انصحوني لعلكم تفيدوني

[مـ ــ ط ــ ـر]

[quote=قولدن ويمن;4263918]

اقتباس:  المشاركة الأصلية كتبت بواسطة مـ ــ ط ــ ـر     قولدن ويمن خبرتك تخصك أنت يا أخي هداك الله إخوي مطر الله يحفظك .... اولآ أنا أُنثـــــــــــــــــــــــــى ثانيآ ليش تزعل يوم قلت من خبرتي ؟؟؟؟؟؟ فالرآي بلا خبرة لاجدوى منه وإنما يبقى تكهُنات. ثالثآ الأنثى أقرب لأحاسيس ألأنثى .فلو كانت هذه البنت بنتي لقلت لأخوي فاهم غلط نفس الكلام لأني حريصة على مصلحة بنتي ومصلحته

آسفة أيتها المرأة الذهبية لم أركز في الاسم
أنا كذلك أنثى..
ولكن نحن لانعلم الغيب ربما هذه البنت تكون هي زوجته التي اختارها الله له ..
فما شعورك لو كان بالفعل قد تزوجها.. ثم تذكر كلماتك هذه ..
المفروض أن نشجعه ونحسنها في عينيه خاصة أنه قد رآها مرتين

[لعيون دودي]

أخي الفاضل ..

أعذرني ع الصراحه..

يسؤني ان ارى شاب مقدم على تكوين بيت واسره يكون بهالتفكير!!
الناس الان تدور "الاجواد" وبنت الاجواد والامور الاخرى تجي ببركه رب العالمين .. صحيح انو الجمال مطلب لكن لا تجعله عثره بحياتك
كفايه انهم شارينك ..الله من زينه وزينه وما"سرها" زينها والقصر عمره ماكان عيب طالما البنت خلق وانت شايف وضع البنات الآن وطلباتهم!!
استخر مرات وبعدها توكل على الله

[المميزهـ]

لاتشاور احد واستخير والله بيكتب لك الخير

والبنت مو على جمالها او قصره او وطواله على القلب ..

ويااارب يوفقك ويسهل امرك ويبعد عنك الشيطان .

[Queen of buraydh]

صدقني اخي ان الشكل مو مهـم*
الاهـم من هذا ا لقبول والراحه
اذا حبيتو بعض* بتشوفهـا ملاك وهي بتشوفك ملاك.*

[منذ مبطي]

ياشين ولا اشين لك خذ الحليله الامور هذي كلهاماتعني شي

[دلوعة حبيبه]

يااخوي مافي انسان كامل والكامل الله سبحانه
يعني انت تبيها كامله مستحيل والحمد للله دامها عجبتك ودخلت قلبك وتحس انك مرتاح توكل على الله
ترى الشيطان حريص وبيجيك يوم عرسك لادخلت عليه وبيقولك والله ياانت استعجلت والله ياهي شينه مو هذي اللي شفته بس تعوذ من الشيطان ولا تخلي للشيطان مجال يوسوس لك

والله يوفقكم ويجمع بينكم بخير

[فاهم غلط !]

اقتباس:  المشاركة الأصلية كتبت بواسطة اذكر الله ياخفوقي     الله يكتب لك اللي فيه الخيـــر .. وبالنسبة للطول موب لازم تصير طويلة النعومة احســـن و بعدين انت شف عن نفسك في هالمواضيع الموهم رايك انت موب راي الناس وكل شي قسمة ونصيب ان كانت من نصيبك بتاخذها و الا العكس .. اتمنى اكون افدتك ..

اللهم امين
وانا وش يدريني عن رقتها
جت وجلست وقامت ومشت
وشلون اعرف رقتها ؟
وانا اعرف انها قسمه ونصيب لكن لازم بعد افعل السبب
شكرا على فائدتك

[فاهم غلط !]

اقتباس:  المشاركة الأصلية كتبت بواسطة كــفـايــة     تصدق لو تروح ثالثة أحسن لك يمكن تطلع اختها الصغيرة والا يورونك اخوها !! شكلك فاضي ولا لك شغل غير الشوفااات لو أنا بمحل ابوها اقولك امسك الجااادة وتوكل ع الله

اشوا انك منت ابوها
يادبشه هذا زواج مهب لعبه ومن حقي اشوفها متى ما ابي
وهذا شرع محلله ربنا
الله يعينك على اهلك وخواتك

[" TWIX "]

تبي رأيي ..
يمدحون الحور العين..
أنت ما خليت لنا بنات كل اللي بالبيوت شفتهن ..
بالله ممكن تنزل صورتك أنا أتوقع راغب علامة عندك مثل الكندرة ..

[فاهم غلط !]

اقتباس: أبو دجانة يا عزيزى فاهم غلط . . . أنت فاهم غلط لا الطويلة افضل من القصيرة ولا القصير أحسن من الطويلة

يعني الوسط افضل
وهذا اكيد يبو دجانه
وانا ما ابي وحده تخرف النخل ولا ابي وحده ابلش بها اذا بغت تحب راسي
الوسك زين

اقتباس: ولكن العبرة بالعشرة الطيبة وحسن الخلق وطيب اللسان وبذل الجهد لإسعادك والسهر على راحتك

الطيبه ؟
الخلق ؟
طيب اللسان ؟
ليش مكتوب على جبهته انها طيبه ؟
او مكتوب على جبهته خلوقه ؟
او يوضح على لسانها انه طيب
ههههههه
كل ماذكرتها لا اعلم عنها لا انا ولا الف شخص يبي العرس

