بلاوي الرجال ماتخلص
******
من زواج المسيار للمسفار للمطيار للنهاري والليلي والآن ظهر حديثاً زواج جديد يسمى الزواج المشغلي .. إليكم التفاصيل ..
*****************
سأدخل بالموضوع دُغري بدون أية مقدمات أو بهارات
قريبة لي افتتحت صالون تجميل ومشغل خياطة معاً ..
وتعبت في تصميمة وديكوراته وحتى العمالة المستقدمة للعمل فيه .
فكل الطاقم الموجود فيه من الجنسية المغريبة المحترفة
شغلها ماشي على أحسن مايكون ماشاء الله تبارك الله .
وعاملاتها ينحطون على الجرح ويبرى من الأخلاق والأيدي الماهره المحترفة .
تقول : دخلت في يوم من الأيام الماضية للمشغل ,
لقيت المغربيات كل واحدة منهن مادة بوزها شبر ونص
كذبت نفسي وقلت ممكن يكونوا متعبات أو مرهقات من كثرة الأشغال والزبائن .
ناديتهم وقلت اتفضلوا ارتاحوا واتقهوو وارجعو لأشغالكم لاتتعبون انفسكم .. الشغل مايخلص .
قالن مانبي .. مانشتهي .. شبعانين .. !!!!!
مو من عوايدهم هالحركة ابداً
تركتهم ومشيت .. لما رجعت في اليوم التالي لقيت نفس المعاملة منهم ونفس مدت البوز !!
قلت تعالو عندي وقولوا لي ش فيكم ؟؟
ناقصكم شي؟؟ أحد زعلكم من الزبائن ؟؟ الشغل كثير عليكم ؟؟ اتكلموا !!
قالت واحدة منهن / نبي نتزوج
اتفاجأت واتضايقت جداً
شلون تتزوجون ؟؟ والشغل من يقوم فيه !!!
انا استقدمتكم للشغل فقط .. ولما ترجعون لديرتكم اتزوجوا والله يوفقكم .. لكن عندي هنا لا وألف لا .
الزواج طلعة ودخلة ومسؤولية .. واذا اتزوجتوا من يبقى للمشغل ؟؟
بعد نقاش طويل عريض مع العاملات المغربيات عرفت منهن أن خطابة قامت بزيارتهن في غيابها وعرضت عليهن الزواج من رجال سعوديين واعطتهن رقمها للتواصل اذا تمت الموافقه .
خرجت قريبتي من هذا النقاش الحامي الوطيس بقرار حاسم منهن بالزواج سواء رضت ولا انرضّت .
تقول قريبتي : اتصلت بهذه الخطابة لأعاتبها وامسح فيها بلاط المشغل على مافعلت بعاملاتي ولاكني !!!!
اغلقت سماعة الهاتف من الخطابة بإبتسامة عريضة فيها قليل من الخوف والقلق .
اقنعتني هذه الخطابة بالموافقة على تزويج العاملات المغربيات واغرءها بالأجر الذي ستكسبه من مساهمتها بعفّهن عن الحرام .
وايضا اغراءها بالآلاف التي ستجنيها من الخاطب السعودي عند موافقتها بتزويج العاملات
تقول الخطابة : انها زوّجت كثير من العاملات في اغلب المشاغل من جميع الجنسيات مثل المغربيات والفلبينيات والإندونيسيات لسعوديين وغير سعوديين
وهن الآن مبسوطات مع الزواج .. لأن الزواج يحصل بالسر لايعلم فيه الا الله ثم الخطابة .
وغير هذا كله وعد الخاطب السعودي بمبلغ من المال وقدره لصاحبة المشغل اذا وافقت على تزويجة بعاملة مغربية من عاملاتها
طبعا هذا غير مهر العاملة المغربية نفسها وسعي الخطابة
تقول قريبتي : لا اخفيكم ان المبلغ الذي عرضه علي الخاطب مغري جداً لكني متخوفة جدا من حال مشغلي بعد زواجهن
سيكثر التسيب وستكثر الطلعات والدخلات والإهمال والتعب والتململ وممكن بعد كم شهر يكون فيه حمل وولادة ومشغلي يضيع بالطوشة
يارجال افسدتو أزواجنا علينا بكثرة الحديث عن الزواج في الإستراحات والمجالس والمناسبات
والآن ستقطعون رزقي بزواجاتكم السريه التي لاتنتهي
اتركوني واتركو عاملاتي الله يرحم والديكم سافرو لهن بدولتهن واتزوجوا على كيفكم لكن لا تقطعون رزقي
الهذا خُلقتم ايها الرجال !!!!!!!!!!!!!!!!
الآن انا في حيرة من أمري !
هل اقبل بالمال واقبل بالتسيب والإهمال والحال المايل والخسارة للمشغل بعد زواجهن ؟؟
أم أرفض المال وأرفض زواجهن واكون سبب في انحرافهن لاسمح الله وانتقامهن لي بإهمال المشغل ومدت بوزهن ؟؟
ترى لا ليلي ليل ولا نهاري نهار الآن صايرة دايم بين عشوين 
اعذب تحيـة
[ (( الرجــــــــــــــــال )) قطعــــــوا رزقــــي ]
العرض الشجري