طرق الفتيات في شرشحة الخاطب

[مياسة]

اقتباس:  المشاركة الأصلية كتبت بواسطة فتاة المستقبل     الســــــــــــؤال للجنس الناعم ... ما رايك في حيل الفتيات وهل توافقين عليها ؟؟ وهل ستفعلينها مع خطيبك في المستقبل ؟؟؟

رأيي المتواضع يا حلوتي أن اللي يزوّج بناته صغار مشكلة..
ما امداها تفك المصاصة.. إلا وجنى عليها.. وعلى المطفوق اللي خطبها ,,

بعض الناس المدحدرة اهم شي تعرس البنت.. لا عقل, لا ثقافة,لا اتزان ..
ثمن يطلع العرس فسحة لمدة ربع ساعة بعد الحصة الثالثة..
ثم الحصة الرابعة ياخذون رياضيات.. نكد وثقل طينة !!

تثقفن يا بنات يا حبيلكن .. اقرن.. شوفن برامج توعوية .. تذهنن
لا تصيرن جوفـــــاء,, سطحيات.. تراكن فشلتننا عند طوالين الشوارب

[مياسة]

طرق الفتيات في شرشحة الخاطب

ايه نسيت اهايط واقول شي:
ترا مشروع العرس والخطبة مشروع انسجام وإيلاف ومودة,, مو شرشحة..
اللي بتشرشح تروح لحوش الدجاج.. وتشرشح لها دجاجة,, وتكسر جنحانها ,, هه


الله يخلف بس على الجيل القادم من الخطاطيب... اذا كذا جيل البنات.. وعقولهن!
بعذر اخوي اذا اضرب عن العرس وعمره 30


لكن ما ضيعهن إلا اهلايهن بالدلع .. وتربية الشغالات ميري كيري ,, هه


اشوني معرسة.. لا يجنن علي مثل هالمتخلفات !

يلا عاد قيلولتي تناديني .. تقول لي تعـــــــــالي ,, سرايفوا

[اللؤلؤه السوداء]

عن أذنك خط احمر ابتليقف وارد معك على الرد هذا

اقتباس:  المشاركة الأصلية كتبت بواسطة فتاة المستقبل     المغازله حرام لكن إذا كان المقصد الحصول على هدف معين,, مثل فتاة تكلم شاب وتتفق مسبقا مع اهلها او الهيئه ومن ثم تواعده بمكان معين لتقبض عليه الهيئه لا اظن بحرمته والله اعلم بوجود اهداف ساميه يختلف الحكم ..والله اعلم توضيح .. اقصد مكالمة الفتاة لخطيبها بعد الملكه وتغيير صوتها له

اختي فتاة ممكن تفهميني السطر الثاني من كلامك ؟؟

وشلون تكلم شاب همن تواعده وتكون منسقه مع الهيئه عشان يقبض عليه ؟؟

هي وشوله مكلمته ؟؟

وشوله تكلم خطيبه دام كل هالشك عنده تقول له توكل على الله ولا تبهذله بكماخته

نرجع لموضوعك

اقتباس: ما رايك في حيل الفتيات وهل توافقين عليها ؟؟

رأيي أن الحيل اللي مسوياته هالبنات تنم عن عقليه غبيه ساذجه لاتعرف من الزواج سوا أسمه
تستذهن على مين والناس نايمين هذا اللي ناقص بعد تبيع البيض على سلاقينه

اقتباس: وهل ستفعلينها مع خطيبك في المستقبل ؟؟؟

اذا الله كتب وخطبت وشميت ريحة خبر انها مسويه كذا بكل تاكيد راح انسحب انا
هذا اوله ينعاف تاليه

عموما رد خط احمر الأول كفى ووفى ووضح لك أنها غباوه وبنفس الوقت فضيحه لنفسه

فمان الله

[قطرة الندى]

اقتباس:  المشاركة الأصلية كتبت بواسطة فتاة المستقبل     ما رايك في حيل الفتيات وهل توافقين عليها ؟؟ وهل ستفعلينها مع خطيبك في المستقبل ؟؟؟

لا طبعا مو موافقه عليها ولا راح أفعله ...

