غ ي ب و ب هـ ..

[محمد العمرو]

..





صبآح الوطن ..



..





لك ياوطن غنْت عيون الطبيعه
... وارست ملامح فجرها في ترابك
..
وانا حدودي في غرامك وسيعه
... روحي فدآ ذرة غلا .. (في حسآبك ) ..



..

[محمد العمرو]

..




للأمل قصه والطاري مسافه
... وللمعاني سكة الصمت الخجول
..
والفرح طاري وقلبي لو يخافه
... مااحتملني / صبح / وحروف / وذهول
..
كم سؤال ٍ تسبقه دمعة كلافه
... في معانيها ( أقول .. وما أقول ) .. !!



..

[محمد العمرو]

..



خذ من الوان الغلا / وش يعجبك ..!
... وارسم اللوحه على كيف .. / القصيد
..
بُعد ثالث .. بيّن التجريد دآمه .. مطلبك
... إرسم النبض لآمنه تعزوى .. بالوريد
..
خلْ شمس العشق تشكي .. مغربك
... لوّن الصبح الحقيقي .. والشهيد
..
إعزف الريشه .. وروحي .. تكتبك
... طفلة ٍ تضحك مع العيد .. السعيد
..
الغلا لك .. والكور في .. ملعبك
... إرسم .. إرسم .. واترك الواقع .. بعيد


..

[محمد العمرو]

لوّنت صورة ضحتك واعتراني
... الوان فيها من شموخ المصابيح
..
اخفي سوالف غيبتك والأماني
... متعلقه مابين حبل المراجيح
..
تلعب على نبض الوله والمعاني
... مثل الورق لاطار من هبة الريح
..
وميدان صدري ممتلي بالمعاني
... بيت ن يقوم وبيت لآقمته ايطيح
..
أنظم شعر واحيان اسمع اغاني
... سعدون جابر يوم غنى مجاريح
..
واهديت سهمي للغريم ورماني
... وطيري غدى مافاد ريشه وتلويح
..
وبين الظروف الخافيات بزماني
... صورتك غابت مثل غيم المروايح

[محمد العمرو]

مقَصَدك تكفى يالخوي لاتقوله
خلك على فال الغلا واحتفظ فيه
..
أحدٍ يدوّر وش حكى به عذوله
واحدٍ اذا سقت الحكي قال مابيه
..
إطلع سما واترك هروج الطفوله
ترى الشهاب ايطيح في قاعة التيه
..
يعني انا من جد مالي بطوله
او دور يقصي بين شاقي ومشقيه
..
بعض المسائل في وسَطْها حلوله
والحر يفهم والاشارات تكفيه
..
واللي طلع بالشر يِحري نزوله
كني اشوفه يفرك الآه بيديه

[محمد العمرو]

لمحتك ظِل في ومضة زماني
وسيف البُعد من غمدك تِسلٌه
..
طعنت الشوق واخفيت الاماني
سؤال النور ( من يقدر يحله ) ..!