&^ مدونة طاري الشوق ^&

[طاري الشوق]

ماعاد بالدنيا رفيق يصافي
ذاك الرفيق الي يصافيك ماعاد
حتى الوعد راعية ماصار وافي
يخلف مواعيده على كل ميعاد
صارالزمن هذا زمان التجافي
لامن فرحت بواحد راح ماعاد
بوحي

[طاري الشوق]

بين المشاعر والمشاعر مسافات
تقرب وتبعد باختلاف النوايا
فيها المواصل للمحبة محطات
تحيي دروب الشوق بين البرايا
ولصادق الإحساس فيها اشارات
لأهل القلوب الي تضخ العطايا
بوحي

[طاري الشوق]

بعلمك وش لون تخسر حبايبك
حتى ولو صاروا قريبين منك
تقعد تغلا لو الأشواق تجذبك
وتكتم مشاعر بالهوى يذبحنك
وتعاند الإحساس في حب معجبك
لوهي هواجيس الغلا يسهرنك
كذا يعدون القطاعة سبايبك
وكذا يصدون المحبين عنك
بوحي

[طاري الشوق]

اعبرلك عن الي بالضمير وماتبي تفهم
وانافيني ملامح كلها للعين مفهومة
وتعلم كل مافيني ولكن كن ماتعلم
ولاتبغى لها عالم معاني البوح معلومة
تكلم عن هوى دارك ولوكان الحكي يكلم
ترى مر الزمن يكفل تطيب قلوب مكلومة
بوحي

[طاري الشوق]

تنزل دموع الشوق وتموت ورده
على زجاج الطاولة كل ميعاد
للموعد الي ينتظر مد يده
مد الكفوف وصافحت نية بعاد
والموعد الي ذاب قفا بصده
لوينده عهد المواصيل مافاد

بوحي

[طاري الشوق]

عيت تغيب الشمس والليل محتار
ينطر غياب الشمس يسحب نهاره
كن القمر والشمس مابينهم ثار
الكل منهم واقف في مداره
حتى حساب الوقت للعد ماسار
كنك تشوف الكون وقف مساره
وانا مع الاشواق واقف على نار
ابغى المساء يسدل علينا ستاره
يمكن مسىا الخلان يلفي بزوار
واقول ياحيا مساء الزياره
لكن شعاع الشمس قدم لي اعذار
حتى سواد الليل جاب اعتذاره
يقول بدرك ماله الليل مظهار
لبس السحابة واحتجب وسط داره
بوحي

[طاري الشوق]

نبوح بشي و المقصودفي بعض الحكي مفقود
وتبقى غاية المقصود في هالبوح مفقوده
واشوف انه قليل الي بيفهم غاية المقصود
لأن القلب مايعطي لأية شخص مقصوده
بوحي

[طاري الشوق]

لاتخدعك لمعة سراب المظامي
يستدرج العطشان لمعة سرابه
كم واحد اغراه والجو حامي
خلاه ياكل في يدينه ترابه


بوحي

[طاري الشوق]

الله يثبتنا على الحق والدين
يوم العقول بمحشر الخلق تهتال
ونحشر مع اصحاب التقى والنبيين
ويكتب لنا في جنة الخلد منزال

بوحي

[طاري الشوق]

لم.. اعد ..اعرف.. الفرق ..


بين ..وجودي.. معكٍ...

أو.. بعادي.. عنكٍ...

فأنتٍ.. تثيري.. جنوني..

ففي.. بعادكٍ..

يحرقني.. شوق ..قلبي.. إليكٍ..

وفي.. قربكٍ...

تجمدني.. ثلوج ..عواطفكٍ..

أسأل.. قلبي..

وأُحكمه..

فأجده.. يقربني.. أليكٍ..

فأحتضنكٍ...

وأبكي.. حبي.. بين.. يديكٍ..

أسأل.. عقلي..

وأُحكمه...

فيتوسل.. إليّ..

أن.. ابتعد.. عنكٍ.. وأنساكٍ...

أنسى.. تناقضاتكٍ.. وجفاكٍ..
.
.
.
.
.
.
.
أنا. في.. حيره

00

[طاري الشوق]

طلت مع الشباك بعيونها الخرس
والسالفة بعيونها ماحكتها
يادوب تهمس من وراشوقهاهمس
بين الورود الي قرت سالفتها
كن القمرجالس يغني مع الشمس
نور جمعه الله في نافذتها



بوحي

[طاري الشوق]

وش نبي من وقتناالي نرتجيه
غير لحظة نجتمع فيها ســوا
بس هذا ياحبيبي الي نبيه
ساعة فيها يذوبنا الهوى
نهتني به وصلنا الي نحتريه
والفراق انقوله مالك لوا
بوحي

[طاري الشوق]

بيني وبينك عتب ..
بيني وبينمك لوم
لاشفتك انسى التعب..
وانسى العتب واللوم

مهمايصير000مهمايصير
يبقى الغلافي خافقي لك مستكين
قلبي كبير000قلبي كبير
مهماقسى قلبك علي 000قلبي يلين
.......
اش نستفيد انتي انا لو نبتعد
اش نستفيد
لو تاهت ادروب الغلا ذاب الوعد
اش نستفيد



تذكرين
اكيد انك تذكرتي غرامي الحين
لاتنكرين
لاتنكرين انك على وعدي تجين
تعرفين
كنتي باحساسي وشوقي تعرفين
اكيد انك تذكرين


كنتي من غيابي تنزل دموعك
وانا من غيابك تنزف جروحي
.......
لاتبعدين
خليك لي فرحي عن الوقت الحزين
لاتجرحين
كفايتي جرحي من جروح السنين
.......
مشكلتنا في الهوى كنا نكابر
مابغينا نظهر احساس ومشاعر
.......
لكن احنا لو صدقنا في البداية
مابكينا وافترقنا في النهاية
وهذه اصل الحكاية
هذه اصل الحكاية

بوحي

[طاري الشوق]

العتاب...

أجمل حوار....في حديث الحب...إذا تناثرت كلماته...همساته...آهاته...
بأناقة...و رقة...و نقاء...
بعيداً عن صراخ أجوف...و طعنات كاتمة لنزف الجروح...
و معارك يعيش قتلاها...في شتاء لا نيران له...

[طاري الشوق]

يلوي على ملواه من له ملاوي
والي طوى مطوي الأيام تطويه
ياما بلينا في كثير البلاوي
كم واحد كثرت علينا بلاويه
لكن لقيت الصبر نعم المداوي
لوطالت الأيام جرحك يداويه

بوحي