اقتباس: الرجل لا يتزوج شكل وفقط

نعرف انه يبي الجمال والطيب والاخلاق والدين والمال
لكن مايحصلن كلهم
اذا لقيت شيء زين به ماتلقى الشيء الناني زين
الشخص سبحان الله مايكمل

اقتباس: ولكن العبرة بترتيب الاولويات عندك فإن كنت ترتيب صفات الزوجة عندك اولاً طويلة ثانياً حسنة خلق ثالثاً ذات حسب ونسب رابعاً عاملة أو نتفرغة خامساً متعلمة ومثقفة فأعلم إنك فاهم خطأ لأانها المرأة ليست تفصيل وإنما هى إنسان فيه من الصفات ما يعجبك وفيه ما لا يعجبك

كل شخص يبي ان تكون زوجته على مايبيها
لكن مايكمل
وانت ذكرت حسن الخلق ؟
ممكن اعرف كيف اعرف خلقها ؟
ممكن انت افضل او اعرف مني بهذي الامور !
يعني تعتقد يبين على المراه خلقها او حسن تربيتها ؟

اقتباس: أختر ذات الدين أولا كما وصينا والحمد الله أنت ذكرت أنها من بيت طيب مره فلا تستبدل الذى هو خير بالذى هو أدنى

طيب والنا وش يعرفني انها دينه او مو دينه ؟
والله وكم عائله تقول لي ان البنت دينه ومن داخلها الله اعلم به
انا مدري وين الخبيثات اذا كانن كل البنات دينات

اقتباس: وإن لم تفعل أيضاً فلا ضرر على الفتاة ولا غبار عليك فالأمر رزق ونصيب ولعل الله يرزقها بخير منك ويرزقك بخير منها. وجب التنبيه فقط على أن الشكل ليس هو الفيصل ولكنه أمره هين إن وجد الخلق إن وجد أنك لا تستطيع تقبلها لذلك الامر فأعلم ان ذلك هو نتيجة الإستخارة. ويمكن لك أن تتطلعها على الامر حتى لا تحزن دون معرفة السبب. وإن كانت من نصيبك نسال الله أن يرزقك من خيرها وخير ما جبلت له. ويكفيك شرها وشر ما جبلت عليه.

الف مره اقول لك ما احد يعرف عن خلق البنت مهما كان
لكن الدينا حظوظ اذا رزقك الله ببنت ذات خلق وحسن تربيه فالحمدلله اما اذا بحثت عن الخلق فلا تتعب نفسك ولاتسمع لكلام الناس اذا قالوا لك هذي طيبه وخلوقه تراهم نصابين
وجزاك الله خير مع ان كل كلامك مو نصح ولا فائده لي

[فاهم غلط !]

يالله يالله عرفت الاقتباسات
جزاك الله خير اخوي صالح

[فاهم غلط !]

اقتباس:  المشاركة الأصلية كتبت بواسطة أبو دجانة     إيه النعومة دى؟؟؟ ناعمة يعنى؟؟؟؟ هل المرأة من صفاتها النعومة؟؟؟

نعم وتنكر هذا

[فاهم غلط !]

اقتباس:  المشاركة الأصلية كتبت بواسطة مـ ــ ط ــ ـر     يا أخي والله حرام عليك تفرط في ناس مثل هذولا ما ادري ليش حسيت انهم ناس طيبييين بالمرة في رأيي توكل على الله واسأل الله عز وجل أن ينزع من قلبك الأفكار السلبية وترى بالدعاء كل شيئ يتسهل والله يوفقك يارب

والله مدري بس اللي اشوفه وتبين لي انهم طيبين
بس مدري عن دواخلهم هم طيبين او اشرار
وانا ترى ما اعلم الغيب
ومشكوره

[فاهم غلط !]

اقتباس:  المشاركة الأصلية كتبت بواسطة gondwana     يووووه للحين انت شيل وحط مع هالعرس والخطوبه ياخي توقعتك الحين عيلت وصرت جد ع العموم القصر انواع فيه قصر تحسه وراشه ومشوه شكل البنت وفيه قصر حليوه يعطي البنت نعومه وانوثه اكثر .. إذا القصر اللي شفته من النوع الثاني وافق وانا اختك .. ترى بهالزمن نادر البنات اللي تشوفهن طوال اغلبهن قنزل طول اصبعي الصغير .. فيه قصر مايهضم وهو تكون البنت رسومه كبار وهي قصيره وفيه طول كمان مايهظم تصير البنت كأنه هدره لابدت تمشي .. يعني مو دايم القصير والطول زين . والعكس ياخي كم بيت دخلت فيه .. مااذكر بنت طويله ذاك الطول الزين إلا بنت جيراننا وصار عليها حادث قبل كم سنه وماتت .. يعني بالله عليك كل هاللي تزوجوا قبلك .. حريمهم جايه على المواصفات اللي هم يبون .. ياما وياما واحد تشلرط يبيها نحيفه وصارت العكس .. يبها شعرها ناعم وجته ام قراعيط .. شيء يغطي على شيء الله يوفقك وييسر امرك ويكتب لك اللي فيه الخير .. لاتنسى تعزمنا ..

اولاه لو انتي عندي كان والله احب راسك
علشانك اختي الكبيره ونصوحه بنفس الوقت
كل كلمه وحرف وسطر صح عليك وانتي على عيني وراسي
مشكوره

[نبض قلب]

يكفي انك تحس برجولتك وانت قاعد جنبه

وهي تشعر بانوثتها عندك

او تبيها طولك كنها صديقك او اخوك

اذا انت مرتاح لها توكل على الله سبحانه

الله يوفقك اخوي