انا والسواق

[لعيون دودي]

مهام السائق واضحه للجميع ...
لا اعلم هل من المهام الجديده له ان اتبادل معه السوالف والمسجات عبر الواتس اب !!! وان اخبره بتفاصيل يومي!!
حفظك الله من شر نفسك وشر كل من به شر

[جلوي العتيبي]

لا أعلم هل واقع السائق السعودي متفشي بهذه الصورة !؟

أتمنى ان تحافظي على نفسك وعلى وضعك الأسري وتتلافي الدخول في خلوة مع السائق أو غيره

[bant tamim]

....يالغاليه.....في حل لمشكلتك....

1/ابو ابرآهيم يطلع ويسافر ويعمل ليل ونهار ويرهق نفسه من علشانه مو عشانك وعشان عيالك ماتنقصكم لقمىة العيش!!!! اتناقص عقول بعض االحريم ليش هم جالس يلعب....2/ ليش ماجلستي معاه جلست مصارحه ووضحتي له مشكلتك انه ينقصك كيت وكيت ومشكلة اخوانك وماتبغي تكوني حمل ثقيل ع احد وقبل مايسافر يكون مهئ لك كل شي...(ونا وآثقه مااارآح يسافر الا هو مدبر لك حل) لكن سكوتك خرب عليك لانه رجل لاهي مشغول ويعتقد انك ماتحتاجين شي بغيابه


3/ والأهم اكبر خطاء خروجك من غير اذنه وسماعك لناقصة العقل اللتي اشارة عليك هاذه المشوره لن تنفعك وخلي في بالك ابليس موووووووجود لامن ناحيتك ولا من ناحية زوجك كيف؟؟؟

*هاذا السائق يعلم بحاجتك له ولينك بالكلام معه سوف ينعكس عليك مصيبة لايحمد عقباها ويمسك عليك نقطة ضعفك (كلمات عادي...كلام اعجاب...كلام جنسي..خروج عصب عنك معاه ام اغواء ابليس لكي بسبب غياب زوجك واما ابتزاز منه بشي يجبرك بالخروج معاه)

*لو فرضنا رجع زوجك من السفر على غير عادته وشاهدك نازله من سيارة غريبه ليس اخوك ولا قريبك ولا يعرفك لا من بعيد ولا قريب ماهي ردة فعل ذلك الزوج المسكين بيتهمك بخيانته بتهمك بشرفك بيتهمك بأشياء كثير ختى لو انتي بررتي له السبب لن يستوعبها لانه لم يكن عنده خبر بذالك ولن تبقى يوم واحد في حياته............

دخولك بالنت من غير علمه خطاء وخروجك من غير اذنه ولا علمه خطاء ...غير اسلوب حياتك بالمصارحه ولاتعملي اي شي من غير اذنه وعلمه مهما حدتك الظروف لان هاذا سوف يدمر حياتك وتفترقي عن زوجك واولادك بالتصرف انتي ام اولاد وكبيره فكري بعقل اجلسي مع نفسك هل هاذا خطاء ام صح ونا متأكده ان ماكتبتي الا انك عاقله ومستوعبه الخطاء اللذي وقعتي فيه ...لاتركبي مع احد غير محارمك واذا اضطررتي ابلغي زوجك بهذا اول باول ...الغي الخدمه من جهازك ولاتردي ع رقم غريب بالجوال حتى عودة زوجك بالسلامه وغيري الرقم بأكمله وحافظي ع زوجك واولادك غاليتي لن ينفعك احد ابد ولن ينفعك خروجك ..ارحمي هاذا المسكين اللذي يفني عمره من اجلكم لاتخونيه لو بالشي التافه البسيط....ربي يحفظك لاولادك وزوجك ويسخره لك

[شاها]

-
منسمه والله آم االبرهي هه
اجل ماودك تتركينه تخافين ترجعين للكسافه
اجل برايك وش الحل تبينه يصير<< ليتك تعطين اللي عندي شوي من هالجسارة
مايركبون سواق العايله مو عاد ماندري منوفصله ..

[شاها]

اقتباس: يارب ونتي تنزلي من سيارة السواق على جية ابو ابراهيم من السفر

حرام عليك يابليس تخيلت شكله
والله ياهي منيته بذاك اليوم هه

[ملائكية]

عطين رقمه الله يعافيتس ياام ابراهيم وخلي عنتس قرق هالبني تراهن يركبن مع السواقيييين 24 ساعه ماينزلن ومسويات فيها ههههه
تكفين ابيه يودين الليله معزومه وكلن لفن خشته عن مايبي يودين من اخوتي

[bant tamim]

بس فرق يااختي الكريمه بينك وبين المتزوجه اللتي تخرج من غير اذن زوجها. اذا انتي زوجك يسمح لك هي اقرة ان زوجها مااااايسمح لها..هاذا هو الخطاء برأسه.......يكفى خرآب بيوت لن تنفعيها لا انتي ولا غيرك يوم ينهدم بيتها ..........

