تفداك روحي وألا ياليت ثاني
......في جنة الفردوس الروح تلقاك
وأعيش وياك عمر ماهو بفاني
......في جنة الرحمان يارب وياك
يالي الهوى لجلك يومه دعاني
......خلاني أقول الموت ولايوم فرقاك
دونت فيك الشعر ولك جيت عاني
......أصور القلب بالغلا وين وداك
عذاب حبك آه وبالقلب كواني
......لو أنسى نفسي أبد أنا منساك
ولو تنفجر قسوه أجيك بحناني
......ولو تنتفر قلبي بالود خواك
غصن الهوى فيني ما بعد لاني
......مجروح قلبي بالهوى اليوم ناداك
أنا أحترق من شوق لجلك لفاني
......وأنته برودت دمك عن الحب تلهاك
وقف وناظر وشوف اللي بلاني
......صدقني بتعرف أن ما جاني ماجاك
لا تصير بالحب شخصن أناني
......تحبني من قلب وتشح في اعطاك
عطشان وقلبك في الهوى ما رواني
......معقول قلبك علي صخى ينهاك
ما قول وفاء ودك ظالم وجاني
......أقول جرح الهوى جاني وعداك
يا زين فيك حليت كلام اللساني
......كل الحروف تحلى لا نطق وحاكاك
أدعيلك أنا الرب مصخر كياني
......يحفظك سالم وبالهنا دوم يرعاك
........................