&^ مدونة طاري الشوق ^&

[طاري الشوق]

كل مااسجل حضور القى حضورك
يالحضور الي غدا كل الحضور
ماتشوف العين نور غير نورك
ماجذبني غيرنورك اي نور
بس لاتقتل حضوري في غرورك
كم تموت حروف باسباب الغرور

بوحي

[طاري الشوق]

حنا شربنا حبنا للوطن شرب
شرب الرضاعة في سنين الطفوله
حق علينا نحمي الشرق والغرب
ونحمي شماله والجنوب ببطوله
نسقي ثراه بدمنا ساعة الحرب
ونرد كيد المعتدي ماينوله
حنا لحاكمنا سيوف لهاضرب
فوق الرقاب العاصيات الجهوله
نحمي حمى البيتين ونعاهد الرب
ان الكلام الي نقوله نطوله

بوحي

[طاري الشوق]

ماني لأحد يالي بتشريني انا ماني لأحد
انا الذي حريتي ترفض سجونك والقيود
لا تحسبني في الهوى اركض ورا الي يبتعد
ماني من الي خافقه سلعه ويطلب من يزود
لكن انا ياجاهلي مملوك للفرد الصمد
الخالق الي في يده حكم البشر بيض وسود
بوحي

[طاري الشوق]

خليك جرئ و في عيونك جرائة
ناظر علي وحط عينك بعيني
ترا العيون تجيد فن القراءة
تقرا عبارات الغلا والحنيني
بعرف لوانت تحب حب البراءة
والا جبرك القلب والعقل فيني
بوحي

[طاري الشوق]

افتحي دفتر حياتي واكتبي
قصة المشتاق بعد البسمله
اكتبي شوقي وسهدي وتعبي
والغرام الي بقلبي احمله
واكتبي عن كل لحن يطربي
مع قصيد بالهيام محمله
واذكري فيها حنان المطربي
لاجت انغام الشجون المؤلمه
بس يكفي ياهجوس اليعربي
كل سطر بالعلوم تعلمه
دام محد يقرأ الي تكتبي
كن كتبك بالحروف المهمله
لكن امسح ماكتبته واشطبي
لاكتبت لشخص معنى يجهله

بوحي

[طاري الشوق]

تستحي كل الحروف من العتب
لابغيت تعاتب الخل الوفي
دايم في بالها طاح الحطب
وان بغيت اللوم منها تختفي
اثر خلان الهوى فيها رتب
كل ماطال المعاشر تعرفي
احد يدور على الفرقى سبب
واحد بأيات عذر يكتفي
واحد ان حده زمانه واغترب
مانسى عشرتك لو يكتفي
القلوب اشكال لوقالت تحب
والليالي للمخبأ تكشفي
كم حبايب تحلف بمصحف ورب
قل من يصدق ولوه يحلفي
بوحي

[طاري الشوق]

عرفتك لا تخفا من ورا بردايتك وغطاك
واعرفك لوتخفي صادق الأشواق بهدومك
عرفتك من طريقة مشيتك من طلة محياك
عرفتك من شذا عطرك وريحانك ويشمومك
ولوما اشوفك قبالي اعرفه بالثرى ممشاك
الا منك تخطيتي يفز القلب لقدومك
يعرفك خافق لامن دعته العاطفة ناداك
وشوق كل ماترقد يخالط لذة حلومك
اعرف اسمك وعنوانك واميز نبرة محاكاك
مثل ماتعرف علومي تراني اعرف علومك
بوحي

[طاري الشوق]

حمامة جرت لحنها على اللوح
سمعتها والقلب غنى طرابه
غنت بحلو الصوت والصوت مبحوح
مثل المطر لا من نزل من سحابه
رشت سحايبها على القلب بوضوح
واسقى شغاف القلب بارد شرابه
بوحي

[طاري الشوق]

لي شرهة بالقلب ماتقبل اعذار
للصاحب اللي مالقيت اهتمامه
اخفي جروح القلب لوكانت كبار
واقابل اللي ماوفوا بابتسامه
حنا خلقنا الله رجاجيل واحرار
تفنى النفوس ولاتموت الكرامه
بوحي

[طاري الشوق]

ترا المحترم قبل احترامه للعوالم محترم نفسه
وكل انسان يعكس صورته للناس اسلوبه
ومن هرجه جرح غيره يجي له هرج يحسه
ومن يكثر لجيجة بالمجالس تظهرعيوبه
بوحي

[طاري الشوق]

يامزون الخير انا كلي ظما
مدهر حالي على حد الهلاك
اسكن بصحرا وتسكن في سما
خف من الله والحيا يملا سماك
كيف اموت وفي شفاك الحمرما
اسقني من عذب ريقك ياملاك

بوحي

[طاري الشوق]

ادري بان ابيات شعري ملاقيف
ازريت اربيها عن ملاحق الزين
ماغير تشغل هاجسي بالتواصيف
وتتعب قوافي نظمهالاريش العين
ان شافت اللي بالحلا كنه خشيف
تراقصت بالراس مثل المجانين
ومادام زينك بالخوندات ماشيف
ياطاغي بالغنج والرق واللين
مانت عليك القافية دون تكليف
مادامها شافتك احلى المزايين
فاعذر قصيدي يوم يحضنك ياطيف
ياللي طيوفك في خيالي مساجين
بوحي

[طاري الشوق]

الحب ماهو بس هرج وسواليف
ولاتحسبن الحب يكبر من بعيد
الحب يصدق بالعطا للمواليف
ويكبر بحزات اللقاء والمواعيد
مثل الهلال ان كان بالعين ماشيف
لا يعتبر به صوم ولا يعتبر عيد
بوحي

[طاري الشوق]

ياحنان الخافق اللي كل ماتبعد يزود
كثر شوقي لك وشوقي للملاقى مااكثره
طالبك في حق شوقي لاتمادى بالصدود
كان لي عندك محبة حاجز الصداكسره
لاتعاملني بطبع الكبر واسلوب البرود
دامني استفزع بحق الغلا واستنصره
لاتخلي صادق الاشواق في قلبي شرود
ان بغيته بعد هجرك مانت قادر تأسره
يجفل الخفاق منك لوتنادي بالورود
يحسبك عقب البطاشخص غريب بينحره
بوحي

[طاري الشوق]

الله خلق فينا مشاعر واحساس
والله عطانا في عطاها اراده
لكن مصيبة في طبايع بعض ناس
يبخل على اللي مهتويه ومراده
هذا بدرب الحب بشره بافلاس
لاصار عنده هجر الاحباب عاده
بوحي