[أم ابراهيم]

الحين لازم ارد عليكم كل أبوكم ؟؟؟؟

الله يجزاكم خير على ردود كم وخصوصا بنت تميم ولايهونون الباقين

[أم ابراهيم]

اقتباس:  المشاركة الأصلية كتبت بواسطة هوارة     - منسمه والله آم االبرهي هه اجل ماودك تتركينه تخافين ترجعين للكسافه اجل برايك وش الحل تبينه يصير<< ليتك تعطين اللي عندي شوي من هالجسارة مايركبون سواق العايله مو عاد ماندري منوفصله ..

مانسمت الله يعدي عنك ليش الركوب مع السواق جريمه ياخوي

[أم ابراهيم]

اقتباس:  المشاركة الأصلية كتبت بواسطة ملائكية     عطين رقمه الله يعافيتس ياام ابراهيم وخلي عنتس قرق هالبني تراهن يركبن مع السواقيييين 24 ساعه ماينزلن ومسويات فيها ههههه تكفين ابيه يودين الليله معزومه وكلن لفن خشته عن مايبي يودين من اخوتي

ما أراد الله أخدمك بعزيمة الليله مير خيره بغيره

[المنطق]

اقتباس:  المشاركة الأصلية كتبت بواسطة المطهبله     الحين لازم ارد عليكم كل أبوكم ؟؟؟؟ الله يجزاكم خير على ردود كم وخصوصا بنت تميم ولايهونون الباقين

ايه لازم تردين عليهم كلهم ..

ولا سوي اكليشه ..

شكرا على مرورك ..

[أم ابراهيم]

اقتباس:  المشاركة الأصلية كتبت بواسطة لعيون دودي     مهام السائق واضحه للجميع ... لا اعلم هل من المهام الجديده له ان اتبادل معه السوالف والمسجات عبر الواتس اب !!! وان اخبره بتفاصيل يومي!! حفظك الله من شر نفسك وشر كل من به شر

انا ماقلت اني اسولف معه بس قلت انه يرسل لي

وراكم تفهمون غلط

[نديم بريده]

المطهبله : ولك من أسمك نصيب

بدون مقدمات

أخشى أنك متصنعة هذه القصة لهدف الأخذ والعطاء في كثرة الردود . !
أما إذا كنتي صادقة فأقول وأنا لك من الناصحين : أن تنتبهي لنفسك قبل فوات الأوان
وأن لا تتصرفي بدون علم زوجك ( أختاري الوقت المناسب لكي تصارحينه وتبيني له سبليات إنشغاله في عملة على أسرته ومنزله ) .!! وأنتي فيك خير إنشاء الله .

[بدوووور]

ليش توقعتوا انها تكذب بالعكس واضح أنها صاادقة وترى فيه حريم كذا الله يصلحهم ويهديهم يتهاونون كثير بهالموضوع وهو خطير جدآ
أختي أم إبراهيم الحين حوادث السيارات كثرت تخيلي لو صار لك حادث لاسمح الله وأنتي مع السواق وبدون علم زوجك أو صارت لك أي مشكلة وأنتي بالطريق كيف بيكون موقفك قدام زوجك أكيد راح تنعدم الثقة بينكم هذا إذا ماوقع الطلاق بينكم لاقدر الله وبعدين السواق صارت نواياه واضحة قدامك ونصيحتي لك أنك تمسحين رقمه وماعاد تتصلين عليه ويكون خروجك وقت سفر زوجك للضرورة فقط ومع محارمك وأحمدي الله وأشكريه أنه ماصار لك شيئ الى الان والله يستر عليك وعلى نساء المؤمنين يااارب ..

[بدرالوابلي]

خروج المراه من بيتها لغير ضروره وبدون علم واستئذان ولي امرها ليس حراما فقط بل جريمه فكيف اذا ركبت مع رجل غريب وبدون محرم ؟ والعياذبالله

فكري بالعواقب قبل ان تقع الفاس في الراس وحينها لاينفع الندم !

فما هو الشيء الضروري والملح الذي يجعلك تمشين في الدرب الزلق ولاتامنين السقوط والنهايه التي لاتتمناها اي امراه عاقله وهي الطلاق وتشريد الأطفال وجناية تشويه سمعة الأسره ؟؟

نسأل الله السلامة والعافيه