكرى وانا ياغافل لكم الله ..؟؟

[حُـلم]

اقتباس: من سابع المستحيلات الشغاله عندي تدخل المطبخ نهائي حتى غسيل المواعين ماتلمسهم

اجل وين الشغل الي بتزينه ؟!

[قـتـالـه]

اقتباس:  المشاركة الأصلية كتبت بواسطة دِيم     + هئ أبي بيبي .. مفعله الخدمة من يومين ولسه ماشغلوها فقدت شعبي الكريم .. فاتتني حفلتهم بليلة رمضان ..

تذكرين يوم يصير معي كذا ونعتيني بالعليميه
دقيت عليهم وبغى يطلع علي الحرش من السماعه
يقول طفي الجهاز وافتحيه وتجيك الخدمه
واحسبه يصرفن .. لما سويتها واثروه صادق
احبهم حرشان مركز العنايه بعملاء stc

[تركـي]

للتنويه فقط .....

الموضوع سوف يكون مغلق
ويتم أفتتاحه من بعد صلاة المغرب وحتى الساعه 3 فجرا يوميا ..
لسرد يومياتكم ...