نكمل القصة من حيث توقفنا
يقول التفت عليها وقلت
يابنت الحلال العامل مايعرف يفتح باب البنزين وهو له طريقة علشان يفتح
خليني أنزل وافتح له علشان نمشي
التفت علي وقالت شغل السيارة !
قلت لها ليش ؟
قالت أقول شغلها
دقيت سلف وشافت أن البنزين تحت النص بشوي
قلت تحرك أقولك بنزينك يكفينا نروح للمجمعة
قلت ابشري
شغلت ومشيت وأنا محتار وبلش لا أقدر أخذ جوالي أتصل ولا أقدر أسوي شي أخاف أتثور فيني
يقول ودي أقولها ماتبين شاورما ماتبين عصير أي شي بس يخليني أنزل من السيارة
ودي اقطع الإشارة علشان يوقفني المرور
بس أخاف تزيد الطين بله ولاتطيع أوقف
ونبدأ مطارد مع الحكومة وأصير مسجل خطر بدفاتر الحكومة
ويمكن أصير مطلوب دولياً أو أروح في خرايطها
رأسي يدور ومافيه أفكار
وفجاءه وأشوف روحي حول بعض محلات زينة السيارات
وأشوف عامل فاتح كبوت سيارة وجالس يشتغل فيها
ويا سبحان الله أتذكر أني حاط لسيارتي جهز أمان اضغط عليه وتطفئ السيارة ولا تشتغل نهائياً
ويوم وصلت الاشاره على طول وأضغط الزر مكانه سري وقريب لي ولاشافتني أو لاحظتني
وتطفئ السيارة في مكانها
يقول هي أنذهلت وقالت وش فيه
قلت أبد السيارة طفت ماادري وش فيها هي مدت يدها للمفتاح وتشغل أتشغل ومافيه فايده
قلت خليني أنزل أشوف وش فيها قالت لا لاتنزل
أنا اللي أبنزل
وتفتح الباب ولااشوف إلا غبار رجليها من الركض
وأجلس اذكر الله و احمده وأشكره على أنه خلصني من هالمجرمه
نصيحة منه
أنتبه لاتخلي الأبواب مفتوحة خصوصاً عند الصرافات
حتى ما يصير لكم مثل اللي صار له
تم أخذ الأذن منه في روايتها لكم