ليش كل هالغلبه وكل هالتعب .. صحيح المفروض يكون السؤال عن الخاطب

دقيق من قبل الاهل عن أخلاقه وصفاتة .. لكن مايحق لك إنك تستعملين مثل هالحيل

والمخطاطات ... ولا يحق لأي بنت التنبيش عن ماضي خطيبة ..

أخـــتى صدقيني مافية ولا شاب مامر بهذه المرحلة من مغازل وغيره وإذا البنت

بتستخدم هذة الحيل صدقيني ماراح تتزوج ابدا .. كل الشباب يمارسون هذه العادات

ولكن ماراح يعتدلون ويسلكون الطريق الصحيح إلا إذا جاء تأثير من قبل زوجته ..

يعني هنا يكون دوركن ياحلواااات ..مو مخطاطات وحيل ..



تسلمين يافتاة المستقبل وأتمنى ماتستعملين هذة الحيل ..

[فتاة المستقبل]

خط أحمر .. شوي شوي ما قلبت الموضوع ولا شئ

طرحت سؤال عام ما حكم المغازله ؟؟ أجبتك عليه بعيدا عن موضوعنا

أجبتك حرام بشكل عام

ثم استثنيت ( ما قلت خطيبها ) قلت لك الفتاة تكلم شاب وتواعده بهدف القبض عليه

فتاة تابت من المغازله تود تخلص منه هنا وش حكم مكالمتها له ؟؟

[أشغلتموهــا]

الســــــــــــؤال للجنس الناعم ...


ما رايك في حيل الفتيات وهل توافقين عليها ؟؟

وهل ستفعلينها مع خطيبك في المستقبل ؟؟؟


اشوفها ماله داعى ابدا ولااوافقهن هذا الشى
لااكيد ماراح اسوى كذا

المراه ليست مسؤله عن ماضي زوجها ولاله الحق فى معاتبته
هى عليها بالحاضر يعنى ماتحكم عليه الابعد ماتعيش معه

[فتاة المستقبل]

اقتباس: رأيي المتواضع يا حلوتي أن اللي يزوّج بناته صغار مشكلة

مو ضروري اللي تستخدم تلك الحيل صغيره ... ليش ما تكون انسانه فاهمه وواعيه

اقتباس: تراكن فشلتننا عند طوالين الشوارب

من هم طوالين الشوارب ؟؟؟ لا يكنون طلبة العلم وحفظة قران وحنا ما ندري

اقتباس: ترا مشروع العرس والخطبة مشروع انسجام وإيلاف ومودة,, مو شرشحة..

الشرشحه لزوم مشروع الانسجام والموده ..

[فتاة المستقبل]

اقتباس: اختي فتاة ممكن تفهميني السطر الثاني من كلامك ؟؟

وضحت كلامي مسبقا

اقتباس: رأيي أن الحيل اللي مسوياته هالبنات تنم عن عقليه غبيه ساذجه لاتعرف من الزواج سوا أسمه تستذهن على مين والناس نايمين هذا اللي ناقص بعد تبيع البيض على سلاقينه

طيب لو عكسنا وواللي سوى الحيل هاذي الخطيب لخطيبته ..هل يا ترى يعتبر غبي و ساذج وإلا انسان فاهم ؟؟؟؟؟؟؟؟

اقتباس: اذا الله كتب وخطبت وشميت ريحة خبر انها مسويه كذا بكل تاكيد راح انسحب انا هذا اوله ينعاف تاليه

رأيـــــــــــــك واحترمه

[فتاة المستقبل]

اقتباس: لا طبعا مو موافقه عليها ولا راح أفعله

رايك واتشرف به

اقتباس: لكن مايحق لك إنك تستعملين مثل هالحيل

ليش ما يحق لها؟؟؟ أبي أعرف السبب

اقتباس: ولا يحق لأي بنت التنبيش عن ماضي خطيبة

تعبت وانا اقول ماضي الخاطب ما لنا شغل به ..أنا اتكلم عن الحاضر


شكرا لك قطرة ندى

[فتاة المستقبل]

اقتباس: اشوفها ماله داعى ابدا ولااوافقهن هذا الشى لااكيد ماراح اسوى كذا المراه ليست مسؤله عن ماضي زوجها ولاله الحق فى معاتبته هى عليها بالحاضر يعنى ماتحكم عليه الابعد ماتعيش معه

نعم ليست ملزومه بالبحث عن ماضيه ..وبما انه خطبها اصبح في زمن الحاضر وحق لها ان
تختبره

شكرا لك سندريلا على رايك

[اللؤلؤه السوداء]

اقتباس:  المشاركة الأصلية كتبت بواسطة فتاة المستقبل     وضحت كلامي مسبقا

يوم ملت من المغازل وقلة الحياء تروح تورطه هالنذله !!! ههههه حلوه والله
والله يانتن تنكتن قووووه وش هالذهانه بكن

طيب والبنت ليش ماتحاسب على اللي سوته او على راسه ريشه ؟؟ << ممكن جواب صريح منك

اقتباس: طيب لو عكسنا وواللي سوى الحيل هاذي الخطيب لخطيبته ..هل يا ترى يعتبر غبي و ساذج وإلا انسان فاهم ؟؟؟؟؟؟؟؟

ما أعتقد انه فيه رجال بيسويها ولو فرضا سواها انا ابصم لك بالمليون انه انسان دبل سذاجه
وفوقها مريض نفسيا وشكاك بعد

اقتباس: رأيـــــــــــــك واحترمه

هذا الواقع والمنطق والعقل طال عمرك مهوب رايي

اقتباس: نعم ليست ملزومه بالبحث عن ماضيه ..وبما انه خطبها اصبح في زمن الحاضر وحق لها ان تختبره

لا مهوب حقه حقت عليه البرديه وراه حقه على كيف امه الناس

لان الرجال لما جاء وخطبها وشافته وشافها وتوافقو فحطي فبالك أنه أختاره من بين ملايين البنات
واهي اختارته من بين ملايين الرجال

كذا اي حاجه تسويها من وراه غباوة منها لأبعد حد
فهمتي ليش غباوة وسذاجه ؟؟

[البسمه الورديه]

صرااحه طررق حلووه >> تفكر تسووويه
بس من جد الغيرره تذبح وغصب على الوحده تسوي كذا

وشـكــ وبارك الله فيك ـــرا لك ... لك مني أجمل تحية .

[فتاة المستقبل]

اقتباس:  المشاركة الأصلية كتبت بواسطة البسمه الورديه     صرااحه طررق حلووه >> تفكر تسووويه بس من جد الغيرره تذبح وغصب على الوحده تسوي كذا وشـكــ وبارك الله فيك ـــرا لك ... لك مني أجمل تحية .

والأهم من الغيره معرفة اخلاقه والتي تسمح له بقبول مهاتفة فتيات من عدمها ..

يالله لو نلقى انسان يترفع عن حركات البصبصه << يبي يقولون خوذي اعمى احسن

شكرا لك البسمه الزهريه قصدي الورديه

[سحايب نجد]

يمكن يتعدل بعد الزواج <<<<<ماظنيته

[فتاة المستقبل]

اقتباس:  المشاركة الأصلية كتبت بواسطة سحايب نجد     يمكن يتعدل بعد الزواج <<<<<ماظنيته

إذا ما تعدل بايام الخطوبه (وقت الطفه ),موب متعدل إلا بقدرة قادر

شكرا لك سحايب نجد ..